ସ୍କୁଟିକୁ ପିଟିଲା ଟ୍ରକ, ଜଣେ ମୃତ
Rasmita Behera
ନୂଆପଡା ଜିଲ୍ଲା ସିନାପାଲି ଥାନା ଅନ୍ତର୍ଗତ ନିଲଜୀ ଡଙ୍ଗରିଗୁଡା ଛକ ଫୋରୱେ ରାସ୍ତା ଠାରେ ଏକ ସ୍କୁଟିକୁ ପଛ ପଟୁ ଟ୍ରକ୍ ପିଟି ଦେବା ଫଳରେ ସ୍କୁଟି ଆରୋହୀଙ୍କ ଘଟଣାସ୍ଥଳରେ ମୃତୁ୍ୟ ଘଟିଥିବା ଜଣାପଡିଛି । ମୃତ ବ୍ୟକ୍ତି ଜଣକ ବୋଡେନ ଥାନା ବୁଢିପଦର ଗ୍ରାମର ବଲରାମ ସା (୨୭) । ସୂଚନାନୁସାରେ ସିନାପାଲି ପଟରୁ ସ୍କୁଟିରେ ଯୁବକ ଜଣକ କାମ ସାରି ନିଜ ଗାଁକୁ ଫେରୁଥିବାବେଳେ ସେହି ପଟୁ ଏକ ଅଜଣା ଟ୍ରକ୍ ଆସି ପଛପଟ ସ୍କୁଟିକୁ ପିଟି ଦୁର୍ଘଟଣା ଘଟାଇ ଫେରାର୍ ହୋଇଥିଲା । ଏହା ଦେଖି ସ୍ଥାନୀୟ ଲୋକେ ଟ୍ରକ୍ କୁ ପିଛା କରିଥିବା ବେଳେ ଟ୍ରକ୍ ଦ୍ରୁତ ଗତିରେ ଫେରାର୍ ମାରିଥିଲା । ବଲରାମ କିଛି ଦିନ ହେବ ନୂତନ ଏକ ସ୍କୁଟି କିଣି ଥିବାବେଳେ ଗୁରୁବାର କୌଣସି କାମରେ ସିନାପାଲି ଆସିଥିଲେ ଏବଂ ସିନାପାଲିରୁ ନିଜ ଘରକୁ ଫେରୁଥିବା ବେଳେ ଦିନ ଦ୍ୱିପହର ସମୟ ରେ ଏହି ଘଟଣା ଟି ଘଟିଥିବା କୁହାଯାଇଛି । ଖବର ପାଇ ଘଟଣାସ୍ଥଳରେ ସିନାପାଲି ପୋଲିସ ପହଞ୍ଚି ଚିକିତ୍ସା ପାଇଁ ଯୁବକଙ୍କୁ ଆମ୍ବୁଲାନ୍ସ ଯୋଗେ ସିନାପାଲି ସରକାରୀ ହସ୍ପିଟାଲ ନେଇଥିଲେ । ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏ ନେଇ ଘଟଣାସ୍ଥଳରେ ସିନାପାଲି ପୋଲିସ ପହଞ୍ଚô ତଦନ୍ତ ଆରମ୍ଭ କରି ସ୍କୁଟିକୁ ଜବତ କରିଛି । ଶବବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯିବା ବୋଲି ପୋଲିସ ସୂତ୍ରରୁ ଜଣାପଡିଛି । ଅନ୍ୟପକ୍ଷରେ ମୃତକ ପରିବାର ପକ୍ଷରୁ କ୍ଷତିପୂରଣ ଦାବି କରାଯାଇଛି ।
