ଜେଏସଏଲ ପକ୍ଷରୁ ଜଳଛତ୍ର କେନ୍ଦ୍ର ସ୍ଥାପନ
Rasmita Behera
କଳିଙ୍ଗନଗର,: ଜେଏସଏଲ କଳିଙ୍ଗନଗର ପକ୍ଷରୁ ଗ୍ରୀଷ୍ମ ପ୍ରବାହକୁ ଆଖିରେ ରଖି ରାଜ୍ୟ ରାଜପଥ ୨୦ଜିନ୍ଦଲ ମେନଗେଟ ପାର୍କିଂ ନିକଟରେ ଏକ ଜଳଛତ୍ର କେନ୍ଦ୍ର ସ୍ଥାପନ କରାଯାଇଛି । ଜଳଛତ୍ର କେନ୍ଦ୍ରକୁ କାରଖାନାର ଅର୍ଥ ବିଭାଗ ମୁଖ୍ୟ ସୁନୀଲ ଅଗ୍ରୱାଲ ଉଦ୍ଘାଟନ କରିଥିଲେ । କାରଖାନାରେ କାର୍ଯ୍ୟ କରୁଥିବା ସମସ୍ତ କର୍ମଚାରୀ ତଥା ଠିକାକର୍ମଚାରୀମାନଙ୍କ ପାଇଁ କାରଖାନାର ବିଭିନ୍ନ ସ୍ଥାନରେ ଜଳଛତ୍ର କେନ୍ଦ୍ର ଖୋଲାଯାଇଛି । ଜଳଛତ୍ର କେନ୍ଦ୍ର ଉଦଘାଟନ କାର୍ଯ୍ୟକ୍ରମରେ କମ୍ପାନୀର ମାନବ ସମ୍ବଳ ବିଭାଗର ମୁଖ୍ୟ ରାକେଶ ପାଠକ ଉପସ୍ଥିତ ରହି ଏହି କାର୍ଯ୍ୟକ୍ରମ ଆସନ୍ତା ଜୁନ ପ୍ରଥମ ସପ୍ତାହ ପର୍ଯନ୍ତ ଚାଲୁ ରହିବ ତଥା ଆଗାମୀ କିଛି ଦିନ ମଧ୍ୟରେ ଆଖ ପାଖରେ କମ୍ପାନୀ ତରଫରୁ ୨ଗୋଟି ସ୍ଥାୟୀ ସ୍ୱତଃ ଜଳ ଯୋଗାଣ ମେସିନର ସ୍ଥାପନ କରାଯିବ ବୋଲି କହିଥିଲେ । ମ୍ୟାଟେରିଆଲ ବିଭାଗ ମୁଖ୍ୟ ବାଳକୃଷ୍ଣ ପାଣିଗ୍ରାହୀ, କ୍ରୟ ବିଭାଗ ମୁଖ୍ୟ ବିନୟ ପ୍ରସାଦ ଉପସ୍ଥିତ ରହି ପଥଚାରୀ ମାନଙ୍କୁ ପାନୀୟ ଜଳ ବଣ୍ଟନ କରିଥିଲେ । କାର୍ଯ୍ୟକ୍ରମରେ କମ୍ପାନୀର ଅନ୍ୟାନ୍ୟ ବରିଷ୍ଠ ଅଧିକାରୀ ଏବଂ କର୍ମଚାରୀ ଉପସ୍ଥିତ ଥିଲେ । କାର୍ଯ୍ୟକ୍ରମକୁ କମ୍ପାନୀର ବିସ୍ଥାପନ ଓ ଥଇଥାନ ତଥା ବାହ୍ୟ ସମ୍ପର୍କ ବିଭାଗର ମିହିର କୁମାର ଦାସ ଓ ସଂଗୀତ ମହାପାତ୍ର ପରିଚାଳନା କରିଥିଲେ ।
