୧୩ ଜୁଆଡ଼ି ଗିରଫ
Rasmita Behera
ନୂଆପଡା: ନୂଆପଡ଼ା ଜିଲ୍ଲା ସିନାପାଲି ଥାନା ଅନ୍ତର୍ଗତ ଜାମ ପାଣି ଗ୍ରାମରେ ଚାଲିଥିବା ଏକ ଜୁଆ ଆଡ୍ଡା ଉପରେ ଚଢ଼ଉ କରି ୧୩ ଜଣଙ୍କୁ ଗିରଫ କରି ଅଟକ ରଖିଛି ସିନାପାଲି ପୁଲିସ । ଗତ ଦୀପାବଳି ଠାରୁ ଜାମ ପାଣି ଓ କୁଳିଆ ପଦର ଗାଆଁ ମଝିରେ ଥିବା ଏକ ଘରେ ଜୁଆ ଖେଳା ଯାଇଥିବା ଖବର ପାଇଁ ଅନେକଥର ରେଡ କରାଯାଇଥିଲେ ମଧ୍ୟ ସୁରାକ ପାଇ ନଥିଲା ପୁଲିସ ।ଗତକାଲି ରାତିରେ ସିନାପାଲି ଆଇ ଆଇ ସି ରଶ୍ମିତା ପ୍ରଧାନଙ୍କ ନେତୃତ୍ୱରେ ଏକ ଟିମ୍ ଚଢାଉ କରି ଏଥିରେ ସଫଳ ହୋଇଥିଲା । ଜୁଆ ଖେଳୁଥିବା ୧୩ ଜଣଙ୍କୁ ଗିରଫ କରିବା ସହ ସେମାନଙ୍କ ଠାରୁ ନଗଦ ୩୦,୬୨୦ ଟଙ୍କା, ଗୋଟିଏ ଚାରି ଚକିଆ ଗାଡ଼ି, ଛଅଟି ମୋଟର ସାଇକେଲ ଓ ନଅଟି ମୋବାଇଲ୍ ଫୋନ ଜବତ କରାଯାଇଥିଲା । ସେମାନଙ୍କୁ ଅଟକ ରଖି ଅଧିକ ପଚରା ଉଚୁରା କରାଯାଉଥିବା ପୁଲିସ କହିଛି । ଗିରଫ ଯୁଆଡ଼ି ମାନେ ହେଲେ ବ୍ରଜ ମୋହନ ଧାକଡ, ପୁରୁଷୋତ୍ତମ ଜଗତ, କେଦାର ସାଆ, ଲେଲୁ ହରିଜନ, ପ୍ରଫୂଲ ବାଗ, ଶିଶୁପାଳ ମାଝୀ, ଜଗନ୍ନାଥ ବାଗ,ମଧୁସୂଦନ ନାଗ ,କୁଲଦେବ ଛତ୍ରିଆ ପବିତ୍ର ଛତ୍ରିଆ,କମଳ ଚନ୍ଦ୍ର ସଗରିଆ, ଦେବାନନ୍ଦ ବାଗ ଓ ବଡ ମାଝୀ । ତାଙ୍କ ମଧ୍ୟରେ ସ୍ଥାନୀୟ କଲେଜର ଜଣେ ଅଧ୍ୟାପକ ରହିଥିବା ଜଣାପଡିଛି । ସୂଚନାଯୋଗ୍ୟ ଯେ କିଛି ଦିନ ତଳେ ନୂଆପଡ଼ା ଜିଲ୍ଲା ଜୋକ୍ ଥାନା ଅଂଚଳରେ ଏକ ବଡ ଧରଣର ଜୁଆ ଖେଳ ଉପରେ ରେଡ କରି ଅଶି ଯୁଆଡ଼ିଙ୍କୁ ଗିରଫ କରାଯାଇଥିବା ଓ କାର୍ଯ୍ୟରେ ଅବହେଳା କରିଥିବା ନେଇ ଆଇଆଇସିଙ୍କୁ ନିଲମ୍ବିତ କରାଯିବା ଖବର ଆଲୋଡନ ସୃଷ୍ଟି କରିଥିଲା । ଏହା ପରେ ପୁଲିସ ତତ୍ପରତା ଦେଖାଉଥିବା ଜଣାପଡିଛି ।
