ବାରବାଟୀ ଓ ଜାବରା ପଞ୍ଚାୟତରେ ବିଜେପିର କର୍ମୀ ସମ୍ମିଳନୀ
Rasmita Behera
ରସୁଲୁପୁର: ଧର୍ମଶାଳା ନିର୍ବାଚନ ମଣ୍ଡଳୀର ରସୁଲପୁର ବ୍ଲକ ବାରବାଟୀ ଓ ଜାବରା ପଞ୍ଚାୟତରେ ବିଜେପି ପକ୍ଷରୁ ସ୍ୱାଗତ ସମ୍ବର୍ଦ୍ଧନା ସଭା ଓ ପଞ୍ଚାୟତ ସ୍ତରୀୟ କର୍ମୀ ସମ୍ମିଳନୀ ଅନୁଷ୍ଠିତ ହୋଇଯାଇଛି । ଚୈତନ୍ୟ ନାୟକଙ୍କ ସଭାପତିତ୍ୱରେ ସଭା ଅନୁଷ୍ଠିତ ହୋଇଥିଲା । ମୁଖ୍ୟ ଅତିଥି ଭାବେ ଧର୍ମଶାଳା ବିଧାୟକ ହିମାଂଶୁ ଶେଖର ସାହୁ ଏବଂ ସମ୍ମାନିତ ଅତିଥି ଭାବେ ଧର୍ମଶାଳା ବିକାଶ ପରିଷଦର ସଭାପତି ଶ୍ରୀକାନ୍ତ ସାହୁ ଯୋଗଦେଇଥିଲେ । ରବୀନ୍ଦ୍ର କୁମାର ସାହୁ ସ୍ୱାଗତ ଭାଷଣ ଦେଇଥିଲେ । କୃଷକ ନେତା ଉପେନ୍ଦ୍ର କର, ବାରବାଟୀ ସମିତି ସଭ୍ୟା ସୌଦାମିନୀ ନାୟକ, ସିଙ୍ଗାପୁର ସରପଞ୍ଚ ହୃଦାନନ୍ଦ ସାହୁ, ବୁନ୍ଦାବନ ସାହୁ, ସୁବାସ ନାୟକ, ସୁବାସ ରଥ, ଅଶୋକ କୁମାର ନାୟକ ଉପସ୍ଥିତ ରହିଥିଲେ । ଯାବରା ପଞ୍ଚାୟତ ଏବଂ ପରେ ବାରବାଟୀ ପଞ୍ଚାୟତ ଠାରେ, କର୍ମୀସମ୍ମିଳନୀ ଆୟୋଜିତ ହୋଇଥିଲା । ଓଡ଼ଙ୍ଗ ହନୁମାନ ମନ୍ଦିର ପକ୍ଷରୁ ବିଧାୟକ ହିମାଂଶୁ ସାହୁଙ୍କୁ ସଭା ସ୍ଥଳକୁକୁ ପାଛୋଟି ଆଣିଥିଲେ । ବିଧାୟକ ତାଙ୍କ ଭାଷଣରେ କହିଥିଲେ ନିର୍ବାଚନ ସମୟରେ ପଞ୍ଚାୟତକୁ ଦେଇଥିବା ପ୍ରତିଶୃତିକୁ ଯଥା ସମ୍ଭବ ପୁରଣ କରିବା ସହିତ ମୋ ସାଙ୍ଗରେ ହାତକୁ ହାତ ମିଳାଇ ଥିବା ପ୍ରତ୍ୟେକ ବ୍ୟକ୍ତିର ମାନ ମର୍ଯ୍ୟାଦାକୁ ଅକ୍ଷରେ ଅକ୍ଷରେ ପାଳନ କରିବେ । ଯାବରା ପଞ୍ଚାୟତରେ ଅକ୍ଷୟ କୁମାର ପଣ୍ଡାଙ୍କ ସଭାପତିତ୍ୱରେ ସଭା ଆୟୋଜନ କରାଯାଇଥିଲା । ସରପଞ୍ଚ ଝରଣା ତରାଇ, ପ୍ରକାଶ ମହାନ୍ତି, ତ୍ରିଲୋଚନ ପଣ୍ଡା, ଜିତେନ୍ଦ୍ର ବେହେରା, ସୁରେଶ ଜେନା, ହେମନ୍ତ ସାହୁ, ଗିରିଧାରୀ ପାତ୍ର, ସୁଦାମ ସାହୁ, ରମେଶ ଚନ୍ଦ୍ର ତରାଇ, ରାଜେଶ ପାଳ,ପ୍ରମୁଖ ଯୋଗ ଦେଇଥିଲେ ।
