ବଡ଼ ଖବର : ଚାଳିଶିଆ ପାଇଁ ଚଷମା ନୁହଁ ଆଖିରେ ଡ୍ରପ ପଡ଼ିବ
Entod Pharmaceuticals gets DCGI approval for eye drops to treat presbyopia
Ramachandi Prasad
5955
ନୂଆଦିଲ୍ଳୀ : ଆଉ ଚାଳିଶିଆ ଚଷମା ପିନ୍ଧିବାକୁ ପଡ଼ିବ ନାହିଁ । ଆଖିରେ ଡ୍ରପ ପକାଇଲେ ଚାଳିଶିଆ ଦୋଷ ରହିବନି । ଏଂଟୋଡ଼ ଫାର୍ମାସିଉଟିକାଲ ପକ୍ଷରୁ ଏହି ଦାବି କରାଯାଇଛି । ଡିସିଜିଆଇ ଦ୍ୱାରା ଏହାର ଆଇ ଡ୍ରପ ଅନୁମୋଦନ ଲାଭକରିଛି । ଅକ୍ଟୋବରରୁ ଏହା ଘରୋଇ ବଜାରରେ ଉଲବ୍ଧ ହେବ । ଚାଳିଶିଆ କ୍ଷେତ୍ରରେ ଏହା ଦେଶର ପ୍ରଥମ ଆଇ ଡ୍ରପ । ସାଧାରଣତଃ ଚାଳିଶ ବର୍ଷ ଡେଇଁଲେ ଆଖି ଜାଲଜାଲିଆ ଦିଶେ । ଲେଖାପଢ଼ା ଭଲ ଭାବେ ହୋଇପାରେନି । ସେଥିପାଇଁ ଅନେକ ଚଷମା ପିନ୍ଧିବାକୁ ବାଧ୍ୟ ହୋଇଥା’ନ୍ତି । ବିଶ୍ୱର ପ୍ରାୟ ୧୮୦ କୋଟି ଲୋକ ଚାଳିଶିଆ ସମସ୍ୟାର ସାମ୍ନା କରିଥା’ନ୍ତି । ଏହି ଆଇ ଡ୍ରପ୍ କାମ କଲେ ଆଉ ଚଷମା ଲଗାଇବାକୁ ପଡ଼ିବ ନାହିଁ ।
