ଯୁବତୀଙ୍କୁ ବିବାହର ପ୍ରତିଶ୍ରୁତି ଦେଇ ପ୍ରତାରଣା, ଯୁବକ ଗିରଫ
Rasmita Behera
3782
ବୁଗୁଡା,: ବୁଗୁଡା ଅଞ୍ଚଳର ଜନୈକା ଯୁବତୀଙ୍କୁ ବିବାହର ପ୍ରତିଶ୍ରୁତି ଦେଇ ଶେଷରେ ପ୍ରତାରଣା କରିଥିବା ଅଭିଯୋଗ କ୍ରମେ ବୁଗୁଡା ଥାନା ଅନ୍ତର୍ଗତ ପଙ୍କଳବାଡି ଗ୍ରାମର ଯୁବକ ରାଜା କୁମାର ବିଷୋୟୀ (୩୪) ଗିରଫ ସହ କୋର୍ଟ ଚାଲାଣ ହୋଇଥିବା ଜଣାଯାଇଛି । ପ୍ରକାଶ ଯେ,କିଛି ବର୍ଷ ହେଲା ରାଜା ସମ୍ପୃକ୍ତା ଯୁବତୀଙ୍କୁ ବିବାହର ପ୍ରତିଶ୍ରୁତି ଦେଇ ସମ୍ପର୍କ ସ୍ଥାପନ କରିଆସୁଥିଲା । ତେବେ ରାଜା ଏବେ ବିବାହର ପ୍ରତିଶ୍ରୁତି ଭୁଲି ଯୁବତୀ ଜଣଙ୍କୁ ପ୍ରତାରଣା କରିଥିଲା । ଏ ନେଇ ଯୁବତୀ ଜଣକ ଶୁକ୍ରବାର ଦିନ ବୁଗୁଡା ଥାନାରେ ଅଭିଯୋଗ କରିଥିଲେ । ଏ ନେଇ କେସ୍ ନଂ ୨୦୮/୨୫ରେ ଏକ ମାମଲା ପୋଲିସ ରୁଜୁ ସହ ସମ୍ପୃକ୍ତ ଯୁବକକୁ ଗିରଫ କରିଥିଲା । ବୁଗୁଡା ମେଡିକାଲରେ ଉଭୟଙ୍କ ଡାକ୍ତରୀ ମାଇନା କରାଯିବା ପରେ ଅଭିଯୁକ୍ତ ଯୁବକକୁ ପୋଲିସ କୋର୍ଟ ଚାଲାଣ କରିଥିଲା ।
