ଶୁଣିଲାନି ଅବକାରୀ ବିଭାଗ: ମଦକୁ ନଷ୍ଟ କଲେ ମହିଳା ଗୋଷ୍ଠୀ
Rasmita Behera
4396
ଖଇରା : ବାଲେଶ୍ୱର ଜିଲ୍ଲା ଖଇରା ଥାନା ଅଧୀନ କଇଥଗଡିଆ ଗୋଠସାହିରେ ବେଆଇନ ମଦ କାରବାର ଅସହ୍ୟ ହୋଇ ପଡିଥିଲା । ଘରୋଇ ହିଂସା ସାଙ୍ଗକୁ ମଦମୃତୁ୍ୟ କାୟା ବିସ୍ତାର କରି ଚାଲିଥିଲା । ଏ ନେଇ ଗ୍ରାମବାସୀମାନେ ଅବକାରୀ ବିଭାଗ ଓ ଖଇରା ପୁଲିସକୁ ବାରମ୍ବାର ଜଣାଇଲେ ମଧ୍ୟ କିଛି ସୁଫଳ ମିଳିନଥିଲା । ଯାହାଫଳରେ ଗ୍ରାମବାସୀମାନେ ମିଳିତ ହୋଇ ସୋମବାର ବ୍ୟବସାୟୀଙ୍କ ଭାଟି ଉପରେ ଚଢାଉ କରି ୧ଶହରୁ ଊଦ୍ଧ୍ୱର୍ ଲିଟର ମଦ ଜବତ କରି ଖଇରା ପୋଲିସକୁ ଖବର ଦେଇଥିଲେ । ହେଲେ ପୋଲିସ ନ ପହଞ୍ଚôବାରୁ ଶୁଭମ ମହିଳା ଗୋଷ୍ଠୀର ସଦସ୍ୟ ଓ ଅନ୍ୟ ଗ୍ରାମବାସୀ ମିଳିତ ଭାବେ ଉକ୍ତ ଦେଶୀ ମଦକୁ ଢାଳି ନିଆଁ ଲଗାଇ ଦେଇଥିଲେ । ମହିଳା ଗୋଷ୍ଠୀଙ୍କ ଏଭଳି ଉଦ୍ୟମକୁ ସାଧାରଣରେ ପ୍ରଶଂସା କରାଯାଇଛି । ଯଦି ଉକ୍ତ ମଦକୁ ସମ୍ପୂର୍ଣ୍ଣ ବନ୍ଦ କରାନଯାଏ, କିମ୍ବା ମଦ ମାଫିଆକୁ ଗିରଫ କରାନଯାଏ ତେବେ ଗ୍ରାମବାସୀମାନେ ଆନେ୍ଦାଳନକୁ ଓହ୍ଳାଇବାକୁ ଚେତାବନୀ ଦେଇଛନ୍ତି ।
