ପତ୍ନୀର ତଣ୍ଟିକାଟି ହତ୍ୟା କଲା ସ୍ବାମୀ
Rasmita Behera
ପତ୍ନୀର ତଣ୍ଟିକାଟି ହତ୍ୟା କଲା ସ୍ବାମୀ । ବରଗଡ଼ ଜିଲ୍ଲା ପଦ୍ମପୁରର ଜେନକେଡା ଗାଁରେ ଥିବା କଲୋନୀ ପଡ଼ାରେ ରାମ ସାହୁ ତାଙ୍କ ପତ୍ନୀଙ୍କୁ ତଣ୍ଟିକାଟି ହତ୍ୟା କରିଥିବା ଅଭିଯୋଗ ହୋଇଛି। ସୂଚନା ଅନୁସାରେ ଚନ୍ଦ୍ରକାନ୍ତି ସାହୁଙ୍କୁ ରାତିରେ ଧାରୁଆ ଅସ୍ତ୍ରରେ ତଣ୍ଟି କାଟି ଦେଇ ହତ୍ୟା କରିଛନ୍ତି ସ୍ବାମୀ ରାମ ସାହୁ । ରାତିରେ ଦୁଇ ଜଣ ଶୋଇଥିବା ସମୟରେ ସେ ଏହି କାଣ୍ଡ ଘଟାଇ ଥିବା ଅନୁମାନ କରାଯାଉଛି। ତେବେ ଦୁଇଦିନ ପୂର୍ବରୁ ହତ୍ୟା କରିଥିବା ଅନୁମାନ କରାଯାଉଛି। ଅଭିଯୁକ୍ତ ଜଣକ ହତ୍ୟା କରି ଫେରାର ହୋଇଯାଇଛି । ପାରିବାରିକ କଳହରୁ ହତ୍ୟାକାଣ୍ଡ ହୋଇଥିବା ସନ୍ଦେହ କରାଯାଉଛି । ଘଟଣାସ୍ଥଳରେ ଗାଇସିଲେଟ ପୋଲିସ ପହଞ୍ଚି ତଦନ୍ତ ଜାରି ରଖିଛି ।
ସେପଟେ ପରକ୍ରିୟା ପ୍ରୀତି ରୁ ନବବଧୂ କୁ ହତ୍ୟା ଅଭିଯୋଗ। ଝିଅକୁ ଶାଶୁଘର ଲୋକ ହତ୍ୟା କରିଥିବା ତିଗିରିଆ ଥାନାରେ ଅଭିଯୋଗ କଲେ ବାପା ଶୁଶାନ୍ତ ରାଉତ। ଗତ ବର୍ଷ କଟକ ଆଠଗଡ଼, ବନମାଳୀପୁର ଗାଁ ର ସନ୍ତୋଷ ଜେନା କୁ ବିବାହ କରିଥିଲେ ପାଳପୁଟ ଗାଁ ର ତୁଳସୀ ରାଉତ । ଅଭିଯୋଗ ପରେ ମୃତଦେହକୁ ଜବତ କରି ତଦନ୍ତ ଆରମ୍ଭ କରିଛି ତିଗିରିଆ ପୋଲିସ । ବାପା ମାଙ୍କ ଏକମାତ୍ର ଅଲିଅଳି ଝିଅ ଥିଲେ ତୁଳସୀ। ତାଙ୍କୁ ବିବାହ ଦେଇ ବହୁ ଖୁସିଥିଲେ ବାପା ମା, ହେଲେ ଝିଅର ହଠାତ ଦେହ ଖରାପ ହୋଇଥିବା ନେଇ ଜ୍ବାଇଁ ଘରୁ ଫୋନ ପାଇଥିଲେ। ଝିଅ ଘରକୁ ଯାଇ ଦେଖିଲେ ଝିଅର ମୃତଦେହ ପଡିଛି । ଝିଅ ବେକରେ ଦାଗ ଦେଖି ଝିଅକୁ ମାରି ଦେଇଥିବା ନେଇ ତିଗିରିଆ ଥାନାରେ ପରିବାର ପକ୍ଷରୁ ଲିଖିତ ଅଭିଯୋଗ କରାଯାଇଛି। ଏନେଇ ପୋଲିସ କେସ ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି ଆଠଗଡ ।
