୩ ଶିକ୍ଷକଙ୍କୁ ନେସନ୍ ବିଲ୍ଡର ଆୱାର୍ଡ
Rasmita Behera
ଖୋର୍ଦ୍ଧା,: ରୋଟାରୀ ଜିଲ୍ଲା (୩୨୬୨)ର ସମ୍ମାନୀୟା ଗଭର୍ଣ୍ଣର ଜୟଶ୍ରୀ ମହାନ୍ତିଙ୍କ ଖୋର୍ଦ୍ଧା ରୋଟାରୀ କ୍ଲବ ପରିଦର୍ଶନ ଅବସରରେ ତାଙ୍କୁ ଭବ୍ୟ ସ୍ୱାଗତ ସମ୍ବର୍ଦ୍ଧନା ଦିଆଯାଇଛି । ସଭାପତି ପ୍ରହଲ୍ଲାଦ ପ୍ରଧାନ, ସମ୍ପାଦକ ପ୍ରଫେସର ସୁକାନ୍ତ ନାୟକ, କାର୍ଯ୍ୟକାରୀ ସଭ୍ୟ ପ୍ରାକ୍ତନ ଏସ୍.ପି. ଦେବ ପ୍ରସାଦ ମଜୁମଦାର, ରୋଟାରିଆନ୍ ସୌର୍ଯ୍ୟରଞ୍ଜନ ମହାନ୍ତି, ରୋଟାରୀଆନ୍ ମନୋଜ କୁମାର ପ୍ରଧାନ, ରୋଟାରୀଆନ୍ ତାପସ ବୋଷ ଓ ଅଜୟ ଅଗ୍ରୱାଲ ପ୍ରମୁଖ କ୍ଲବର ବିଭିନ୍ନ କାର୍ଯ୍ୟାବଳୀ, ସ୍ୱାସ୍ଥ୍ୟ ଓ ସାମାଜିକ ସେବା ନେଇ ତଥ୍ୟ ଉପସ୍ଥାପନ କରିଥିଲେ । ଗଭର୍ଣ୍ଣର ମହୋଦୟା ବିଶଦ ଆଲୋଚନା କରି ସଭ୍ୟ ସଂଖ୍ୟା ବୃଦ୍ଧି ତଥା ସଭ୍ୟଦେୟକୁ ବୃଦ୍ଧି କରାଯିବା ପାଇଁ ପରାମର୍ଶ ଦେଇଥିଲେ । ଆଲୋଚନା ସମୟରେ ରୋଟାରୀଆନ୍ ପ୍ରଫେସର ନରସିଂହ ପ୍ରସାଦ ପଟ୍ଟନାୟକ, ଅଜୟ ଅଗ୍ରୱାଲା, ପିଣ୍ଟ ଚକ୍ରବର୍ତ୍ତୀ, ରାମଶଙ୍କର, ଡା. ଅମୀୟ ଜେନାମଣୀ ପ୍ରମୁଖ ରୋଟାରୀଆନମାନେ ଉପସ୍ଥିତ ଥିଲେ । ରୋଟାରୀ କ୍ଲବ ପକ୍ଷରୁ ତିନିଜଣ ଶିକ୍ଷକ/ଶିକ୍ଷୟିତ୍ରୀଙ୍କୁ ‘ନେସନ୍ ବିଲ୍ଡର ଆୱାର୍ଡ’ ରୋଟାରୀ ଗଭର୍ଣ୍ଣର ଜୟଶ୍ରୀ ମହାନ୍ତିଙ୍କ ଦ୍ୱାରା ପ୍ରଦାନ କରାଯାଇଥିଲା । ସ୍ୱତନ୍ତ୍ର ଭାବେ ନିମନ୍ତ୍ରିତ ହୋଇ ଇନରହୁଇଲ୍ କ୍ଲବର ପ୍ରଫେସର ନିରୁପମା ମିଶ୍ରଙ୍କ ସମେତ ସଭ୍ୟମାନେ ଏବଂ ରୋଟାରାକ୍ଟରମାନେ ଯୋଗ ଦେଇ ସହାୟତା ପ୍ରଦାନ କରିଥିଲେ । ଦେବ ପ୍ରସାଦ ମଜୁମଦାର ଅତିଥି ପରିଚୟ ପ୍ରଦାନ କରିଥିବା ବେଳେ ସମ୍ପାଦକ ସୁକାନ୍ତ ନାୟକ ଧନ୍ୟବାଦ ଅର୍ପଣ କରିଥିଲେ ।
