ମୋଟର କର୍ମଚାରୀ ୟୁନିୟନର ଧାରଣା
Rasmita Behera
ାା ପ୍ରଭାନୁ୍ୟଜ ।ା କଟକ : ବସ କର୍ମଚାରୀମାନଙ୍କୁ ଅଫିସଗୃହ, ବିଶ୍ରାମଗୃହ ଓ ଟିକେଟ କାଉଣ୍ଟର ଦାବିରେ କଟକ ମୋଟର କର୍ମଚାରୀ ୟୁନିଅନ ପକ୍ଷରୁ ସିଡିଏ ଅଫିସ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଥିଲା । ୟୁନିୟନର ଶତାଧିକ କର୍ମଚାରୀ ସ୍ଥାନୀୟ ବାଦାମବାଡ଼ି ସ୍ଥିତ ରାମମନ୍ଦିର ଅଫିସରୁ ଏକ ଶୋଭାଯାତ୍ରାରେ ବାହାରି ସିଡ଼ିଏ ଅଫିସ ସମ୍ମୁଖରେ ପହଞ୍ଚିବା ପରେ ସେମାନଙ୍କ ଦାବି ପୂରଣ ପାଇଁ ଧାରଣାରେ ବସିଥିଲେ । ଏହି ଆନେ୍ଦାଳନକୁ ସମର୍ଥନ କରି ବାରବାଟୀ କଟକ ବିଧାୟିକା ସୋଫିଆ ଫିଦେ୍ର୍ଦାଷ ଆନେ୍ଦାଳନ ସ୍ଥଳରେ ପହଞ୍ଚି ଆନେ୍ଦାଳନକାରୀଙ୍କ ସହ ଆଲୋଚନା ପରେ ସିଡ଼ିଏର ସେକ୍ରେଟାରୀ ଓ ନୋଡାଲ ଅଫିସରଙ୍କ ସହ ଆଲୋଚନା କରିଥିଲେ । ପ୍ରତିନିଧି ଦଳରେ ୟୁନିୟନର ଉପସଭାପତି ବଦି୍ର ନାରାୟଣ ଦାସ, ସାଧାରଣ ସଂପାଦକ ଶିଶିର ଲେଙ୍କା, କୋଷାଧ୍ୟକ୍ଷ ବିଭୂତି ସ୍ୱାଇଁ, ଉପସଭାପତି ହୀରଭାଇ ପଣ୍ଡା ପ୍ରମୁଖ ସାମିଲ ଥିଲେ । ବିଧାୟିକାଙ୍କ ହସ୍ତକ୍ଷେପ ପରେ ସିଡ଼ିଏର ଉପସଭାପତି ଅନାମ ଚରଣ ପାତ୍ରଙ୍କ ସହ ଟେଲିଫୋନରେ ଆଲୋଚନା କରି ଆସନ୍ତା ୨୫ ତାରିଖରେ ଦାବିଗୁଡ଼ିକ ସଂପର୍କରେ ଆଲୋଚନା କରିବା ପାଇଁ ଦିନ ଧାର୍ଯ୍ୟ କରାଯାଇଥିଲା । ପରେ ଆନେ୍ଦାଳନକୁ ପ୍ରତ୍ୟାହାର କରିନିଆଯାଇଥିଲା ବୋଲି କଟକ ମୋଟର କର୍ମଚାରୀ ୟୁନିୟନ ପକ୍ଷରୁ ସାଧାରଣ ସଂପାଦକ ଶିଶିର ଲେଙ୍କା ସୂଚନା ଦିଆଯାଇଛି ।
