ପୁଜା ପର୍ବାଣୀରେ ମହିଳାଙ୍କୁ ନଡ଼ିଆ ଭାଙ୍ଗିବା ନିଷେଧ କାହିଁକି?

ଫଳ ମାନଙ୍କ ମଧ୍ୟରେ ନଡ଼ିଆ ଶ୍ରେଷ୍ଠ ଫଳ ହୋଇଥିବାରୁ ଏହାକୁ "ଶ୍ରୀଫଳ" କୁହାଯାଇଥାଏ। ପ୍ରତ୍ୟେକ ଶୁଭ କାର୍ଯ୍ୟରେ ନଡ଼ିଆର ବିଶେଷ ଗୁରୁତ୍ୱ ରହିଛି।  ଶାସ୍ତ୍ରରେ ମହିଳାମାନଙ୍କୁ କିଛି କାମ କରିବାକୁ ବାରଣ କରାଯାଇଛି, ସେଥିମଧ୍ୟରୁ ଗୋଟିଏ ହେଉଛି ନଡ଼ିଆ ଭାଙ୍ଗିବା, ଯାହା ମହିଳାଙ୍କ ପାଇଁ ନିଷେଧ କରାଯାଉଛି। ତେବେ ଏପରି କାହିଁକି? ଆସନ୍ତୁ ଜାଣିବା...

ନଡ଼ିଆକୁ  ଶ୍ରେଷ୍ଠ ଫଳର ମାନ୍ୟତା ଦିଆଯାଇଛି ତେଣୁ ଏହାକୁ ବହୁତ ପବିତ୍ର ବିବେଚନା କରାଯାଏ। ନଡ଼ିଆରେ ଭଗବାନ ବ୍ରହ୍ମା, ବିଷ୍ଣୁ ଏବଂ ମହେଶ୍ବର ( ତ୍ରିଦେବ) ବାସକରନ୍ତି ବୋଲି ବିଶ୍ୱାସ କରାଯାଏ। ନଡ଼ିଆରେ ଥିବା ତିନିଟି ଆଖି ଶିବଙ୍କର ତ୍ରିନେତ୍ରର ରୂପ ବୋଲି ବିଶ୍ୱାସ ରହିଛି।ଶାସ୍ତ୍ରରେ, ନଡ଼ିଆ ଭାଙ୍ଗିବା ଏକ ପ୍ରକାର ବଳିଦାନର ପ୍ରତୀକ ଭାବରେ ବିବେଚନା କରାଯାଏ। ମହିଳାମାନେ ଏହାକୁ ଭାଙ୍ଗିବା ପଛରେ ଥିବା ବିଶ୍ୱାସ ହେଉଛି ଯେ, ନଡ଼ିଆ ଏକ ମଞ୍ଜି ଅଟେ ଏବଂ ମହିଳା ମଞ୍ଜି ରୂପରେ ଏକ ସନ୍ତାନକୁ ଜନ୍ମ ଦିଅନ୍ତି। କୁହାଯାଏ ଯେ, ଯଦି ଜଣେ ମହିଳା ନଡ଼ିଆ ଭାଙ୍ଗନ୍ତି, ତେବେ ଏହା ଗର୍ଭାଶୟ ଉପରେ ନକାରାତ୍ମକ ପ୍ରଭାବ ପକାଇଥାଏ।ଭଗବାନ ବିଷ୍ଣୁ ମାତା ଲକ୍ଷ୍ମୀଙ୍କ ସହିତ ପୃଥିବୀକୁ ଏକ ଫଳ ଭାବରେ ନଡିଆ ମଧ୍ୟ ପଠାଇଥିଲେ। ଏହା ଉପରେ କେବଳ ମା’ ଲକ୍ଷ୍ମୀଙ୍କର ଅଧିକାର ଅଛି। ସେଥିପାଇଁ ମହିଳାଙ୍କ ନଡ଼ିଆ ଭାଙ୍ଗିବା ନିଷେଧ ରହିଛି।ପ୍ରତ୍ୟେକ ଶୁଭ କାର୍ଯ୍ୟରେ ନଡ଼ିଆ ଭାଙ୍ଗିବା ପଛରେ ଏକ ବିଶ୍ୱାସ ଅଛି ଯେ, ଯେତେବେଳେ ଏହା ଫାଟିଯାଏ, ଜଳ ଚାରିଆଡ଼େ ବ୍ୟାପିଥାଏ ଯାହା ସମସ୍ତ ନକାରାତ୍ମକତାକୁ ଦୂର କରିଥାଏ। ଏହାର ଜଳ ଅତ୍ୟନ୍ତ ପବିତ୍ର ବୋଲି ବିବେଚନା କରାଯାଏ।ନଡ଼ିଆର ବିଶେଷ ଗୁରୁତ୍ୱ ରହିଛି, ଏହାକୁ ମାତା ଲକ୍ଷ୍ମୀଙ୍କ ରୂପ ଭାବରେ ବିବେଚନା କରାଯାଏ। ବିଶ୍ୱାସ କରାଯାଏ ଯେ, ଯାହାର ଏକାକ୍ଷୀ ନଡ଼ିଆ ଅଛି, ତାଙ୍କର ଜୀବନରେ କେବେବି ଟଙ୍କା ଅଭାବର ରୁହେ ନାହିଁ।ଭଗବାନ ବିଷ୍ଣୁ ଏବଂ ମାତା ଲକ୍ଷ୍ମୀ ନଡ଼ିଆ ଗଛ ଏବଂ କାମଧେନୁକୁ ପୃଥିବୀକୁ ଆଣିଥିଲେ ବୋଲି ବିଶ୍ୱାସ କରାଯାଏ। ଭଗବାନଙ୍କୁ ନଡ଼ିଆ ଅର୍ପଣ କଲେ ଦୁଃଖ ଓ ଯନ୍ତ୍ରଣା ନଷ୍ଟ ହୋଇଯାଏ ବୋଲି ବିଶ୍ୱାସ କରାଯାଏ।ପୂଜାରେ କଳସ ଉପରେ ଏକ ନଡ଼ିଆ ରଖାଯାଏ, ଏହା ଗଣେଶଙ୍କର ପ୍ରତୀକ ଭାବରେ ବିବେଚନା କରାଯାଏ। ଗଣେଶଙ୍କର ପୂଜା ବିନା କୌଣସି କାର୍ଯ୍ୟ ଆରମ୍ଭ ହୁଏ ନାହିଁ।