ଦୁଇ ଉପସ୍ୱାସ୍ଥ୍ୟ କେନ୍ଦ୍ରରୁ ଚୋରି , ଲୁଟିନେଲେ ଲକ୍ଷାଧିକ ଟଙ୍କାର ସାମଗ୍ରୀ
Rasmita Behera
ାା ପ୍ରଭାନୁ୍ୟଜ୍ ।ା ନୀଳଗିରି : ଥମୁନି ନୀଳଗିରି ଅଞ୍ଚଳରେ ଚୋରି । ଯାତ୍ରାର ସୁଯୋଗ ନେଇ ଲୁଟେରାମାନେ ସକ୍ରିୟ ହୋଇଛନ୍ତି । ପୁଲିସକୁ ଖୋଲା ଚ୍ୟାଲେଞ୍ଜ ଦେଇ ଲୁଟ କରିବାରେ ଲାଗି ପଡିଛନ୍ତି ଚୋର । ଲୁଟେରାମାନେ ପୋଡାଶୁଳ ଅଞ୍ଚଳରେ ଗୋଟିଏ ଘରୁ ଦୁର୍ବୃତ୍ତମାନେ କଲାକାନା ବୁଲାଇ ଦେଇଥିବା ବେଳେ ପୁଣି ସେହି ପୋଡାସୂଳ ଅଞ୍ଚଳ ଜଡ଼ିଦା ପଞ୍ଚାୟତର ସିଟି ସ୍କୁଲ ପାଖରେ ଥିବା ଉପସ୍ୱାସ୍ଥ୍ୟ କେନ୍ଦ୍ର ଓ ସିଆଡ଼ିମାଳ ପଞ୍ଚାୟତର ଥିବା ଉପ ସ୍ୱାସ୍ଥ୍ୟ କେନ୍ଦ୍ରରୁ ଦୁର୍ବୃତ୍ତମାନେ ଚାବି ଭାଙ୍ଗି କେନ୍ଦ୍ରରେ ଥିବା କମ୍ପୁଟର, ଇନଭଟର, ପ୍ରିଣ୍ଟର, ଫ୍ୟାନ ଚୋରି ହୋଇଥିବାର ଅଭିଯୋଗ ହୋଇଛି । ଲଗାତାର ଭାବେ ଉକ୍ତ ଅଞ୍ଚଳରେ ଚୋଇ ହେଉଥିବାରୁ ଲୋକମାନଙ୍କ ଭିତରେ ଭୟର ବାତାବରଣ ଦେଖାଯାଇଛି । ଚୋରି ହେବା ପଛରେ ସ୍ଥାନୀୟ ଲୋକଙ୍କର ହାତ ଥିବାର ଅନୁମାନ କରାଯାଉଛି । ପୋଦାଶୁଳ ଛକରେ କାଳୀ ପୂଜା ଏବଂ ଯାତ୍ରା ହେଇଥିବାରୁ ଉକ୍ତ ଅଞ୍ଚଳଟି ଚୋରାମାନଙ୍କ ପାଇଁ ଭୂସ୍ୱର୍ଗ ପାଲଟି ଯାଇଛି । ଏନେଇ ବିଭାଗ ପକ୍ଷରୁ ନୀଳଗିରି ଥାନାରେ ଅଭିଯୋଗ ପରେ ପୁଲିସ ପକ୍ଷରୁ ମାମଲା ରୁଜୁ କରାଯାଇ ଚୋରମାନଙ୍କୁ ଧରିବା ପାଇଁ ତନାଘନା ଚଳାଇଛି ।
