ବଜ୍ରପାତରେ ୧ ମୃତ, ୩ ଗୁରୁତର
Rasmita Behera
ବ୍ରହ୍ମପୁର : ଚାନ୍ଦପୁର ଗ୍ରାମ ପଞ୍ଚାୟତ ଅନ୍ତର୍ଗତ ବାତରଡ଼ାପଲ୍ଲୀ ଗ୍ରାମ ନିକଟ ପାହାଡ଼ ପାଦଦେଶରେ ଶୁକ୍ରବାର ଅପରାହ୍ନରେ ଛେଳି ଚରାଉଥିବା ସମୟରେ ଚାରିଜଣ ବ୍ୟକ୍ତି ବଜ୍ରାଘାତରେ ଆଘାତ ହୋଇଥିଲେ । ବଜ୍ରପାତରେ ବାତରଡ଼ାପଲ୍ଲୀ ନିକଟ ହରିପୁର ଗ୍ରାମର ପ୍ରାୟ ୫୫ ବର୍ଷ ବୟସ୍କ ଶିବ ପାଇକ ମୃତ ହୋଇଥିବା ବେଳେ ଗ୍ରାମର ଗଣପତି ନାୟକ, ବେଲପନ୍ଥୀ ଗ୍ରାମର ବିଜୟ ଗୌଡ଼ ଓ ଦିଗପହଣ୍ଡି ବ୍ଲକ ବମୋକୋଇ ଗ୍ରାମପଞ୍ଚାୟତ ଖଇରପଙ୍କ ଗ୍ରାମର ଡିଲି କନ୍ୟାରୀଙ୍କୁ ଅଚେତ ଅବସ୍ଥାରେ ବାମକୋଇ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଚିକିସôିତ ପାଇଁ ନେବା ପରେ ଅବସ୍ଥା ଗୁରୁତର ଥିବା ହେତୁ ବ୍ରହ୍ମପୁର ମେଡ଼ିକାଲକୁ ସ୍ଥାନାନ୍ତର କରାଯାଇଥିବା ସୂଚନା ମିଳିଛି । ସ୍ଥାନୀୟ ନୂଆପଡା ପୁଲିସ ଉକ୍ତ ସ୍ଥଳରେ ପହଞ୍ଚି ପ୍ରାଥମିକ ତଦନ୍ତ ଜାରି ରଖିଥିବା ବେଳେ ସ୍ଥାନୀୟ ସରପଞ୍ଚ ପ୍ରତିନିଧି ଉପେନ୍ଦ୍ର ସେଠୀ, ସମିତି ସଭ୍ୟ ଅକ୍ଷୟ ସେଠୀ, ନୂଆପଡ଼ା ରାଜସ୍ୱ ନିରୀକ୍ଷକ ଦେବରାଜ ନାଇକଙ୍କ ସହ ଅଞ୍ଚଳବାସୀ ପ୍ରମୂଖ ପହଞ୍ଚି ମୃତକ ପରିବାରକୁ ସମବେଦନା ଜଣାଇବା ସହ ଆହତଙ୍କ ଚିକିସôାରେ ସହଯୋଗ କରିଥିଲେ ।
