୧୯୯୩ ମାଟ୍ରିକ ବ୍ୟାଚର ବନ୍ଧୁମିଳନ
Rasmita Behera
ତାଳଚେର : ତାଳଚେର ବ୍ଲକ କଳମଛୁଇଁ ପଞ୍ଚାୟତ ସ୍ଥିତ ହିଙ୍ଗୁଳା ନୋଡାଲ୍ ଉଚ୍ଚ ବିଦ୍ୟାଳୟର ୧୯୯୩ ମାଟ୍ରିକ ବ୍ୟାଚ୍ର ୩୧ତମ ବନ୍ଧୁମିଳନ ଉତ୍ସବ ସ୍ଥାନୀୟ ଦେଉଳଛକ ନିକଟସ୍ଥ କଳାପାହାଡ଼ ଯୁବକ ସଂଘ କ୍ଲବ ପରିସରରେ ଅନୁଷ୍ଠିତ ହୋଇଯାଇଛି । ଏଥିରେ ୪୬ଜଣ ପୁରାତନ ଛାତ୍ର ଯୋଗଦାନ କରିଥିଲେ । କାର୍ଯ୍ୟକ୍ରମରେ ତ୍ରିନାଥ ସାହୁ ଅଧ୍ୟକ୍ଷତା କରିଥିଲେ । ପ୍ରାରମ୍ଭରେ ବାଲ୍ୟବନ୍ଧୁ କରୁଣାକର ସାହୁଙ୍କ ଅକାଳ ବିୟୋଗ ହୋଇଥିବାରୁ ତାଙ୍କ ଅମର ଆତ୍ମାର ସଦ୍ଗତି କାମନା କରି ୨ମିନିଟ୍ ନୀରବ ପ୍ରାର୍ଥନା କରାଯାଇଥିଲା । ଏହାପରେ ସମସ୍ତ ବନ୍ଧୁ ଏକାଠି ହୋଇ ବିଗତ ଦିନ ସ୍ମୃତିଚାରଣ କରିବା ସହ ଆଗାମୀ ଦିନରେ ମଧ୍ୟ ଏଭଳି କାର୍ଯ୍ୟକ୍ରମ ଜାରି ରହିବ ବୋଲି ନିଷ୍ପତ୍ତି ନିଆଯାଇଥିଲା । ଏହାପରେ ସମସ୍ତେ ଏକତ୍ରିତ ହୋଇ ସାମୂହିକ ଭୋଜନ କରିଥିଲେ । ଏହି ଉତ୍ସବକୁ ଗିରିଶ ଚନ୍ଦ୍ର ପ୍ରଧାନ, ଘନଶ୍ୟାମ ରଣା, ସୁଧାକର ସାହୁ, ଶରତ ସ୍ୱାଇଁ, ମନୋଜ ସାହୁ, କିଶୋର ପ୍ରଧାନ, ହେମନ୍ତ ଦାସ, ଲକ୍ଷ୍ମୀଧର ମାଝୀ, ଅର୍ଜୁନ ସାହୁ, କୃଷ୍ଣଚନ୍ଦ୍ର ମହାପାତ୍ର, ଶ୍ରୀକାନ୍ତ ସାହୁ, କବିରାଜ ସାହୁ, ସତ୍ୟାନନ୍ଦ ସାହୁ, ଶ୍ରୀକାନ୍ତ କୁମାର ସାହୁ, ତ୍ରିବେଣୀ ସାହୁଙ୍କ ସମେତ ସମସ୍ତ ବନ୍ଧୁ ସହଯୋଗ କରିଥିଲେ । କାର୍ଯ୍ୟକ୍ରମକୁ ବିଭୂତି ଭୂଷଣ ସ୍ୱାଇଁ ପରିଚାଳନା କରିଥିବାବେଳେ ସଂଜୀବ ମହାପାତ୍ର ଧନ୍ୟବାଦ ଅର୍ପଣ କରିଥିଲେ ।
