ଭାଙ୍ଗିଲା ବିଜେଡ଼ିର ସମସ୍ତ ରାଜ୍ୟ କମିଟି
Biju Janata Dal
Ramachandi Prasad
ସଂତୃପ୍ତ ନବୀନଙ୍କ ରାଜନୈତିକ ସଚିବ
ଗଢ଼ାହେଲା ମୁଖପାତ୍ର ଓ ମିଡିଆର ନୂଆ ଟିମ୍
ନୂଆ କମିଟିରେ ପାଣ୍ଡିଆନଙ୍କ ସ୍ପର୍ଶ
ଭୁବନେଶ୍ୱର : ରଥଯାତ୍ରାରୁ ବିଜେଡ଼ିର ନବକଳେବର ଆରମ୍ଭ ହୋଇଛି । ପ୍ରଚ୍ଛଦପଟରେ ରହି ଭିକେ ପାଣ୍ଡିଆନ ନୂଆ କମିଟିରେ ସ୍ପର୍ଶ ଦେଉଛନ୍ତି । ଆଜି ବିଜେଡ଼ିର ସମସ୍ତ ରାଜ୍ୟସ୍ତରୀୟ କମିଟିକୁ ଭାଙ୍ଗି ଦିଆଯାଇଛି । ନୂତନ ଭାବେ ମିଡ଼ିଆ ଓ ମୁଖପାତ୍ରଙ୍କର ଟିମ୍ ଗଢ଼ାଯାଇଛି । ସେପଟେ ଡକ୍ଟର ସଂତୃପ୍ତ ମିଶ୍ରଙ୍କୁ ନବୀନଙ୍କ ରାଜନୈତିକ ସଚିବ ଭାବେ ନିଯୁକ୍ତି ଦିଆଯାଇଛି ।
ବିଜେଡ଼ି ପକ୍ଷରୁ ଜାରି ପ୍ରେସବିଜ୍ଞପ୍ତି ଅନୁଯାୟୀ, ପ୍ରତାପ ଜେନାଙ୍କୁ ବରିଷ୍ଠ ମିଡ଼ିଆ ସଂଯୋଜକ ଭାବେ ନିଯୁକ୍ତ କରାଯାଇଛି । ସେହିପରି ସ୍ୱୟମ୍ ପ୍ରକାଶଙ୍କୁ ପୂର୍ବଭଳି ସାମାଜିକ ଗଣମାଧ୍ୟମର ସଂଯୋଜକ କରାଯାଇଛି । ମିଡ଼ିଆ ସଂଯୋଜକ ଭାବେ ଡକ୍ଟର ଲେନିନ ମହାନ୍ତି ଓ ଡକ୍ଟର ପ୍ରିୟବ୍ରତ ମାଝୀଙ୍କୁ ଦାୟିତ୍ୱ ମିଳିଛି । ସୁକାନ୍ତ କୁମାର ପଣ୍ଡାଙ୍କୁ ବିରୋଧୀ ଦଳ ନେତା ତଥା ବିଜେଡ଼ି ସଭାପତି ନବୀନ ପଟ୍ଟନାୟକଙ୍କର ଜନ ସମ୍ପର୍କ ଅଧିକାରୀ ଭାବେ ନିଯୁକ୍ତି ଦିଆଯାଇଛି ।
ଜାତୀୟ ମୁଖପାତ୍ର ଟିମ୍ରେ ଡକ୍ଟର ସଂତୃପ୍ତ ମିଶ୍ର, କଳିକେଶ ନାରାୟଣ ସିଂହଦେଓ, ଅମର ପଟ୍ଟନାୟକ, ଡକ୍ଟର ସସ୍ମିତ ପାତ୍ର ଓ ପ୍ରଦୀପ କୁମାର ମାଝୀଙ୍କୁ ରଖାଯାଇଛି । ସେହିପରି ରାଜ୍ୟ ମୁଖପାତ୍ର ଟିମ୍ରେ କନିଷ୍ଠ ନେତାମାନଙ୍କୁ ସମ୍ପୂର୍ଣ୍ଣ ବାଦ୍ ଦିଆଯାଇ ବରିଷ୍ଠ ନେତାମାନଙ୍କୁ ସୁଯୋଗ ଦିଆଯାଇଛି । ଏହି ଟିମ୍ରେ ଅଛନ୍ତି ପ୍ରସନ୍ନ ଆଚାର୍ଯ୍ୟ, ପ୍ରମିଳା ମଲ୍ଲିକ, ଦେବୀ ପ୍ରସାଦ ମିଶ୍ର, ପ୍ରତାପ କେଶରୀ ଦେବ, ଡକ୍ଟର ଅରୁଣ କୁମାର ସାହୁ, କ୍ୟାପଟେନ ଦିବ୍ୟଶଙ୍କର ମିଶ୍ର, ଦେବୀ ରଞ୍ଜନ ତ୍ରିପାଠୀ, ଶ୍ରୀମୟୀ ଶ୍ୱେତାସ୍ନିଗ୍ଧା ମିଶ୍ର, ଲେଖାଶ୍ରୀ ସାମନ୍ତସିଂହରାୟ, ସୁଦାମ ମାରାଣ୍ଡି, ରମେଶ ଚନ୍ଦ୍ର ମାଝୀ, ଭ୍ରୁଗୁ ବକ୍ସିପାତ୍ର ଓ ଡକ୍ଟର ଲେନିନ୍ ମହାନ୍ତି ।
