ଜଳିଗଲା ଗୁହାଳ, ବର୍ତ୍ତିଲେ ଗାଈ
Rasmita Behera
5045
କାକଟପୁର: ଅସ୍ତରଙ୍ଗ ବ୍ଲକ୍ ଝାଡ଼ଲିଙ୍ଗ ପଞ୍ଚାୟତ ନାନପୁର ପତିସାହି ଗ୍ରାମରେ ଏକ ଭୟାବହ ଅଗ୍ନିକାଣ୍ଡ ଘଟିଛି । ସୂଚନା ମୁତାବକ ସେହି ଗ୍ରାମର ପ୍ରଦୀପ ପତି ସନ୍ଧ୍ୟା ସମୟରେ ନିଜ ଗୁହାଳରେ ରଖିଥିବା ଗାଈ ଓ ଛେଳି ପାଇଁ ଶୀତ ପ୍ରକୋପରୁ ରକ୍ଷା ନିମନ୍ତେ ନଡ଼ା ଜାଳି ଧୂଆଁ ଦେଉଥିଲେ । ତାଙ୍କ ଅସାବଧାନତା ପାଇଁ ଜଳନ୍ତା ନଡ଼ାରୁ ନିଆ ଖଣ୍ଡ ଉଡ଼ି ଗୁହାଳ ଚାଳ ଛପର ସର୍ସ୍ପରେ ଆସିଥିଲା ଓ ଚାହୁଁ ଚାହୁଁ ସମ୍ପୂର୍ଣ୍ଣ ଗୁହାଳରେ ନିଆଁ ଲାଗି ଜଳିଯାଇଥିଲା । ସ୍ଥାନୀୟ ଲୋକଙ୍କ ସହାୟତାରେ ଗୁହାଳରେ ବନ୍ଧା ଯାଇଥିବା ଗାଈ ଓ ଛେଳିଙ୍କୁ ଫିଟାଇ ଉଦ୍ଧାର କରାଯାଇଥିଲା । ଖବର ପାଇ ସ୍ଥାନୀୟ ଦମକଳ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ କରିଛନ୍ତି । ଘଟଣା ସ୍ଥଳରେ ସ୍ଥାନୀୟ ସରପଞ୍ଚ ଓ ଗ୍ରାମବାସୀ ଉପସ୍ଥିତ ରହି ନିଆଁ ଲିଭା କାର୍ଯ୍ୟରେ ଦମକଳ ବାହିନୀକୁ ସାହାଯ୍ୟ କରିବା ସହିତ ପ୍ରଦୀପ ପତିଙ୍କୁ ଗୁହାଳ ପୋଡିବା ସହାୟତା ପାଇ ସ୍ଥାନୀୟ ପ୍ରଶାସନ ନିକଟରେ ଦାବି କରିଛନ୍ତି ।
