ଆରମ୍ଭରୁ ବିଧାନସଭାରେ ବିରୋଧୀଙ୍କ ହଟ୍ଟଗୋଳ :୧୨ଟା ୨୫ ମିନିଟ୍ ଯାଏଁ ଗୃହ ମୁଲତବି !
Rasmita Behera
4248
ହଟ୍ଟଗୋଳ ଭିତରେ ମୁଲତବି ହେଲା ବିଧାନସଭା । ୧୨ଟା ୨୫ ମିନିଟ୍ ଯାଏଁ ଗୃହକୁ ମୁଲତବି ଘୋଷଣା କଲେ ବାଚସ୍ପତି ସୁରମା ପାଢୀ । ତେବେ ଆଜିଠୁ ଆରମ୍ଭ ହେଇଥିଲା ବିଧାନସଭା ଶୀତ ଅଧିବେଶନ । ଆଉ ଆରମ୍ଭ ହିଁ ଆଜି ଦେଖିବାକୁ ମିଳିଛି ବିରୋଧୀଙ୍କ ହଟ୍ଟଗୋଳ । ଏକାଧିକ ପ୍ରସଙ୍ଗ ନେଇ ଆଜି ବିରୋଧୀ ବିଜେଡି ଏବଂ କଂଗ୍ରେସ ହଟ୍ଟଗୋଳ କରିଛନ୍ତି । ଯାହା ପରେ ବାଚସ୍ପତି ଗୃହକୁ କିଛି ସମୟ ପାଇଁ ମୁଲତବୀ ଘୋଷଣା କରିଛନ୍ତି ।ସୂଚନାଯୋଗ୍ୟ ଯେ, ଆଜିଠୁ ଆରମ୍ଭ ହେଉଛି ବିଧାନସଭା ଶୀତ ଅଧିବେଶନ। ଡିସେମ୍ବର ୩୧ ଯାଏଁ ଏହି ଅଧିବେଶନ ଚାଲିବାକୁ ଥିବାବେଳେ ଏଥିରେ ୩୦ଟି କାର୍ଯ୍ୟ ଦିବସ ରହିବ । ଏଥର ଆରମ୍ଭରୁ ହିଁ ସରଗରମ ହେଇଛି ଗୃହ । ତେବେ ଗୃହକୁ ସୁରୁଖୁରୁରେ ଚଳାଇବା ପାଇଁ ସର୍ବଦଳୀୟ ବୈଠକ କରି ଗତକାଲି ଆଲୋଚନା କରିଥିଲେ ବାଚସ୍ପତି। ହେଲେ ତଥାପି ଗୃହରେ ଦେଖିବାକୁ ମିଳିଛି ପ୍ରବଳ ହଟ୍ଟଗୋଳ ।
