ଟନେଲ ଭୁଶୁଡ଼ି : ଜଣେ ମୃତ, ୩ ଗୁରୁତର
Rasmita Behera
3764
ରାଜସ୍ଥାନର ଦିଲ୍ଲୀ-ମୁମ୍ବାଇ ଏକ୍ସପ୍ରେସୱେରେ ଏକ ନିର୍ମାଣାଧୀନ ଟନେଲ ଭୁଶୁଡି ପଡିଛି। ଏଥିରେ ଚାରିଜଣ ଶ୍ରମିକ ଚାପି ହୋଇଯାଇ ଥିବାବେଳେ ସେମାନଙ୍କ ମଧ୍ୟରୁ ଜଣଙ୍କର ମୃତ୍ୟୁ ଘଟିଛି। ଅନ୍ୟ ତିନି ଜଣଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଛି। ସୂଚନା ଅନୁସାରେ, ଏହି ଦୁର୍ଘଟଣା ରାଜସ୍ଥାନର କୋଟା ରାମଗଞ୍ଜମଣ୍ଡିର ମୋଡକ୍ ଅଞ୍ଚଳରେ ଘଟିଛି। ଦିଲ୍ଲୀ-ମୁମ୍ବାଇ ଏକ୍ସପ୍ରେସୱେରେ ନିର୍ମାଣାଧୀନ ଟନେଲରେ କାମ ଚାଲି ଥିବାବେଳେ ହଠାତ୍ ଟନେଲ୍ ଭୁଶୁଡି ପଡିଥିଲା। ଏଥିରେ ଚାରି ଜଣ ଶ୍ରମିକ ଭଗ୍ନାବଶେଷ ତଳେ ଚାପି ହୋଇ ଯାଇଥିଲେ।
