କଂଗ୍ରେସର ପରିବର୍ତ୍ତନ ସମାବେଶ
Rasmita Behera
ବାସୁଦେବପୁର,: ଭଦ୍ରକ ଜିଲ୍ଲାର ୫ ଗୋଟି ବିଧାନସଭା ନିର୍ବାଚନ ମଣ୍ଡଳୀ ମଧ୍ୟରୁ ବେଶ ଚର୍ଚ୍ଚିତ ବାସୁଦେବପୁର ବିଧାନସଭା ମଣ୍ଡଳୀ । ଏଥର ମଧ୍ୟ କଂଗ୍ରେସ ପକ୍ଷରୁ ୨ୟ ଥର ପାଇଁ ନିଜର ଭାଗ୍ୟ ପରୀକ୍ଷା କରୁଛନ୍ତି ଜିଲ୍ଲା ସଭାପତି ଅଶୋକ ଦାସ । ଗତଥର ପରାଜୟର ମୁହଁ ଦେଖିଥିବା ପୂର୍ବତନ ଚେୟାରମ୍ୟାନ ଅଶୋକ ଦାସଙ୍କ ସମଗ୍ର ନିର୍ବାଚନ ମଣ୍ଡଳୀରେ ବେଶ ଦବଦବା ରହିଛି । ଚଳିତ ୨୦୨୪ ନିର୍ବାଚନ ପାଇଁ ଏହି ବିଧାନସଭା ମଣ୍ଡଳୀରେ କଂଗ୍ରେସ ପକ୍ଷରୁ ଆୟୋଜିତ ପରିବର୍ତ୍ତନ ସମାବେଶରେ ନିଜର ଶକ୍ତି ପ୍ରଦର୍ଶନ କରିଛନ୍ତି କଂଗ୍ରେସର ବିଧାୟକ ପ୍ରାର୍ଥୀ ଶ୍ରୀ ଦାସ । ବିଧାୟକ ପ୍ରାର୍ଥୀ ଶ୍ରୀ ଦାସ ମ୍ୟୁନିସପାଲିଟ୍ ସ୍ଥିତ ବାଲିନଗର ଯାଦବ ପଡ଼ିଆ ଠାରେ ପହଞ୍ଚିବା ପରେ ତାଙ୍କୁ ବିପୁଳ ସ୍ୱାଗତ ସର୍ମଦ୍ଧନା ଦିଆଯାଇଥିଲା । ଯାଦବ ପଡିଆ ନିକଟରୁ ଅଶୋକ ଦାସ ଓ ସାଂସଦ ପ୍ରାର୍ଥି ଅନନ୍ତ ପ୍ରସାଦ୍ ସେଠୀ ପଦଯାତ୍ରାରେ ବାହାରି ବଜାର ପରିକ୍ରମା ପରେ ଏକ ସଂକଳ୍ପ ସମାବେଶରେ ଯୋଗ ଦେଇ ପରିବର୍ତ୍ତନ ପାଇଁ କର୍ମୀ ମାନଙ୍କୁ ଉତ୍ସାହିତ କରିଥିଲେ । ଯାହାକୁ ନେଇ କଂଗ୍ରେସ କର୍ମୀଙ୍କ ମଧ୍ୟରେ ବେଶ୍ ଉତ୍ସାହ ଦେଖାଦେଇଛି । ପ୍ରାୟ ୩ ହଜାରରୁ ଅଧିକ କର୍ମୀ ଯୋଗ ଦେଇ ଏଥର ବାସୁଦେବପୁରରେ ପରିବର୍ତ୍ତନର ନାରା ଦେଇଥିଲେ
