ଖଣି ଲୁଟର ମାଷ୍ଟର୍ ପ୍ଲାନର୍ ରାଜ୍ୟ ସରକାର
Rasmita Behera
ରାଜ୍ୟ ସରକାର ସାଜିଛନ୍ତ ରାଜ୍ୟରେ ଖଣିଜ ପଦାର୍ଥ ଲୁଟର ସର୍ଦ୍ଦାର । ଶାସକ ଦଳର ବିଧାୟକମାନଙ୍କ ମାଧ୍ୟମରେ ଏହାର ଚେର ମୁଖ୍ୟମନ୍ତ୍ରୀଙ୍କ ପର୍ଯ୍ୟନ୍ତ ଲମ୍ବିଛି । ସକାଳୁ ସନ୍ଧ୍ୟା, ସମସ୍ତେ ମାତିଛନ୍ତି ଏହାର ଲୁଟରେ । କିଛି ଏଭଳି କଥା କହି ଆଜି ଖଣି ଦୁର୍ନୀତି ପ୍ରସଙ୍ଗରେି ବିଜେଡି ମୁଖ୍ୟମନ୍ତ୍ରୀ ମୋହନ ମାଝୀଙ୍କୁ ଟାର୍ଗେଟ୍ କରିଛି ।
ବିଜେଡି ବିଧାୟକ ଗୌତମ ବୁଦ୍ଧ ଦାସ କହିଛନ୍ତି ଯେ, ମୁଖ୍ୟ ସାଶନ ସଚିବ ଏକ ବୈଠକରେ ଖଣି ଲୁଟ୍ କମାଇବାକୁ ଗୁରୁତ୍ୱ ଦେଲେ । ହେଲେ ଖଣିର ଲୁଟ ରୋକିବା ପାଇଁ ଦୁର୍ନୀତିର ଉସôକୁ ସେ ଭୁଲିଯାଇଛନ୍ତି । ଏ ସରକାର ଆସିଲା ପରେ ବାଲି ଟ୍ରକ୍ ଦାମ ୩୦ ପ୍ରତିଶତ ବୃଦ୍ଧି ପାଇଛି । ଏ ସରକାରରେ ବାଲି ଗୋଡିର ଦର ମଧ୍ୟ ବଢାଇଛି । ମାଫିଆମାନେ ବହୁତ ପରିମାଣର ଚାନ୍ଦା ବଢାଇଛନ୍ତି । ମାଫିଆଙ୍କ କବଳରେ ରହିଛି ଏହି ସରକାର ବୋଲି ଗୌତମବୁଦ୍ଧ ଦାସ କହିଛନ୍ତି ।
ସେହିପରି ବିଜେଡି ବିଧାୟକ ବ୍ୟୋମକେଶ ରାୟ ଆହୁରି ମଧ୍ୟ କହିଛନ୍ତି ଯେ, ଖଣି ମାଲିକଙ୍କ ଉପରେ କୌଣସି କାର୍ଯ୍ୟାନୁଷ୍ଠାନ ନିଆଯାଉନାହିଁ । ଯେଉଁଠି ବେଆଇନ ଖଣି ଖୋଳା ହେଉଛି, ସେଠାରେ କାର୍ଯ୍ୟାନୁଷ୍ଠାନ ହେଉନାହିଁ । ଖଣି ମାଫିଆ ଦିନରେ ଚୋରି କରୁଛନ୍ତି । ଏହାକୁ ସରକାର ପ୍ରୋସôାହନ ଦେଉଛନ୍ତି ।
କେନ୍ଦୁଝରରେ ସର୍ବାଧିକ ଚୋରା ଖଣି କାରବାର ହେଉଛି । ଏହାର ଟଙ୍କା ବିଧାୟକଙ୍କ ରାସ୍ତା ଦେଇ ମୁଖ୍ୟମନ୍ତ୍ରୀଙ୍କ ପାଖରେ ପହଞ୍ଚୁଛି । ସରକାରୀ ଦଳର ବିଧାୟକମାନେ ଖଣିରୁ ଚାନ୍ଦା ନେଉଛନ୍ତି । କେନ୍ଦୁଝରରେ ମୁଖ୍ୟମନ୍ତ୍ରୀ ଶହ ଶହ ଖଣି ମାଫିଆ ତିଆରି କରି ସାରିଲେଣି ବୋଲି ବ୍ୟୋମକେଶ କହିଛନ୍ତି । ।
