ଦକ୍ଷତା ବିକାଶ କର୍ମଶାଳା
Rasmita Behera
5630
ବଡ଼ସାହି: ବଡ଼ସାହି ବ୍ଲକ୍ ଅନ୍ତର୍ଗତ ପତରାପଦା ସ୍ଥିତ ଶ୍ରୀଗୁରୁ ହାଇସ୍କୁଲରେ ଜିଲ୍ଲା ପ୍ରଶାସନ ଓ କଟକରୁ ଆସିଥିବା ଏନ୍ଡିଆରଏଫ୍ ଟିମ୍ର ମିଳିତ ସହଯୋଗରେ ବିପର୍ଯ୍ୟୟ ପରିଚାଳନା ଓ ଦକ୍ଷତା ବିକାଶ କର୍ମଶାଳା ଅନୁଷ୍ଠିତ ହୋଇଯାଇଛି । ପ୍ରଧାନଶିକ୍ଷକ ସୁଶାନ୍ତ କୁମାର ମହାନ୍ତ ଏଥିରେ ଅଧ୍ୟକ୍ଷତା କରିଥିବାବେଳେ ହିନ୍ଦୀ ଶିକ୍ଷକ ଚକ୍ରଧର ମୁଖି କାର୍ଯ୍ୟକ୍ରମ ପରିଚାଳନା କରିଥିଲେ । ମୁଖ୍ୟ ପ୍ରଶିକ୍ଷକ ଭାବେ ଏନଡିଆରଏଫ୍ ଏସଆଇ ବାହାଦୁର ସିଂହ, କନେଷ୍ଟବଳ ମହମ୍ମଦ ଆରାଫତ ଓ ଶିବଶଙ୍କର ଦାସ ଯୋଗ ଦେଇ ଅଗ୍ନି ନିରାପତ୍ତା, ସିପିଆର, ସାପ କାମୁଡା, ବଜ୍ରପାତ ଓ ଭୂମିକମ୍ପ ମୁକାବିଲା, ବିଜୁଳି ଘଡଘଡି ଏବଂ ବନ୍ୟା ବାତ୍ୟାର ମୁକାବିଲା କିପରି କରାଯାଇ ପାରିବ ସେ ଦିଗରେ ଛାତ୍ରଛାତ୍ରୀଙ୍କୁ ତାଲିମ ପ୍ରଦାନ କରିଥିଲେ । କାର୍ଯ୍ୟକ୍ରମ ପରିଚାଳନାରେ ସମସ୍ତ ଶିକ୍ଷକଶିକ୍ଷୟିତ୍ରୀ ଓ କର୍ମଚାରୀ ସହଯୋଗ କରିଥିଲେ ।
