ବଦ୍ରି ପାତ୍ରଙ୍କ ବିସ୍ଫୋରକ ବୟାନ
Rasmita Behera
ୱାକଫ୍ ସଂଶୋଧନ ବିଲ୍କୁ ବିଜେଡି ସାଂସଦ ସସ୍ମିତ ପାତ୍ରଙ୍କ ସମର୍ଥନ ପ୍ରସଙ୍ଗରେ ବିଜେଡି ନେତା ବଦ୍ରିନାରାୟଣ ପାତ୍ରଙ୍କ ବିସ୍ଫୋରକ ବୟାନ । ସସ୍ମିତ ପାତ୍ର ଏତେ ବଡ଼ ସାହସ କେମିତି କଲେ ବୋଲି ବଦ୍ରି ପ୍ରଶ୍ନ କରିଛନ୍ତି । ଦଳ ସମଦୂରତା ଚାହୁଁଥିଲା, ନିଷ୍ପତ୍ତି ଅନୁରୂପ ହେଲାନି । କିଏ ଖେଳ କଲା ଓ କେଉଁଠି ଖେଳ ହେଲା ଜାଣିବା ଆବଶ୍ୟକ । ସସ୍ମିତଙ୍କ କ୍ଷମତା ନାହିଁ ଦଳୀୟ ନିଷ୍ପତ୍ତିକୁ ପରିବର୍ତ୍ତନ କରିବେ । ଦଳର ମର୍ଯ୍ୟାଦା ଉପରେ ଆଞ୍ଚ ଆସିଛି । ମାନ୍ୟବର ନବୀନ ବାବୁ ନିର୍ଦ୍ଦେଶ ଦେଇଥିଲେ, କିନ୍ତୁ ଶେଷ ମୁହୂର୍ତ୍ତରେ ନିଷ୍ପତ୍ତି ପରିବର୍ତ୍ତନ ହେଲା କେମିତି ? ବର୍ତ୍ତମାନ ସନ୍ଦେହ ବଢୁଛି । ପ୍ରଫୁଲ୍ଲ ସାମଲ କାର୍ଯ୍ୟାନୁଷ୍ଠାନ ଦାବି କରିଛନ୍ତି । ଗଣେଶ୍ୱର ବେହେରା ବି ଆକ୍ସନ ପାଇଁ କହିଛନ୍ତି । ବଦ୍ରି ଆହୁରି କହିଛନ୍ତି, ଦଳ ଏବେ ଧର୍ମ ସଙ୍କଟରେ । ସସ୍ମିତଙ୍କ କ୍ଷମତା ନାହିଁ ଦଳୀୟ ନିଷ୍ପତ୍ତି ପରିବର୍ତ୍ତନ କରିପାରିବେ । ଦଳର ମର୍ଯ୍ୟାଦା ଉପରେ ଆଞ୍ଚ୍ ଆସିଛି । ଦଳ ତା ଆଦର୍ଶରେ ଅଛି । କିନ୍ତୁ ଏ ବାବଦରେ ନବୀନ ବାବୁ ଜାଣିବା ପରେ ସତ୍ୟାସତ୍ୟ ସଂଗ୍ରହ କରୁଛନ୍ତି । ତଦନ୍ତ ହେଲେ ଜଣାପଡିବ କାହାର ନିର୍ଦ୍ଦେଶରେ ଏଭଳି ହେଲା । ୱାକଫ୍କୁ ନେଇ ବିଶ୍ୱାସରେ ବିଷ କିଏ ଦେଲା । ଗତକାଲି ବିଜେଡି ବିଧାୟକ ଗଣେଶ୍ୱର ବେହେରା ମଧ୍ୟ ଏହି ପ୍ରସଙ୍ଗରେ ବଡ଼ ବୟାନ ଦେଇଥିଲେ । ସେ କହିଥିଲେ, ୱାକଫ୍ ସଂଶୋଧନ ବିଲ୍କୁ ସମର୍ଥନ କରି ଭୁଲ କରିଛନ୍ତି ସସ୍ମିତ । ଦଳୀୟ ନିଷ୍ପତ୍ତିର ଅବମାନନା କରିଛନ୍ତି ସସ୍ମିତ । ଦଳର ସଭାପତି ୱାକଫ୍ ବିଲ୍ ବିରୋଧରେ ମତ ଦେବା ପାଇଁ କହିଥିଲେ । କେଉଁ ପରିସ୍ଥିତିରେ ସସ୍ମିତ ନିଷ୍ପତ୍ତି ପରିବର୍ତ୍ତନ କଲେ, ତାହା ଆମକୁ ବିସ୍ମିତ କରିଛି ।
