ବିଜେଡ଼ିର ମହିଳା ସମାବେଶ
Rasmita Behera
4295
କଳିଙ୍ଗନଗର,: ସୁକିନ୍ଦା ବିଜେଡ଼ି ପକ୍ଷରୁ ମହିଳା ସମାବେଶ ସୁକିନ୍ଦା ବ୍ଲକ ଓଳିଆ ପଞ୍ଚାୟତରେ ଅନୁଷ୍ଠିତ ହୋଇଯାଇଛି । ବ୍ଲକ ମହିଳା ସଭାନେତ୍ରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ମହିଳା ସମାବେଶରେ ବିଧାୟକ ପ୍ରୀତିରଞ୍ଜନ ଘଡ଼ାଇ ଯୋଗ ଦେଇ ରାମ୍ୟ ସରକାର ରାଜନୈତିକ କ୍ଷେତ୍ରରୁ ଆରମ୍ଭ କରି ସବୁ କ୍ଷେତ୍ରରେ ମହିଳାଙ୍କୁ ପ୍ରାଥମିକତା ଦେଉଛି । ବିଜୁ ଜନତା ଦଳ ମହିଳାଙ୍କ ଦକ୍ଷତା ଉପରେ ସବୁ ସମୟରେ ବିଶ୍ୱାସ ରଖିଛି । ବିଧାୟକ ଶ୍ରୀ ଘଡ଼ାଇ ଆଗାମୀ ନିର୍ବାଚନରେ ମହିଳାଙ୍କ ଗୁରୁତ୍ୱପୂର୍ଣ୍ଣ ଭୂମିକା ସମ୍ପର୍କରେ ଆଲୋଚନା କରିବା ସହ ବିଜେଡ଼ିକୁ ଅଧିକରୁ ଅଧିକ ଭୋଟ ମିଳିବା ଦିଗରେ କାର୍ଯ୍ୟ କରିବାକୁ ପରାମର୍ଶ ଦେଇଥିଲେ । ଅନ୍ୟମାନଙ୍କ ମଧ୍ୟରେ ସୁକିନ୍ଦା ବ୍ଲକ ଅଧ୍ୟକ୍ଷ, ବ୍ଲକ ସଭାପତି ବିବେକାନନ୍ଦ ବୋଷ, ସ୍ଥାନୀୟ ସରପଞ୍ଚ, ସମିତି ସଭ୍ୟ ପ୍ରମୁଖ ଉପସ୍ଥିତ ରହିଥିଲେ ।
