ଟାର୍ଗେଟରେ ବିଜେପି ସରକାର: ଏକାଠି ବିଜେଡି ନେତା!
Rasmita Behera
ବିଜେଡି ନେତାଙ୍କ ମେଳି ଏବେ ଖୁବ୍ ଚର୍ଚ୍ଚାର ବିଷୟ ପାଲଟିଛି । ରାଜ୍ୟ ବାହାରେ ଆସାମର ଗୌହ୍ୱାଟୀରେ ବରିଷ୍ଠ ନେତାଙ୍କ ଭେଟ୍ଘାଟ୍କୁ ନେଇ ରାଜନୀତିକ ମାହୋଲ ସରଗରମ ହେଲାଣି । ବରିଷ୍ଠ ନେତାମାନଙ୍କୁ ଏକତ୍ରିତ ଦେଖିବାକୁ ମିଳିଛି ଗୌହ୍ୱାଟୀର ଏକ ହୋଟେଲରେ । ପ୍ରଭାତ ତ୍ରିପାଠୀ, ସଞ୍ଜୟଦାସବର୍ମା, ବିଜୟ ମହାପାତ୍ର, ସୁଶାନ୍ତ ରାଉତଙ୍କ ପରି ନେତା ଏକାଠି ହୋଇଥିବା ବେଳେ କେଉଁ ପ୍ରସଙ୍ଗ ପାଇଁ ଏହି ଆଲୋଚନା ତାହା ସ୍ପଷ୍ଟ ହୋଇ ପାରିନାହିଁ ।
ମାତ୍ର ପ୍ରଭାତ ତ୍ରିପାଠୀଙ୍କ କହିଛନ୍ତି ଯେ ସାମାଜିକ କାର୍ଯ୍ୟକ୍ରମରେ ଏକାଠି ହୋଇଥିଲୁ । ଏହାକୁ ନେଇ କେହି କିଛି ଚର୍ଚ୍ଚା ଆଲୋଚନା କରୁଥାଇପାରନ୍ତି । ତେବେ ଗତ କିଛି ଦିନ ତଳେ ନେତାଜୀ ଜୟନ୍ତୀରେ କଟକଠାରେ ବିଜେଡିର ଯୁବ ନେତାମାନେ ଏକାଠି ହୋଇଥିଲେ । ଦେବାଶିଷ ସାମନ୍ତରାୟଙ୍କ ଘରେ ଯୁବ ନେତାଙ୍କ ମିଳିତ ଉପସ୍ଥିତିକୁ ନେଇ ମଧ୍ୟ ଚର୍ଚ୍ଚା ଜୋର ଧରିଥିଲା । ମନ୍ମଥ ରାଉତରାୟ କିଛି ଦିନ ତଳେ ଗଣମାଧ୍ୟମକୁ କହିଥିଲେ ଭି.କେ ପାଣ୍ଡିଆନ୍ ନବୀନ ନିବାସରେ ସକ୍ରିୟ ଏବେବି ସକ୍ରିୟ ରହି ଗୋଟିଚାଳନା କରୁଛନ୍ତି । ଏହାପରେ ବାରମ୍ବାର ନେତାଙ୍କ ଏପରି ମେଳି ହେବା ଘଟଣା ରାଜନୈତିକ ମହଲରେ ଚର୍ଚ୍ଚାର କାରଣ ପାଲଟିଛି ।
