ଦାଦାବଟି ଆଦାୟ ଘଟଣା ; ଫେରାର ଅଭିଯୁକ୍ତ ଗିରଫ
Jitendra Sahu
ଭୁବନେଶ୍ୱର, ୨୭ା୪ : ରାସ୍ତାରେ ଜାତାୟତ କରୁଥିବା କାର, ଟ୍ରକ୍, ସ୍କୁଲ ବସ ମାନଙ୍କୁ ଅଟକାଇ ସେମାନଙ୍କୁ ଖଣ୍ଡା ଭୁଜାଲି ଦେଖାଇ ଦାଦାବଟି ଆଦାୟ ଘଟଣାର ଫେରାର ଅଭିଯୁକ୍ତ ପାଞ୍ଚଗାଁର ଗୋପାଳ ଓରଫ ପତିତପାବନ ବରିସଲ୍ୟ ଗିରଫ । ପୂର୍ବରୁ ମୁଖ୍ୟ ଅଭିଯୁକ୍ତ ପ୍ରେମାନନ୍ଦ ଭାରିମଲ୍ଲକୁ ଗିରଫ କରିବା ସହ ଖଣ୍ଡା ଜବତ କରିଥିଲା ଏୟାରଫିଲ୍ଡ ଥାନା ପୁଲିସ ।
ସୂଚନାଯୋଗ୍ୟ ଯେ, ଗତ ଫେବୃୟାରୀ ମାସ ୨୦ ତାରିଖରେ କିଛି ଅଭିଯୁକ୍ତ ମାନେ ପଞ୍ଚୁଆପଲ୍ଲୀ ରାସ୍ତା ନିକଟରେ ସାଧାରଣରେ ମାରଣାସ୍ତ ଧରି ନିର୍ମାଣ କାର୍ଯ୍ୟ ପାଇଁ ପରିବହନରେ ନିୟୋଜିତ ହୋଇଥିବା ଭାରିଯାନ ଗୁଡ଼ିକରୁ ବଳପୂର୍ବକ ଦାଦାବଟି ଆଦାୟ କରୁଥିବାର ବିଶ୍ୱସ୍ତ ସୂତ୍ରରୁ ସୂଚନା ପାଇଥିଲେ ଏୟାରଫିଲ୍ଡ ଥାନା ଅଧିକାରୀ । ଏହି ସୂଚନା ଆଧାରରେ ଏୟାରଫିଲ୍ଡ ଥାନା ଅଧିକାରୀଙ୍କ ନିଦେ୍ର୍ଦଶ କ୍ରମେ ଥାନାର ପୁଲିସ ଟିମ ଘଟଣା ସ୍ଥଳରେ ପହଞ୍ଚି ମୁଖ୍ୟ ଅଭିଯୁକ୍ତ ପ୍ରେମାନନ୍ଦ ଭାରିମଲ୍ଲକୁ ଗିରଫ କରିବା ସହ ତାଠାରୁ ଏକ ଖଣ୍ଡା ଜବତ କରିଥିଲେ । ହେଲେ ସେହି ସମୟରେ ଅନ୍ୟ ଜଣେ ସହଯୋଗୀ ଫେରାର ହୋଇଯାଇଥିଲା । ସେବେଠାରୁ ଅଭିଯୁକ୍ତକୁ ପୁଲିସ ଖୋଜୁଥିବା ବେଳେ ଆଜି ତାକୁ ପଞ୍ଚୁପଲ୍ଲୀ ଗାଁରୁ ଗିରଫ କରାଯାଇଛି ।
