ରାଜ୍ୟସଭାରେ ବିରୋଧୀଙ୍କୁ ଟାର୍ଗେଟ୍ କଲେ ଅମିତ ଶାହା
Rasmita Behera
5849
କେନ୍ଦ୍ର ଗୃହମନ୍ତ୍ରୀ ଅମିତ ଶାହା ମଙ୍ଗଳବାର ରାଜ୍ୟସଭାରେ 'ଭାରତୀୟ ସମ୍ୱିଧାନର ୭୫ ବର୍ଷର ଗୌରବଶାଳୀ ଯାତ୍ରା' ବିତର୍କରେ ଭାଗ ନେଇ ବିରୋଧୀଙ୍କ ଉପରେ ବର୍ଷିଛନ୍ତି । କହିଛନ୍ତି ଯେଉଁମାନେ କହୁଥିଲେ ଭାରତରେ ଲୋକତନ୍ତ୍ର ସଫଳ ହେବ ନାହିଁ । ସେମାନଙ୍କୁ ସଂସଦ ଜରିଆରେ କହିବାକୁ ଚାହେଁ, ୭୫ ବର୍ଷ ହୋଇଗଲା ପାଖ ପଡ଼ୋଶୀ ରାଷ୍ଟ୍ରରେ ଲୋକତନ୍ତ୍ର ସଫଳ ହେଲା ନାହିଁ ।କିନ୍ତୁ ଆଜି ଭାରତରେ ଗଣତନ୍ତ୍ର ପାତାଳ ଯାଏଁ ଗଭୀର ହୋଇଛି । ଗୋଟିଏ ବିନ୍ଦୁ ରକ୍ତ ନବୁହାଇ ପରିବର୍ତ୍ତନ କରାଯାଇପାରିଛି । ଦେଶର ଜନତା ଅନେକ ଏକଛତ୍ରବାଦୀଙ୍କ ଅହଙ୍କାରକୁ ଧୂଳିସାତ କରିଛନ୍ତି । ଅମିତ ଶାହା କହିଛନ୍ତି ଭାରତର ସମ୍ୱିଧାନକୁ କିଛି ଲୋକ ନକଲ ବୋଲି କହନ୍ତି । ବିଦେଶୀ ଚଷମାରେ ପଢିଲେ ଭାରତର ସମ୍ୱିଧାନ ଦେଖାଯିବ ନାହିଁ । କଂଗ୍ରେସ ଶାସନ ସମୟରେ ୭୭ ଥର ସମ୍ୱିଧାନ ସଂଶୋଧନ କରାଯାଇଥିବା ବେଳେ ବିଜେପି ଶାସନ ସମୟରେ ୨୨ ଥର ସମ୍ୱିଧାନ ସଂଶୋଧନ କରାଯାଇଛି ବୋଲି କହିଛନ୍ତି ଅମିତ ଶାହା ।
