୧୦ ହଜାର ଲାଂଚନେଇ ଫିରିଙ୍ଗିଆ ବ୍ଲକ କନିଷ୍ଠ ଯନ୍ତ୍ରୀ ଭିଜିଲାନ୍ସ ଜାଲରେ
Henamanjaree Swain
କନ୍ଧମାଳ – କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଳକର ଜୁନିଅର ଇଞ୍ଜିନିୟର ଅଶୋକ ପାଢ଼ୀ ୧୦ ହଜାର ଲାଂଚ ନେଇ ଭିଜିଲାନ୍ସ ଦ୍ୱାରା ଗିରଫ ହୋଇଛନ୍ତି । ଭିଜିଲାନ୍ସ ବିଭାଗ ପକ୍ଷରୁ ଯାହା ସୂଚନା ରହିଛି ଏକ ଯାତ୍ରୀ ବିଶ୍ରାମଗାର ତିଆରି କରିବା ନିମନ୍ତେ ଯାହାର ମୂଲ୍ୟ ୩ ଲକ୍ଷ ଟଙ୍କା ସରକାରୀ ଧାର୍ଯ୍ୟ ଥିବାବେଳେ ସେଥିରୁ ଠିକାଦାର ଜଣଙ୍କ ଦୁଇ ଲକ୍ଷ ୪୪ ହଜାର ବିଲ ବାବଦରେ ପାଇଛନ୍ତି । ବାକି ୫୬ ହଜାର ଟଙ୍କାର ଫାଇନାଲ ବିଲ କରାଇଦେବା ପାଇଁ ଠିକାଦାରଙ୍କ ଠାରୁ ତାଙ୍କ କ୍ୱାଟରରେ ଦଶ ହଜାର ଟଙ୍କା ଲାଂଚ ମାଗିଥିଲେ ଫଳରେ ଠିକାଦାର ଜଣଙ୍କ ଭିଜିଲାନ୍ସ ବିଭାଗକୁ ସୂଚନା ଦେଇଥିଲେ । ଅଭିଯୋଗ ପରେ ଭିଜିଲାନ୍ସ ଟିମର ପୂର୍ବ ପ୍ରସ୍ତୁତି ପ୍ରକାରେ କନିଷ୍ଠ ଯନ୍ତ୍ରୀ ଅଶୋକ ପାଢ଼ୀ ଲାଂଚ ଗ୍ରହଣ କରୁଥିବା ଦଶ ହଜାର ଟଙ୍କା ଜବତ କରିବା ସହିତ ତାଙ୍କୁ ଗିରଫ କରିଥିଲା । କନିଷ୍ଠ ଯନ୍ତ୍ରୀ ଅଶୋକ ପାଢ଼ୀଙ୍କର ଗିରଫ ସହିତ ଏକାଥରେ ତାଙ୍କର ଦୁଇଟି ସ୍ଥାନରେ ଚଢ଼ାଉ କରାଯାଇଥିବା ସୂଚନା ମିଳିଛି, ହେଲେ ବର୍ତମାନ ସୁଦ୍ଧା ଅନ୍ୟ ସ୍ଥାନ ଚଢ଼ାଉ ସମୟରେ କଣ ବ୍ୟାଜାପ୍ତି କରାଯାଇ ପାରିଛି କି ନାହିଁ, ସଠିକ ତଥ୍ୟ ଆମର ହସ୍ତଗତ ହୋଇପାରି ନାହିଁ । ଏ ନେଇ ଭିଜିଲାନ୍ସ ବିଭାଗ କେଶ ନଂ ୧୯/୨୦୨୪ ୭ ପିସି ବିଏନ୍ଏସ୍ ଆଇନ ୨୦୧୮ ପ୍ରକାରେ ଦୁର୍ନୀତିରେ ଜଡ଼ିତ ଅପରାଧିକ ମାମଲାରେ ଅଭିଯୁକ୍ତ କରି କୋର୍ଟ ଚାଲାଣ କରାଯାଇଛି ବୋଲି ଭିଜିଲାନ୍ସ ଏସ୍ପିଏଚ୍ କେ. ମହାନ୍ତି ସୂଚନା ଦେଇଛନ୍ତି ।
