ପାଣ୍ଡିଆନଙ୍କୁ ଆହ୍ୱାନ ଦେଲେ କି ବବି ? ‘ଯାହାକଲେବି, ମୋତେ ନବୀନଙ୍କ ଠାରୁ ଦୂରେଇ ପାରିବନି’
Jajpur Politics
Ramachandi Prasad
ଭୁବନେଶ୍ୱର : ଯାଜପୁରରେ ଆୟୋଜିତ ପଦଯାତ୍ରା ଅବସରରେ ପ୍ରଣବ ପ୍ରକାଶ ଦାସ କହିଛନ୍ତିଯେ, ଗତ ୪ ମାସ ଧରି ମିଡ଼ିଆରେ ଗୋଟିଏ ନାଁ, ବବି ଦାସ । ଏହି ଗୋଟିଏ ଲୋକର ନାଁ ନେଲେ ଟିଆରପି ବଢ଼ିବ । ମୋ ନେତା ଓ ମୋ ଦଳ ମୋତେ କିଛି କହୁନାହିଁ । କିନ୍ତୁ ମିଡ଼ିଆ କେତେବେଳେ ମୋତେ ଦଳର ସର୍ବସ୍ୱ କରୁଛନ୍ତି ଆଉ କେତେବେଳେ ବାହାର କରିଦେଉଛନ୍ତି । କାହିଁକି ଆପଣଙ୍କ ପୁଅକୁ ଏମିତି ଟାର୍ଗେଟ୍ କରୁଛନ୍ତି । ସେମାନେ ଭାବୁଛନ୍ତି ୟାକୁ ଟାର୍ଗେଟ୍ କଲେ ସେ ଭାଙ୍ଗିପଡ଼ିବ । ମୁଁ ହେଉଛି ଅଶୋକ ଦାସଙ୍କ ପୁଅ । ମୋ ବାପା ବିଜୁବାବୁଙ୍କ ସହ ୨୯ ମାସ ଜେଲ୍ରେ ରହିଥିଲେ । ମୁଁ ରାଜନୈତିକ ଆକ୍ରୋଶରେ ୪ ମାସ ଜେଲ୍ ଯିବାକୁ ରାଜି ଅଛି । ତମେ ଯେତେ କୁତ୍ସାରଟନା କଲେବି ନବୀନଙ୍କ ଠାରୁ ଦୂରେଇ ରଖିପାରିବନି । ନବୀନ ପଟ୍ଟନାୟକ ମୋ ପଛରେ ଅଛନ୍ତି । କାହିଁକି ବବି ନେତା ହେଲା ? ଯାଜପୁରର ବିକାଶ କରିବା କ’ଣ ମୋର ଭୁଲ୍ ? ତମର ଯଦି ପାୱାର ଅଛି ତୁମେ କରୁନା । ମୋତେ ମୋ ମା’ମାନେ ଓ ଭାଇମାନେ କହିଲେ ତୁ ଯାଇ ଓଡ଼ିଶା ପାଇଁ କାମ କର । ମୁଁ ନବୀନ ପଟ୍ଟନାୟକ ପାଇଁ କାମ କଲି, ଦଳ ପାଇଁ କାମ କଲି । ମୁଁ କୌଣସି କ୍ଷମତା ଚାହିଁଲିନି । କେବଳ କହିଲି, ମୋର ପ୍ରାପ୍ୟ ବାବଦରେ ଯାଜପୁରର ବିକାଶ ଚାହୁଁଛି । ନବୀନ ବାବୁ ସବୁ ସହଯୋଗ କଲେ । ଯଦି ମୁଁ ଦୁର୍ନୀତି କରିଛି ମୋତେ ବାନ୍ଧ । ଚାରିମାସ ହେଲାଣି ମୋତେ କାହିଁକି ବାନ୍ଧୁନ ବୋଲି ଆହ୍ୱାନ ଦେଇଥିଳେ । ଯାଜପୁରର ବିକାଶ କରିବା ଯଦି ପାପ, ମୁଁ ହଜାରେ ପାପ କରିବି ।
