୩ ବେପାରୀ ଗିରଫ; ବ୍ରାଉନସୁଗାର ସହ ମଦ ଜବତ
Jitendra Sahu
5392
ଭୁବନେଶ୍ୱର, ୨୫ା୧୨ : ଆଜି ଭୁବନେଶ୍ୱର ଅବକାରୀ ବିଭାଗ ରେଞ୍ଜ୍ - ୨ର ଟିମ୍ ରାଜଧାନୀର ବିଭିନ୍ନ ଅଞ୍ଚଳରେ ଚଢ଼ାଉ କରି ଜଣେ ଧଳାଜହର ବେପାରୀ ଓ ୨ ଜଣ ମଦ ବେପାରୀଙ୍କୁ ଗିରଫ କରି କୋର୍ଟ ଚାଲାଣ କରିଛି । ସେମାନଙ୍କ ଠାରୁ ୩୮ ଗ୍ରାମ ବ୍ରାଉନସୁଗାର ୫୭୦ ଲିଟର ଦେଶୀମଦ ଜବତ କରାଯାଇଛି । ଗିରଫ ୩ ଅଭିଯୁକ୍ତ ହେଲେ, ଦେବୀ ପ୍ରସାଦ ସାମଲ, ବିରେନ୍ଦ୍ର ଗୌଡ ଓ ବଳକା ବିନ୍ଧାଣୀ ।
ସୂଚନାଯୋଗ୍ୟ ଯେ, ନୂଆବର୍ଷ ପାଇଁ ଅବକାରୀ ବିଭାଗର ପୁଣି ନିଦ ଭାଙ୍ଗିଛି । ବୁଧବାର ସକାଳୁ ସକାଳୁ ଅବକାରୀ ବିଭାଗର ରେଞ୍ଜ୍ - ୨ର ଟିମ ମାଷ୍ଟର କ୍ୟାଣ୍ଟିନ୍, ଭରତପୁର, ନୟାପଲ୍ଲୀ ଅଞ୍ଚଳରେ ଚଢ଼ାଉ କରି ଜଣେ ବ୍ରାଉନସୁଗାର ବେପାରୀ ଓ ୨ ଜଣ ଦେଶୀମଦ ବେପାରୀଙ୍କୁ ଗିରଫ କରାଯାଇଛି । ସେମାନଙ୍କ ଠାରୁ ୩୮ ଗ୍ରାମ ବ୍ରାଉନସୁଗାର ଓ ୫୭୦ ଲିଟର ମଦ ଜବତ କରାଯାଇଛି ।
