ହତ୍ୟାକାରୀକୁ ୭ ବର୍ଷ ଜେଲ
Rasmita Behera
କେନ୍ଦୁଝର: ସୋମବାର ଏକ ନର ହତ୍ୟା ମାମଲାର ବିଚାର କରି କେନ୍ଦୁଝର ଏଡିଜେ ମମିତା ଦାସ ଦୈତାରୀ ଗ୍ରାମର ଅଭିଯୁକ୍ତ ସୁନାରାମ ମାଝୀ(୩୫)କୁ ୭ ବର୍ଷ ସଶ୍ରମ କାରାଦଣ୍ଡ ସହ ୧୦ ହଜାର ଟଙ୍କା ଜୋରିମାନା ଏବଂ ଜୋରିମାନା ଅନାଦେୟ ଅଧିକ ୬ ମାସ ସଶ୍ରମ କାରାଦଣ୍ଡାଦେଶ ଶୁଣାଇଛନ୍ତି । ଘଟଣାରୁ ପ୍ରକାଶ ଯେ,୫ା୧୦ା୨୦୧୯ ତାରିଖ ରାତି ୯ ଘଟିକା ସମୟରେ ସୁନାରାମ ମାଝୀ ସେହି ଗ୍ରାମର ଲକ୍ଷ୍ମଣ ନାଏକ (ମୃତକ)ଙ୍କ ଘର ଉପରେ ଚଢିଥିଲା । ଏହାକୁ ଲକ୍ଷ୍ମଣ ନାଏକ ବିରୋଧ କରିବାରୁ ସେ ହଠାତ୍ ରାଗି ଯାଇ ଲକ୍ଷ୍ମଣ କୁ ତଳେ ପକାଇ ମୁଥ ମାରି ଥିଲା । ତା’ର ପାଟି ଶୁଣି ପାଖ ଲୋକ ମାନେ ଦୌଡି ଆସି ଲକ୍ଷ୍ମଣକୁ ଉଦ୍ଧାର କରି ଡାକ୍ତରଖାନାକୁ ନେବା ସମୟରେ ତା’ର ମୃତୁ୍ୟ ହୋଇଥିଲା । ଏହାପରେ ମୃତକର ସାନଭାଇ ନିତ୍ୟାନନ୍ଦ ନାଏକ ଦୈତାରୀ ଥାନାରେ ୬ା୧୦ା୨୦୧୯ ତାରିଖରେ ଏକ ଲିଖିତ ଅଭିଯୋଗ କରିଥିଲେ । ଦୈତାରୀ ଥାନା କେଶ ନଂ ୫୨ ୬ା୧୦ା୨୦୧୯ ତାରିଖରେ କେଶ ରୁଜୁ ହୋଇ ଅଭିଯୁକ୍ତକୁ ସେହି ଦିନ କୋର୍ଟ ଚାଲାଣ କରାଯାଇଥିଲା । କେନ୍ଦୁଝର ଏଡିଜେ ମମିତା ଦାସ ୯ ଜଣ ସାକ୍ଷୀଙ୍କ ବୟାନକୁ ଭିତ୍ତି କରି ଅଭିଯୁକ୍ତ କୁ ଉପରୋକ୍ତ କାରା ଦଣ୍ଡାଦେଶ ଶୁଣାଇଛନ୍ତି । ସରକାରଙ୍କ ତରଫରୁ ଆଡିସନାଲ ପିପି ପ୍ରଫୁଲ୍ଲ କୁମାର ପାତ୍ର କେଶ ପରିଚାଳନା କରୁଥିଲେ ।
