ମତ୍ସ୍ୟଜୀବୀଙ୍କୁ ସଚେତନତା
Rasmita Behera
ାା ପ୍ରଭାନୁ୍ୟଜ୍ ।ା ରାଜନଗର: ରାଜନଗର ବ୍ଲକ ତାଳଚୁଆ ସାମୁଦ୍ରିକ ଥାନା ପରିସରରେ ଭାରତୀୟ ନୌସେନା ପକ୍ଷରୁ ଗୋଷ୍ଠୀ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ନୌସେନା ପକ୍ଷରୁ ଅଶ୍ରୁମୋଚନ ପାଣି ଓ ମିଷ୍ଟର ପ୍ରବୀଣ, ସାମୁଦ୍ରିକ ଥାନାଧିକାରିଣୀ ସଶ୍ମିତା ସାହୁ, ସବଇନ୍ସିପେକ୍ଟର ଅନିଲ ମହାପାତ୍ର ପ୍ରମୁଖ ଯୋଗ ଦେଇଥିଲେ । ବିଶେଷ କରି ଜଳପଥରେ ଅନୁପ୍ରବେଶ ଆଶଙ୍କା ଥିବାରୁ ମତ୍ସ୍ୟଜୀବୀମାନଙ୍କୁ ସଚେତନତା କରାଯାଇଥିଲା । ସମୁଦ୍ର ବା ନଦୀରେ ଅଜଣା ବୋଟ, ଅଚିହ୍ନା ବ୍ୟକ୍ତିଙ୍କୁ ଦେଖିଲେ ପ୍ରଶାସନକୁ ଖବର ଦେବା ପାଇଁ ପରାମର୍ଶ ଦିଆଯାଇଥିଲା । ମତ୍ସ୍ୟଜୀବୀମାନେ ସମୁଦ୍ର ଭିତରେ ବୋଟ ଓ ଟ୍ରଲରମାନଙ୍କରେ ରହୁଥିବାରୁ ସନ୍ଦିଗ୍ଧଙ୍କ ସମ୍ପର୍କରେ ତୁରନ୍ତ ସୂଚନା ଦେବା ପାଇଁ ପରାମର୍ଶ ଦେବା ସହ ଆମେ ନିରାପଦରେ ସହବସ୍ଥାନ କରିବାକୁ ହେଲେ, ଏ ଦିଗରେ ପ୍ରଶାସନକୁ ଜନସାଧାରଣଙ୍କ ସହଯୋଗ ଜରୁରୀ ବୋଲି ମତବ୍ୟକ୍ତ କରିଥିଲେ । ଏହି କାର୍ଯ୍ୟକ୍ରମରେ ଅମଲ ପ୍ରଧାନ, ସ୍ୱଦେଶ ମଣ୍ଡଳ, ସତ୍ୟବ୍ରତ ସାହୁ ପ୍ରଭୃତି ଟ୍ରଲର ମାଲିକ ଓ ବୋଟମାଲିକଙ୍କ ସହ ମତ୍ସ୍ୟଜୀବୀମାନେ ଯୋଗ ଦେଇଥିଲେ । ଏହି କାର୍ଯ୍ୟକ୍ରମକୁ ଥାନାର କର୍ମଚାରୀମାନେ ପରିଚାଳନାରେ ସହଯୋଗ କରିଥିଲେ ।
