ଭରତପୁର ଥାନାରୁ ଅଟୋ ଚୋରି ; ୨ ଲୁଟେରା ଗିରଫ
Jitendra Sahu
4803
ଭୁବନେଶ୍ୱର, ୧୩ା୪ : ଭରତପୁର ପୁରୁଣା ଥାନାରୁ ଅଟୋ ଚୋରି । ଏନେଇ ଭରତପୁର ଥାନାରେ ଅଭିଯୋଗ ପରେ ପୁଲିସ ମାମଲା ରୁଜୁକରି ତଦନ୍ତ ଚଳାଇ ଶନିବାର ଦିନ ୨ ଲୁଟେରାଙ୍କୁ ଗିରଫ କରିବା ସହ ସେମାନଙ୍କ ଠାରୁ ଚୋରି ଅଟୋକୁ ଜବତ କରାଯାଇଛି । ଗିରଫ ୨ ଲୁଟେରା ହେଲେ, ମୈତ୍ରୀବିହାର ବିଡ଼ିଏ କଲୋନୀର ଶକ୍ତି ମହାପାତ୍ର ଓ ଦାମ ରାଓ ।
ସୂଚନାଯୋଗ୍ୟ ଯେ, ଗତ ମାର୍ଚ୍ଚ ମାସ ୬ ତାରିଖ ଦିନ ଭରତପୁର ଥାନା ଏସଆଇ ଏସକେ ବେହୁରାଙ୍କ ଦ୍ୱାରା ଭରତପୁର ଥାନା କେସ ନମ୍ବର ୨୯୩/୨୩ରେ ଏକ ଅଟୋକୁ ଜବତ କରାଯାଇ ପୁରୁଣା ଥାନା ସମ୍ମୁଖରେ ରଖାଯାଇଥିଲା । ଗତ ୧୦ ତାରିଖ ସନ୍ତୋଷ ତାଙ୍କର ଡୁ୍ୟଟିରେ ଥିବା ବେଳେ ସେ ଅଟୋ ଟିକୁ ଘଟଣା ସ୍ଥଳରେ ଦେଖିବାକୁ ପାଇନଥିଲେ । ଏନେଇ ସେ ଭରତପୁର ଥାନାରେ ଅଭିଯୋଗ କରିଥିଲେ । ଭୁରପୁର ଥାନା ପୁଲିସ ମାମଲା ରୁଜୁକରି ତଦନ୍ତ ଚଳାଇ ଗତକାଲି ରାତିରେ ବରମୁଣ୍ଡା ବସ ପ୍ରବେଶ ଗେଟ ନିକଟରେ ବ୍ଳକିଂ ଚାଲିଥିବା ବେଳେ ଅଭିଯୁକ୍ତ ଦୁହିଁଙ୍କୁ ଗିରଫ କରାଯିବା ସହ ଅଟୋକୁ ଜବତ କରାଯାଇଛି ।
