ରଥଯାତ୍ରାରେ ଭିଡ ନିୟନ୍ତ୍ରଣ ପାଇଁ ଡିଜିଟାଲ ଟିକେଟ୍

 ଜଟଣୀ  : ରଥଯାତ୍ରା ସମୟରେ ତୀର୍ଥଯାତ୍ରୀଙ୍କ ଆବଶ୍ୟକତା ପୂରଣ କରି, ଖୋର୍ଦ୍ଧାରୋଡ଼ ରେଳ ମଣ୍ଡଳ ପକ୍ଷରୁ ପୁରୀ ରେଳ ଷ୍ଟେସନରେ ବ୍ୟାପକ ବ୍ୟବସ୍ଥା କରଯାଇଛି । ଟ୍ରେନରେ ପୁରୀ ଆସୁଥିବା ଲକ୍ଷ ଲକ୍ଷ ଭକ୍ତଙ୍କୁ ସୁରକ୍ଷିତ, ସୁଗମ ଏବଂ ଆରାମଦାୟକ ଅନୁଭୂତି ପ୍ରଦାନ କରିବା ପାଇଁ ସମସ୍ତ ପ୍ରକାରର ପ୍ରୟାସ କରାଯାଇଛି । ପୁରୀ ରେଳ ଷ୍ଟେସନ ନିକଟରେ ତୀର୍ଥଯାତ୍ରୀମାନଙ୍କୁ ମାଗଣାରେ ଖାଦ୍ୟ ଏବଂ ପାନୀୟ ଜଳ ମଧ୍ୟ ଯୋଗାଇ ଦିଆଯାଇଛି ।ପୁରୀ ରେଳ ଷ୍ଟେସନରେ ଆଚ୍ଛାଦିତ ଆସନ କ୍ଷେତ୍ର ସହିତ ସମର୍ପିତ ତୀର୍ଥଯାତ୍ରୀ ପ୍ରତୀକ୍ଷା କ୍ଷେତ୍ର ଏବଂ ମେଳା ସେଡ୍ ସ୍ଥାପନ କରାଯାଇଛି, ଯାହା ୨୫ ହଜାର ତୀର୍ଥଯାତ୍ରୀଙ୍କୁ ସ୍ଥଗିତ କରିପାରିବ । ମେଳା ସେଡ୍ ରେ ବିଭିନ୍ନ ଯାତ୍ରୀ ସୁବିଧା ଯଥା ଲାଇଟ୍, ଫ୍ୟାନ୍, କୁଲର୍, ମୋବାଇଲ୍ ଚାର୍ଜିଂ ପଏଣ୍ଟ, ଥଣ୍ଡା ପାନୀୟ ଜଳ କିଓସ୍କ, ମହିଳା ଏବଂ ପୁରୁଷମାନଙ୍କ ପାଇଁ ସମର୍ପିତ ଶୌଚାଳୟ ଏବଂ ସ୍ନାନାଗାର, ଏୟାର କଣ୍ଡିସନଡ୍ ପେଡ୍ ଲାଉଞ୍ଜ, ପ୍ରଦର୍ଶନୀ କ୍ଷେତ୍ର, ସେଲ୍ଫି ପଏଣ୍ଟ, କ୍ୟାଟରିଂ ଷ୍ଟଲ୍ ଏବଂ ସ୍ଥାନୀୟ ହସ୍ତଶିଳ୍ପ ଏବଂ ହସ୍ତତନ୍ତ ସହିତ ୱାନ୍ ଷ୍ଟେସନ୍ ୱାନ୍ ପ୍ରଡକ୍ଟସ୍ ଷ୍ଟଲ୍ ଅନ୍ତର୍ଭୁକ୍ତ । ତୀର୍ଥଯାତ୍ରୀଙ୍କ ଆର୍ଥିକ ଚାହିଦା ପୂରଣ କରିବା ପାଇଁ ମେଳା ସେଡ୍ ନିକଟରେ ଦୁଇଟି ମୋବାଇଲ୍ ଏଟିଏମ୍ ଉପଲବ୍ଧ କରାଯାଇଛି । ଜରୁରୀକାଳୀନ ଚିକିସôା ପାଇଁ, ଆମ୍ବୁଲାନ୍ସ ସେବା ସହିତ ପ୍ରାଥମିକ ଚିକିସôା ବୁଥ୍ ୨୪ ଘଣ୍ଟା କାର୍ଯ୍ୟ କରୁଛି । ବରିଷ୍ଠ ନାଗରିକ ଏବଂ ରୋଗୀଙ୍କ ସୁବିଧା ପାଇଁ ହ୍ୱିଲ୍ ଚେୟାର, ବ୍ୟାଟେରୀ ଚାଳିତ ଯାନ ଉପଲବ୍ଧ । ଯାତ୍ରୀମାନଙ୍କୁ ମାର୍ଗଦର୍ଶନ କରିବା ପାଇଁ ସମସ୍ତ ପ୍ଲାଟଫର୍ମର ବଫର ଏଣ୍ଡରେ “ସହାୟତା କିଓସ୍କ” ସ୍ଥାପନ କରାଯାଇଛି  । ଭିଡ଼କୁ ଦୃଷ୍ଟିରେ ରଖି, ମେଳା ସେଡ୍ ଏବଂ ଟୁରିଷ୍ଟ କମ୍ପ୍ଲେକ୍ସରେ ୩୪ଟି ଅତିରିକ୍ତ ଟିକେଟ ବୁକିଂ କାଉଣ୍ଟର ସ୍ଥାପନ କରାଯାଇଛି । ଡିଜିଟାଲ ଇଣ୍ଡିଆ ଆଡ଼କୁ ଏକ ପଦକ୍ଷେପ ସ୍ୱରୂପ, ଡିଜିଟାଲ ପେମେଣ୍ଟ ପାଇଁ ସମସ୍ତ ଟିକେଟ କାଉଣ୍ଟରରେ କୁ୍ୟ.ଆର୍.କୋଡ୍ ସ୍କାନର ଉପଲବ୍ଧ ଅଛି । ଟିକେଟିଂ ପ୍ରକ୍ରିୟାକୁ ଆହୁରି ସହଜ କରିବା ପାଇଁ, ଟିକେଟ୍ ଯାଞ୍ଚ ଜୋନ୍ ପ୍ରବେଶ କରିବା ପୂର୍ବରୁ, ସର୍କୁଲେଟିଂ ଅଞ୍ଚଳରେ, ସ୍ୱୟଂଚାଳିତ ଟିକେଟ୍ ଭେଣ୍ଡିଂ ମେସିନ୍ ଏବଂ ମୋବାଇଲ୍ ଟିକେଟିଂ ସିଷ୍ଟମ୍ ଉପଲବ୍ଧ କରାଯାଇଛି । ଅଣସଂରକ୍ଷିତ କାଗଜବିହୀନ ଟିକେଟ୍ କୁ ଉସôାହିତ କରିବା ଉଦେ୍ଧଶ୍ୟରେ, ଯାତ୍ରା ଆପ୍ ଏବଂ ୟୁ ଟି ଏସ୍ ମୋବାଇଲ୍ ଆପ୍ ବ୍ୟବହାର କରିବା ପାଇଁ, ସଚେତନତା ସୃଷ୍ଟି କରାଯାଉଛି । ଆରପିଏଫ ଏବଂ ଜିଆରପି ବାହିନୀ ସହାୟତାରେ ପ୍ଲାଟଫର୍ମରେ ଯାତ୍ରୀଙ୍କ ସୁଗମ ପ୍ରବେଶ ପାଇଁ ବ୍ୟାରିକେଡିଂ ପ୍ରବେଶ ବ୍ୟବସ୍ଥା ଗ୍ରହଣ କରାଯାଇଛି । ରଥଯାତ୍ରା ସମୟରେ ଓଡ଼ିଶା, ଛତିଶଗଡ଼, ପଶ୍ଚିମବଙ୍ଗ, ଆନ୍ଧ୍ରପ୍ରଦେଶ ଏବଂ ମହାରାଷ୍ଟ୍ର ସମେତ ବିଭିନ୍ନ ରାଜ୍ୟରୁ ମୋଟ ୩୬୫ ଟି ସ୍ୱତନ୍ତ୍ର ଟ୍ରେନ ପରିଚାଳିତ ହେଉଛି । ନୀଳାଦ୍ରି ବିଜେ ପୂଜା ସମାପ୍ତ ହେବା ପର୍ଯ୍ୟନ୍ତ ପୁରୀ ରେଳ ଷ୍ଟେସନରେ ଏହି ବିସ୍ତୃତ ବ୍ୟବସ୍ଥା ତୀର୍ଥଯାତ୍ରୀଙ୍କ ସେବା ପାଇଁ ଜାରି ରହିବ । ତୀର୍ଥଯାତ୍ରୀଙ୍କ କୌଣସି ପ୍ରକାରର ଅସୁବିଧାକୁ ଏଡାଇବା ପାଇଁ ଖୋର୍ଦ୍ଧା ରୋଡର ମଣ୍ଡଳ ରେଳ ପ୍ରବନ୍ଧକ ଏଚ୍.ଏସ୍. ବାଜୱା ପୁରୀ ରେଳ ଷ୍ଟେସନର ପରିସ୍ଥିତି ଉପରେ କଡ଼ା ନଜର ରଖିଛନ୍ତି ।ା ସ୍ଥଳରେ ପହଞ୍ଚି ବସଟିକୁ ଜବତ କରି ଥାନାରେ ରଖିବା ସହିତ ଘଟଣାର ତଦନ୍ତ ଆରମ୍ଭ କରିଛି ।