୫୦୦ ଲିଟର ମଦ ଜବତ; ୩ ଗିରଫ
Jitendra Sahu
ଭୁବନେଶ୍ୱର, ୧୮ା୧୨ : ଚୋରାରେ ୨୦୦ ଲିଟର ଦେଶୀମଦ ବାଇକରେ ଚାଲାଣ କରୁଥିବା ବେଳେ, କାର୍ଗିଲ ବସ୍ତି ଠାରେ ମାଡ଼ିବସିଲା ଏୟାରପୋର୍ଟ ଥାନା ପୁଲିସ । ୨ ଜଣଙ୍କୁ ଗିରଫ କରିବା ସହ ବେଆଇନ୍ ଦେଶୀମଦ ଚାଲାଣ ମାମଲା ରୁଜୁକରି ଆଜି ଦୁହିଁଙ୍କୁ କୋର୍ଟ ଚାଲାଣ କରାଯାଇଛି । ଗିରଫ ୨ ଅଭିଯୁକ୍ତ ହେଲେ, କାର୍ଗିଲ ବସ୍ତିର ଯୋଗୀ ଡୋରା ଓ ପପୁ ଦାଶ । ସେହିପରି ମୈତ୍ରୀବିହାର ଥାନା ପୁଲିସ ମଧ୍ୟ ଜଣେ ଦେଶୀମଦ ବେପାରୀକୁ ଗିରଫ କରିବା ସହ ତାଠାରୁ ୩୦୦ ଲିଟର ଦେଶୀମଦ ଜବତ କରିଛି । ଗିରଫ ଅଭିଯୁକ୍ତ ହେଲା, ସାଲିଆସାହିର ପରମା ରାଓ । ତାକୁ ମଧ୍ୟ ପୁଲିସ ବେଆଇନ୍ ମଦ କାରବାର ମାମଲାରେ ଆଜି କୋର୍ଟ ଚାଲାଣ କରିଛି ।
ସୂଚନାଯୋଗ୍ୟ ଯେ, ଗତକାଲି ଅବା ମଙ୍ଗଳବାର ଦିନ ଏୟାରପୋର୍ଟ ଥାନାର ଏକ ପେଟ୍ରୋଲିଂ ଟିମ ନିଜ ଅଞ୍ଚଳରେ ପେଟ୍ରୋଲିଂ କରୁଥିବା ବେଳେ, ଦୁଇ ଅଭିଯୁକ୍ତ ବେଆଇନ ଦେଶୀମଦ ଚାଲାଣ କରୁଥିବା ନେଇ ବିଶ୍ୱସ୍ତ ସୁତ୍ରରୁ ସୂଚନା ଆଧାରରେ ପେଟ୍ରୋଲିଂ ଟିମ ଲିଙ୍ଗରାଜ ରେଲୁୱେ ଷ୍ଟେସନରୁ କାର୍ଗିଲ ବସ୍ତି ଅଭିମୁଖେ ଯାଉଥିବା ରାସ୍ତାରେ ଅତର୍କିତ ଚଢ଼ାଉ କରି, ଦୁଇ ଅଭିଯୁକ୍ତଙ୍କୁ କାବୁ କରିବାରେ ସକ୍ଷମ ହୋଇଥିଲେ । ପରେ ସେମାନଙ୍କ ଛାନଭିନ ସମୟରେ ପୁଲିସ ଉଭୟ ଅଭିଯୁକ୍ତଙ୍କ ହେପାଜତରୁ ମୋଟ ୨୦୦ ଲିଟର ଦେଶୀମଦ ଜବତ କରିଥିଲେ । ସେମାନଙ୍କ ପାଖରେ କୌଣସି ମଦ ଚାଲାଣର କାଗଜପତ୍ର ନଥିବା ଫଳରେ ପୁଲିସ ସେମାନଙ୍କୁ ଗିରଫ କରି ଥାନାକୁ ନେଇଥିଲେ । ପରେ ପୁଲିସ ମାମଲା ରୁଜୁକରି ତଦନ୍ତ ଚଳାଇ ଆଜି ଦୁହିଙ୍କୁ କୋର୍ଟ ଚାଲାଣ କରାଯାଇଛି । ସେହିପରି ମୈତ୍ରୀବିହାର ଥାନାଧିକାରୀଙ୍କ ନିଦେ୍ର୍ଦଶ କ୍ରମେ ଥାନାର ପେଟ୍ରୋଲିଂ ଟିମ ନିଜ ଅଞ୍ଚଳରେ ପେଟ୍ରୋଲିଂ ଚଳାଇଥିବା ବେଳେ ସାଲିଆସାହିରୁ ଜଣେ ବେପାରୀକୁ ଗିରଫ କରିବା ସହ ତାଠାରୁ ୩୦୦ ଲିଟର ଦେଶୀମଦ ଜବତ କରିଛି ।
