ଅଖିଳ ଭାରତୀୟ ମାରୱାଡି ମହିଳା ସମିତି ପକ୍ଷରୁ ରକ୍ତଦାନ ଶିବିର
Rasmita Behera
ତାଳଚେର : ତାଳଚେର ଅଖିଳ ଭାରତୀୟ ମାରୱାଡି ମହିଳା ସମିତି ପକ୍ଷରୁ ସ୍ଥାନୀୟ ମାରୱାଡି ଧର୍ମଶାଳା ଠାରେ ରକ୍ତ ଦାନ ଶିବିର ଅନୁଷ୍ଠିତ ହୋଇଥିଲା । ଏହି ରକ୍ତଦାନ ଶିବିରକୁ ମହେଶ ଅଗ୍ରୱାଲ, ଗୌରୀ ଶଙ୍କର ଶର୍ମା, ବଜରଙ୍ଗ ଅଗ୍ରୱାଲ, ଅର୍ଜୁନ ଅଗ୍ରୱାଲ, ରାଜକିଶୋର ଅଗ୍ରୱାଲ ପ୍ରଭୃତି ପ୍ରଦୀପ ପ୍ରଜ୍ୱଳନ କରି ଉଦଘାଟନ କାର୍ଯ୍ୟକ୍ରମ କରିଥିଲେ । ଏଥରେ ମହିଳା ସମିତିର ସଭାନେତ୍ରୀ ନିନା ଅଗ୍ରୱାଲ. ସମ୍ପାଦକ ନିର୍ମଳା ଅଗ୍ରୱାଲ ଓ ଅଖିଳ ଭାରତୀୟ ମାରୱାଡି ମହିଳା ସମିଳନୀ ପ୍ରାନ୍ତୀୟ ଅଂଚଳ ପ୍ରମୁଖ ଆଶା ଅଗ୍ରୱାଲ ଓ ସମିତିର ସମସ୍ତ ସଦସ୍ୟମାନେ ଉପସ୍ଥିତ ଥିଲେ । ତାଳଚେର ସବଡ଼ିଭିଜନ ହସ୍ପିଟାଲର ଡାକ୍ତର ଓ କର୍ମକର୍ତ୍ତାମାନେ ଏଥିରେ ସହଯୋଗ କରିଥଲେ । ରକ୍ତଦାନ ଶିବିରରେ ୩୧ ଜଣ ରକ୍ତ ଦାନ କରିଥିଲେ । ଏଥିରେ ରକ୍ତଦାନ କରିଥିବା ସେଚ୍ଛାସେବୀ ଓ ଉପସ୍ଥିତ ଥିବା ସମସ୍ତ ଅତିଥିମାନଙ୍କୁ ମାରୱାଡି ମହିଳା ସମିତି ତରଫରୁ ଅଭିନନ୍ଦନ ଜଣାଯାଇଥିଲା । ଆଗାମୀ ଦିନରେ ସମିତି ତରଫରୁ ଅନେକ ଜନହିତକର କାର୍ଯ୍ୟ କରାଯିବ ବୋଲି ସମିତିର ସଭାନେତ୍ରୀ ନିନା ଅଗ୍ରୱାଲ ପ୍ରକାଶ କରିଥିଲେ ।
