ଏଏମ୍/ଏନ୍ଏସ୍ଇଣ୍ଡିଆ ପକ୍ଷରୁ ରାସ୍ତା ପାଇଁ ଭୂମି ପୂଜା
Rasmita Behera
ବଡବିଲ : ବଡବିଲର ସାଗାସାହି ଖଣି ନିକଟରେ ଭଞ୍ଜପାଲି ବାଇପାସ୍ ଠାରୁ କଳମଙ୍ଗ ଛକ ପର୍ଯ୍ୟନ୍ତ ଚାରି କିଲୋମିଟର ଲମ୍ବ କଂକ୍ରିଟ୍ ରାସ୍ତା ନିର୍ମାଣ ପାଇଁ ଆର୍ସଲରମିତ୍ତଲ ନିପ୍ପନ ଷ୍ଟିଲ୍ ଇଣ୍ଡିଆ (ଏଏମ୍/ଏନ୍ଏସ୍ ଇଣ୍ଡିଆ)ପକ୍ଷରୁ ‘ଭୂମି ପୂଜା' କରାଯାଇଛି । ନିର୍ମାଣ କରାଯାଉଥିବା ଏହି ରାସ୍ତାଟି ସ୍ଥାନୀୟ କଳମଙ୍ଗ, ସାଗାସାହି ଏବଂ ଘୋରାଭୁରାଣୀ ଗ୍ରାମର ଯାତ୍ରୀମାନଙ୍କ ପାଇଁ ଏକ ନିୟମିତ ରାସ୍ତା । ଏଏମ୍/ଏନ୍ଏସ୍ ଇଣ୍ଡିଆ ସୁରକ୍ଷିତ ଏବଂ ଅଧିକ ଦକ୍ଷ ଯାତ୍ରା ସୁନିଶ୍ଚିତ କରିବା ନିମନ୍ତେ ମାଟି ରାସ୍ତାକୁ ଏକ ସ୍ଥାୟୀ କଂକ୍ରିଟ୍ ରାସ୍ତାରେ ପରିଣତ କରିବାକୁ ପଦକ୍ଷେପ ନେଇଛି । ଏହି ରାସ୍ତା ୬ ମାସ ମଧ୍ୟରେ ଶେଷ ହେବ ବୋଲି ଆଶା କରାଯାଉଛି । ଏହି ରାସ୍ତା ସମ୍ପୂର୍ଣ୍ଣ ହେଲେ ୩ହଜାରରୁ ଅଧିକ ସ୍ଥାନୀୟ ଯାତ୍ରୀ ଉପକୃତ ହେବେ । ଏଏମ୍/ଏନ୍ଏସ୍ ଇଣ୍ଡିଆର ଖଣି ମୁଖ୍ୟ ଶରଣପ୍ପା କାମ୍ବାଲି ଏହି ଭୂମି ପୂଜାର ନେତୃତ୍ୱ ନେଇଥିଲେ, ଯାହା ସ୍ଥାନୀୟ ଗୋଷ୍ଠୀ ସଦସ୍ୟ ଏବଂ କମ୍ପାନୀର ଅଧିକାରୀମାନଙ୍କ ଉପସ୍ଥିତିରେସମ୍ପନ୍ନ କରାଯାଇଥିଲା । ଏହିଅବସରରେ ଶ୍ରୀ କାମ୍ବାଲି କହିଛନ୍ତି ଯେ, ଏହି ପଦକ୍ଷେପ ଏଏମ୍/ଏନ୍ଏସ୍ ଇଣ୍ଡିଆର କାର୍ଯ୍ୟକ୍ଷମସ୍ଥାନର ଆଖପାଖରେ ଥିବା ସମ୍ପ୍ରଦାୟର କଲ୍ୟାଣ ପ୍ରତି ଗଭୀର ପ୍ରତିବଦ୍ଧତାକୁ ପ୍ରତିଫଳିତ କରୁଛି । ଏହି ଗୁରୁତ୍ୱପୂର୍ଣ୍ଣ ରାସ୍ତାକୁ ଏକ କଂକ୍ରିଟ୍ ରାସ୍ତାରେ ପରିଣତ କରିକମ୍ପାନୀ ସଂଯୋଗୀକରଣ ବୃଦ୍ଧି କରିବା, ଯାତ୍ରାକାଳୀନ ବିପଦ ହ୍ରାସ କରିବା ଏବଂ ଅଞ୍ଚଳର ଆର୍ଥିକ କାର୍ଯ୍ୟକଳାପକୁ ସୁଦୃଢ କରିବା ପାଇଁ ଲକ୍ଷ୍ୟ ରଖିଛି ।
