ବାରବାଟୀରୁ ଲଢ଼ିବେ ମୋକିମଙ୍କ ଝିଅ
Barabati Cuttack, Moquim's Daughter Sofia
Ramachandi Prasad
ପ୍ରଭାନ୍ୟୁଜ : ଏଥର କଟକ ବାରବାଟୀରୁ ମହମ୍ମଦ ମୋକିମ୍ ନିର୍ବାଚନ ଲଢ଼ିପାରିବେ ନାହିଁ । ଓଆରଏଚଡ଼ିସି ଦୁର୍ନୀତିରେ ଦୋଷୀ ସାବ୍ୟସ୍ତ ହୋଇଥିବାରୁ ତାଙ୍କର ଲଢ଼ିବା ନେଇ ଆଇନଗତ କଟକଣା ରହିଛି । ତେଣୁ ମୋକିମଙ୍କ ଝିଅ ସୋଫିଆ ଫିର୍ଦ୍ଦୋଷ ହିଁ ବାପାଙ୍କ ସ୍ଥାନରେ ପ୍ରାର୍ଥୀ ହେବେବୋଲି ଚର୍ଚ୍ଚା ଜୋରଧରିଛି ।
ଗତକାଲି ସୁପ୍ରିମକୋର୍ଟ ଏହି ମାମଲାରେ ମୋକିମଙ୍କୁ ଜାମିନ୍ ପ୍ରଦାନ କରିଥିଲେ । ଫଳରେ ସେ ଗିରଫ ହେବେନାହିଁ । ତେବେ ସର୍ବୋଚ୍ଚ ଅଦାଲତ କେବଳ ଦଣ୍ଡାଦେଶ ଉପରେ ରହିତାଦେଶ ଜାରି କରିଛନ୍ତି । କିନ୍ତୁ ନିମ୍ନ ଅଦାଲତ ତାଙ୍କୁ ଦୋଷୀ ସାବ୍ୟସ୍ତ କରିଥିବାରୁ ମୋକିମ ନିର୍ବାଚନ ଲଢ଼ିପାରିବେନି ।
ଏଥିପାଇଁ ମୋକିମ ଆଜି ଦଳୀୟ କର୍ମୀମାନଙ୍କର ଏକ ବୈଠକ ଡକାଇଥିଲେ । ବୈଠକରେ ତାଙ୍କ ଝିଅ ସୋଫିଆ ମଧ୍ୟ ଉପସ୍ଥିତ ଥିଲେ । ମୋକିମଙ୍କ ସମର୍ଥକମାନେ ସୋଫିଆଙ୍କୁ ନିର୍ବାଚନ ଲଢ଼ିବାକୁ ଅନୁରୋଧ କରିଥିବାବେଳେ ସେ ମଧ୍ୟ ସମ୍ମତି ପ୍ରକାଶ କରିଛନ୍ତି । ଏଯାଏଁ ମୋକିମଙ୍କ ପାଇଁ ବାରବାଟୀ-କଟକ ଆସନ ନିମନ୍ତେ କଂଗ୍ରେସ ପ୍ରାର୍ଥୀ ଘୋଷଣା କରିନାହିଁ । ଖୁବଶୀଘ୍ର ସୋଫିଆଙ୍କ ନାମ ଘୋଷଣା କରାଯିବ ବୋଲି ଜାଣିବାକୁ ମିଳିଛି ।
