ଲାକୋମୋଟିଭ୍ ଉତ୍ପାଦନ ଯାତ୍ରାରେ ଅଗ୍ରଗାମୀ ବିହାରର ମାରହୋରା ପ୍ଲାଣ୍ଟ 

ାା ପ୍ରଭାନୁ୍ୟଜ୍ ।ା  ଭୁବନେଶ୍ୱର : ବିହାରର ମାରହୋରା ପ୍ଲାଣ୍ଟ ଭାରତୀୟ ରେଳବାଇ ପାଇଁ ଲୋକୋମୋଟିଭ୍ ଯୋଗାଣକାରୀ ହୋଇପାରିଛି । ୱାବେଟେକ୍ ଲୋକୋମୋଟିଭ୍ ପ୍ରାଇଭେଟ ଲିମିଟେଡ୍ ହେଉଛି ଭାରତୀୟ ରେଳବାଇ ଏବଂ ୱାବେଟେକ୍ ମଧ୍ୟରେ ମିଳିତ ଉଦ୍ୟମ । ରପ୍ତାନି ପାଇଁ ଲୋକୋମୋଟିଭ୍ ଉତ୍ପାଦନ ପାଇଁ କାରଖାନାର ଦକ୍ଷତା ବୃଦ୍ଧି କରିବାକୁ ଯୋଜନା ହେଉଛି । ମହତ୍ୱପୂର୍ଣ୍ଣ ପଦକ୍ଷେପ ସହିତ ଏକ ରଣନୈତିକ ବିସ୍ତାର ଯୋଗୁଁ ଆଫ୍ରିକାରେ ଗ୍ରାହକଙ୍କୁ ଆକୃଷ୍ଟ କରୁଥିବା ଦେଖାଯାଉଅଛି ।
୨୦୧୮ରେ ପ୍ରତିଷ୍ଠିତ ହୋଇଥିବା ମାରୋହୋରା ସୁବିଧା ଆନ୍ତର୍ଜାତୀୟ ସ୍ତରରେ ଭାରତର ଉତ୍ପାଦନ ଶକ୍ତି ପ୍ରଦର୍ଶନ କରି ବିଶ୍ୱ ଲୋକୋମୋଟିଭ୍ ଇଣ୍ଡଷ୍ଟ୍ରିରେ ଏକ ପ୍ରମୁଖ ରପ୍ତାନକାରୀ ହେବାକୁ ପ୍ରସ୍ତୁତ ହୋଇଛି । ଭାରତୀୟ ରେଳବାଇ ପାଇଁ ଅତ୍ୟାଧୁନିକ ଜ୍ଞାନକୌଶଳ ସହିତ ୧୦୦୦ ଲୋକୋମୋଟିଭ୍ ଉତ୍ପାଦନ ପାଇଁ ମାରହୋରା ପ୍ଲାଣ୍ଟ ପ୍ରତିଷ୍ଠା କରାଯାଇଥିଲା । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆତ୍ମନିର୍ଭର ଭାରତ ଅଧୀନରେ ‘ମେକ୍ ଇନ୍ ଇଣ୍ଡିଆ’ ଏବଂ ‘ମେଡ୍ ଇନ୍ ୱାର୍ଲ୍ଡ’ ପଦକ୍ଷେପ ସହିତ ଭାରତକୁ ଲୋକୋମୋଟିଭ୍ ଉତ୍ପାଦନ ପାଇଁ ଏକ ବିଶ୍ୱସ୍ତରୀୟ ହବ୍ ଭାବରେ ସ୍ଥାନିତ କରିଥିବାରୁ ଏହି ପଦକ୍ଷେପ କୌଶଳ ଦୃଷ୍ଟିରୁ ମହତ୍ୱପୂର୍ଣ୍ଣ ଅଟେ । ୭୦ ଏକର ପରିମିତ ମାରହୋରା ପ୍ଲାଣ୍ଟରେ ପ୍ରାୟ ୬୦୦ ଲୋକ ନିଯୁକ୍ତି ପାଇଛନ୍ତି ଏବଂ ଭାରତୀୟ ରେଳବାଇ ପାଇଁ ବାର୍ଷିକ ୧୦୦ଟି ଲୋକୋମୋଟିଭ୍ ଉତ୍ପାଦନ କରୁଛନ୍ତି । ଏହି ସୁବିଧା ଏହି ଅଞ୍ଚଳରେ ଶିଳ୍ପ କାର୍ଯ୍ୟକଳାପକୁ ମଧ୍ୟ ଉସôାହିତ କରିଛି । ରେଳ ମନ୍ତ୍ରଣାଳୟ ଏବଂ ୱାବେଟେକ୍ ମଧ୍ୟରେ ସଫଳ ସାର୍ବଜନୀନ-ବେସରକାରୀ ଭାଗିଦାରୀ ମାରୋହୋରାକୁ ଏକ ବିଶ୍ୱ ସ୍ତରୀୟ ଉତ୍ପାଦନ ସ୍ଥାନ ଭାବରେ ପ୍ରତିଷ୍ଠିତ କରି ସମଗ୍ର ଭାରତରେ ଏକ ସ୍ଥାନୀୟ ଯୋଗାଣକାରୀ ନେଟୱାର୍କକୁ ବ୍ୟବହାର କରିଛି । ଆଜି ପର୍ଯ୍ୟନ୍ତ, ୬୫୦ରୁ ଅଧିକ ଲୋକୋମୋଟିଭ୍ ପ୍ରସ୍ତୁତ ହୋଇ ଭାରତୀୟ ରେଳ ଲୋକୋମୋଟିଭ୍ ଉତ୍ପାଦନରେ ଯୋଗ କରାଯାଇଛି । ଦୀର୍ଘସ୍ଥାୟୀ ରପ୍ତାନି ଉତ୍ପାଦନ ପାଇଁ ଏହାର ପ୍ରସ୍ତୁତତାକୁ ସୁନିଶ୍ଚିତ କରି ଏହି ପ୍ଲାଣ୍ଟର ଦକ୍ଷତା ଏବଂ ପ୍ରତିଦ୍ୱନ୍ଦ୍ୱିତାକୁ ବୃଦ୍ଧି କରାଇବା ପାଇଁ ରେଳ ମନ୍ତ୍ରଣାଳୟ ଏବଂ ୱାବେଟେକ୍ ସହଯୋଗ ଜାରି ରଖିବେ । ମାରହୋରା କାରଖାନା ଆନ୍ତର୍ଜାତୀୟ ସ୍ତରରେ ଷ୍ଟାଣ୍ଡାର୍ଡ-ଗେଜ୍ ଲୋକୋମୋଟିଭ୍ ରପ୍ତାନି କରିବ, ସ୍ଥାନୀୟ ଯୋଗାଣକାରୀ ନେଟୱାର୍କକୁ ବିସ୍ତାର କରିବ ଏବଂ ଦୀର୍ଘ ଦିନର ଚାକିରି ସୁଯୋଗ ସୃଷ୍ଟି କରିବ, ଯାହା ଭାରତୀୟ ଅର୍ଥନୀତିରେ ଲାଭଦାୟକ ହେବ