ଆତ୍ମସମର୍ପଣ କଲେ ୨୧ ମାଓବାଦୀ
Henamanjaree Swain
ମାଲକାନଗିରି : ବଦଳୁଛି ମାନସିକତା । ସମାଜର ମୁଖ୍ୟ ସ୍ରୋତରେ ସାମିଲ ହେବାପାଇଁ କରୁଛନ୍ତି ଚେଷ୍ଟା । ଆଜି ଆତ୍ମସମର୍ପଣ କରିଛନ୍ତି ୨୧ କ୍ୟାଡର୍ ମାଓବାଦୀ । ୧୩ ଜଣ ମହିଳାଙ୍କ ସହ ୮ ପୁରୁଷ ମାଓବାଦୀ ୧୮ ଗୋଟି ଅସ୍ତ୍ରଶସ୍ତ୍ର ସହ ଆତ୍ମସମର୍ପଣ କରିଛନ୍ତି । ସେମାନେ ହିଂସା ଏବଂ ଜନବିରୋଧିର ପଥ ପରିତ୍ୟାଗ କରି ପ୍ରଗତୀର ପଥକୁ ଅଗ୍ରସର ହେଉଛନ୍ତି ।
ବସ୍ତର ରେଞ୍ଜ ପୁଲିସର ସୂଚନା ଅନୁଯାୟୀ, ଆତ୍ମସମର୍ପଣ କରିଥିବା କ୍ୟାଡରମାନେ କେଶକାଲ ଡିଭିଜନର ଉତ୍ତର ଉପ-ଜୋନାଲ ବ୍ୟୁରୋର କୁଏମାରି/କିସ୍କଡୋ ଏରିଆ କମିଟିର ଥିଲେ। ଜଣେ ଅଧିକାରୀ କହିଛନ୍ତି ଯେ, ଏମାନଙ୍କ ମଧ୍ୟରେ ଡିଭିଜନ କମିଟି ସଚିବ ମୁକେଶ, ଚାରିଜଣ ଡିଭିଜନ ଉପାଧ୍ୟକ୍ଷ କମିଟି ସଦସ୍ୟ, ନଅ ଜଣ ଏରିଆ କମିଟି ସଦସ୍ୟ ଏବଂ ଆଠ ଜଣ ଦଳୀୟ ସଦସ୍ୟ ଥିଲେ ।
ଏହି କ୍ୟାଡରମାନେ ହିଂସାର ବ୍ୟର୍ଥତାକୁ ଅନୁଭବ କରି ଏବଂ ନିଜ ଜୀବନକୁ ପୁନଃନିର୍ମାଣ ପାଇଁ ମୁଖ୍ୟଧାରାକୁ ବାଛିଛନ୍ତି ବୋଲି ପୁଲିସ ମହାନିରୀକ୍ଷକ ପି. ସୁନ୍ଦରରାଜ କହିଛନ୍ତି ।
ଦାଖଲ କରିଥିବା ଅସ୍ତ୍ରଶସ୍ତ୍ର : ଆତ୍ମସମର୍ପଣ କରିଥିବା ମାଓବାଦୀମାନଙ୍କ ଠାରୁ ୩ଟି AK-47 ରାଇଫଲ୍, ୨ଟି INSAS ରାଇଫଲ୍, ୪ଗୋଟି SLR ରାଇଫଲ୍, ୬ଗୋଟି ୩୦୩ ରାଇଫଲ୍, ଗୋଟିଏ BGL ଏବଂ ୨ଗୋଟି ସିଙ୍ଗଲ୍-ସଟ୍ ରାଇଫଲ୍ ସଂଗ୍ରହ ହୋଇଛି ।
