କେଜରିଓ୍ବାଲଙ୍କ ସ୍ଥାନରେ ପତାକା ଉତ୍ତୋଳନ କରି ପାରିବେନି କ୍ୟାବିନେଟ ମନ୍ତ୍ରୀ
Rasmita Behera
ନୂଆଦିଲ୍ଲୀ : ସ୍ବାଧୀନତା ଦିବସ ରେ ଜାତୀୟ ପତାକା ଉଡାଇବା ପ୍ରସଙ୍ଗ ଆମ ଆଦମୀ ପାର୍ଟି ସରକାର ଏବଂ ରାଜ ନିୱାସଙ୍କ ମଧ୍ୟରେ ଏକ ନୂଆ ବିବାଦର କାରଣ ପାଲଟିଛି। ସ୍ବାଧୀନତା ଦିବସରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କ ସ୍ଥାନରେ ଛତ୍ରସାଲ ଷ୍ଟାଡିୟମରେ କ୍ୟାବିନେଟ ମନ୍ତ୍ରୀ ଅତିଶୀ ପତାକା ଉତ୍ତୋଳନ କରିପାରିବେ ନାହିଁ।
ମଙ୍ଗଳବାର ଦିଲ୍ଲୀ ସରକାରଙ୍କ ସାଧାରଣ ପ୍ରଶାସନ ବିଭାଗ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କ ପ୍ରସ୍ତାବକୁ ପ୍ରତ୍ୟାଖ୍ୟାନ କରିଛି ଯେଉଁଥିରେ ସେ ସ୍ବାଧୀନତା ଦିବସରେ ଛତ୍ରସାଲ ଷ୍ଟାଡିୟମରେ ଆୟୋଜିତ ହେବାକୁ ଥିବା କାର୍ଯ୍ୟକ୍ରମରେ ଅତିଶୀଙ୍କୁ ତାଙ୍କ ସ୍ଥାନରେ ପତାକା ଉତ୍ତୋଳନ କରିବାକୁ ଇଚ୍ଛା ପ୍ରକାଶ କରିଛନ୍ତି।
ମନ୍ତ୍ରୀ ଗୋପାଳ ରାୟଙ୍କୁ ଉତ୍ତର ଦେବାବେଳେ ପ୍ରଶାସନ ବିଭାଗ କହିଛି ଯେ ଅଗଷ୍ଟ ୧୫ରେ ଜାତୀୟ ପତାକା ଉତ୍ତୋଳନ ପାଇଁ ଅତିଶୀଙ୍କୁ ଅନୁମତି ଦେବା ପାଇଁ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ଦେଇଥିବା ନିର୍ଦ୍ଦେଶ ଆଇନଗତ ଭାବରେ ଅବୈଧ ଏବଂ ଏହା ଉପରେ କାର୍ଯ୍ୟ କରାଯାଇପାରିବ ନାହିଁ। ଏହା ମଧ୍ୟ କୁହାଯାଇଛି ଯେ ତିହାର ଜେଲରୁ କେଜରିୱାଲଙ୍କୁ ଏକ ଚିଠି ଲେଖିବା ଏବଂ ଏପରି ବାର୍ତ୍ତାଳାପ ଗ୍ରହଣୀୟ ନୁହେଁ ଏବଂ ଏହା ନିୟମର ଉଲ୍ଲଂଘନ ଅଟେ।
ସୂଚନାଯୋଗ୍ୟ ଯେ ଏହାପୂର୍ବରୁ ସୋମବାର ତିହାର ଜେଲରେ ମୁଖ୍ୟମନ୍ତ୍ରୀ କେଜରିୱାଲଙ୍କୁ ଭେଟିବା ପରେ ଦିଲ୍ଲୀ ସରକାରୀ କ୍ୟାବିନେଟ ମନ୍ତ୍ରୀ ଗୋପାଳ ରାୟ ସ୍ବାଧୀନତା ଦିବସରେ ଅତିଶୀଙ୍କ ତରଫରୁ ପତାକା ଉତ୍ତୋଳନ ପାଇଁ ବ୍ୟବସ୍ଥା କରିବାକୁ ସାଧାରଣ ପ୍ରଶାସନ ବିଭାଗକୁ ଏକ ଲିଖିତ ନିର୍ଦ୍ଦେଶ ଦେଇଛନ୍ତି।
