ମୋକିମଙ୍କୁ ହାଇକୋର୍ଟଙ୍କ ଝଟକା ‘ଦଣ୍ଡାଦେଶ କାଏମ’
Rasmita Behera
ଭୁବନେଶ୍ୱର/କଟକ : ଓଏଚଆରଡ଼ିସି ଦୁର୍ନୀତି ମାମଲାରେ ବାରବାଟୀ-କଟକ ବିଧାୟକ ମହମ୍ମଦ ମୋକିମଙ୍କୁ ହାଇକୋର୍ଟ ଝଟକା ଲାଗିଛି । ନିମ୍ନ ଅଦାଲତ ରାୟଙ୍କୁ ହାଇକୋର୍ଟ କାଏମ ରଖିଛନ୍ତି । ନିମ୍ନ ଅଦାଲତ ତାଙ୍କୁ ୩ ବର୍ଷ ଜେଲ ଦଣ୍ଡାଦେଶରେ ଦଣ୍ଡିତ କରିଥିଲେ । ଏହାକୁ ଖାରଜ କରିବାକୁ ମୋକିମ ଆବେଦନ କରିଥିଲେ । ଆଗକୁ ସାଧାରଣ ନିର୍ବାଚନ ଥିବାରୁ ହାଇକୋର୍ଟଙ୍କ ଏହି ରାୟ ମୋକିମଙ୍କୁ ଅକଳରେ ପକାଇ ଦେଇଛି ।
ସୂଚନାଯୋଗ୍ୟଯେ, ଗତ ୨୦୨୨ ସେପ୍ଟେମ୍ବର ୨୯ରେ ଭିଜିଲାନ୍ସର ସ୍ୱତନ୍ତ୍ର ବିଚାରପତି ମହମ୍ମଦ ମୋକିମ ଓ ଅନ୍ୟମାନଙ୍କୁ ଦଣ୍ଡାଦେଶ ଦେଇଥିଲେ । ତେବେ ଏହି ଦଣ୍ଡାଦେଶକୁ ଚ୍ୟାଲେଞ୍ଜ କରି ମୋକିମ୍ ହାଇକୋର୍ଟ ଯାଇଥିଲେ । ଦଣ୍ଡାଦେଶ ଉପରେ ସ୍ଥଗିତାଦେଶ ଜାରି କରିବାକୁ ନିବେଦନ କରିଥିଲେ । ୨୦୨୨ ଅକ୍ଟୋବର ୧୦ରେ ହାଇକୋର୍ଟ ରହିତାଦେଶ ଜାରି କରିଥିଲେ । ଏହାପରେ ଭିଜିଲାନ୍ସ ପକ୍ଷରୁ ସୁପ୍ରିମକୋର୍ଟରେ ସ୍ୱତନ୍ତ୍ର ପିଟିସନ ଦାଏର କରାଯାଇଥିଲା । ହାଇକୋର୍ଟଙ୍କ ରାୟ ବିରୋଧରେ ଭିଜିଲାନ୍ସ ସୁପ୍ରିମକୋର୍ଟ ଯାଇଥିଲେ । ଛଅମାସ ମଧ୍ୟରେ ଅପିଲର ଶୁଣାଣୀ କରିବାକୁ ସୁପ୍ରିମକୋର୍ଟ ହାଇକୋର୍ଟଙ୍କୁ ନିଦେ୍ର୍ଦଶ ଦେଇଥିଲେ । ହାଇକୋର୍ଟ ଏହି ମାମଲାର ଶୁଣାଣୀ କରି ଭିଜିଲାନ୍ସ ସ୍ପେଶିଆଲ ଜଜଙ୍କ ରାୟକୁ କାଏମ ରଖିଛନ୍ତି ।
