ଅନ୍ତର୍ଜାତୀୟ ବାଳିକା ଦିବସ
Rasmita Behera
ାା ପ୍ରଭାନୁ୍ୟଜ ।ା କଟକ: କଟକ ଜିଲ୍ଲା ପ୍ରକଳ୍ପ କାର୍ଯ୍ୟାଳୟ ସମଗ୍ର ଶିକ୍ଷା ଦ୍ୱାରା ଜିଲ୍ଲାପାଳଙ୍କ ସଦଭାବନା ସଭାଗୃହରେ ଜିଲ୍ଲାସ୍ତରୀୟ ଆନ୍ତର୍ଜାତୀୟ ବାଳିକା ଦିବସ ପାଳିତ ହୋଇଯାଇଛି । ଉତ୍ସବରେ ଜିଲ୍ଲା ଶିକ୍ଷା ଅଧିକାରୀ ଡା ସନ୍ତୋଷ କୁମାର ରାଉତ ଯୋଗ ଦେଇ ସମଗ୍ର ବିଶ୍ୱରେ ବର୍ତ୍ତମାନ ବାଳିକାମାନଙ୍କର ଦୃଷ୍ଟିକୋଣ, ସମାଜରେ ସେମାନଙ୍କର ଗୁରୁତ୍ୱ, ଭୂମିକା, ଅବଦାନ ଏବଂ ସେମାନଙ୍କ ବୃଦ୍ଧି ଓ ବିକାଶ ପାଇଁ ଆବଶ୍ୟକ ସମାଜର ବିଭିନ୍ନ ବର୍ଗର ବ୍ୟକ୍ତି ବିଶେଷଙ୍କର ଦାୟିତ୍ୱ ଓ କର୍ତ୍ତବ୍ୟ ସଂପର୍କରେ ବହୁ ଉପାଦେୟ ପରାମର୍ଶ ପ୍ରଦାନ କରିଥିଲେ । ଜିଲ୍ଲା ବାଳିକା ଶିକ୍ଷା ସଂଯୋଜିକା ମାନସୀ ଧଳଙ୍କ ଅଧ୍ୟକ୍ଷତାରେ ଆୟୋଜିତ ଏହି ଉତ୍ସବରେ ଜିଲ୍ଲା ଶିଶୁ ସୁରକ୍ଷା ଅଧିକାରୀ ପ୍ରଗତି ମହାନ୍ତି, ଜିଲ୍ଲା ସମାଜ ମଙ୍ଗଳ ଅଧିକାରୀ ବବିତା ଜେନା, ମାଷ୍ଟର ଟ୍ରେନର ପ୍ରଜ୍ଞା ପାରମିତା ବସ୍ତିଆ, ଶିକ୍ଷାବିତ ଅକ୍ଷୟ ଷଡଙ୍ଗୀ, ମିହିର ପରିଡ଼ା ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ଅନ୍ୟମାନଙ୍କ ମଧ୍ୟରେ ସରିତା ଶତପଥି, ଚିତ୍ତରଞ୍ଜନ ପଣ୍ଡା, ଶିବବ୍ରତ ବେହେରା, ସୁମନା ଶତପଥି ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମକୁ ସଫଳ କରିବାରେ ସହଯୋଗ କରିଥିଲେ । ଏହି ଅବସରରେ ଜିଲ୍ଲାର ମଣ୍ଡଳସ୍ତରରେ ବିଭିନ୍ନ ପ୍ରତିଯୋଗିତାରେ ବିଜୟୀ ପ୍ରତିଯୋଗୀମାନଙ୍କୁ ପରୁସ୍କୃତ କରାଯାଇଥିଲା ।
