RSS ପ୍ରତିଷ୍ଠାତାଙ୍କୁ ଶ୍ରଦ୍ଧାଞ୍ଜଳି ଜଣାଇଲେ ପ୍ରଧାନମନ୍ତ୍ରୀ
Rasmita Behera
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାର ନାଗପୁର ଗସ୍ତରେ ଅଛନ୍ତି। ସେ ଆରଏସ୍ଏସ୍ ମୁଖ୍ୟାଳୟରେ ପହଞ୍ଚିବା ପରେ ସ୍ମୃତି ମନ୍ଦିରରେ ସଂଘର ପ୍ରତିଷ୍ଠାତା ଡକ୍ଟର କେ ବି ହେଡ୍ଗେୱାରଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ଏହି ସମୟରେ ଆରଏସ୍ଏସ୍ ମୁଖ୍ୟ ମୋହନ ଭାଗବତ ମଧ୍ୟ ପ୍ରଧାନମନ୍ତ୍ରୀ ମୋଦିଙ୍କ ସହିତ ଥିଲେ। ତେବେ ହେଡ୍ଗେୱାରଙ୍କ ସହିତ ପ୍ରଧାନମନ୍ତ୍ରୀ ମୋଦୀ ମାଧବ ସଦାଶିବ ଗୋଲୱାଲକରଙ୍କୁ ମଧ୍ୟ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ତେବେ ପ୍ରଧାନମନ୍ତ୍ରୀ ଭାବରେ ନରେନ୍ଦ୍ର ମୋଦି ପ୍ରଥମ ଥର ପାଇଁ ଆରଏସ୍ଏସ୍ ମୁଖ୍ୟାଳୟରେ ପହଞ୍ଚିଛନ୍ତି। ଅଟଳ ବିହାରୀ ବାଜପେୟୀ ପ୍ରଧାନମନ୍ତ୍ରୀ ଥିବା ସମୟରେ ସଂଘ ମୁଖ୍ୟାଳୟ ମଧ୍ୟ ଯାଇଥିଲେ। ଆରଏସ୍ଏସ୍ ଏହାର ଶତବାର୍ଷିକୀ ବର୍ଷ ପାଳନ କରୁଛି।
ପ୍ରଧାନମନ୍ତ୍ରୀ ମୋଦି ତାଙ୍କ ନାଗପୁର ଗସ୍ତ ସମୟରେ ମାଧବ ନେତ୍ରାଳୟ ହସ୍ପିଟାଲର ଭୂମି ପୂଜନ କରିବେ। ଏହା ପରେ ପ୍ରଧାନମନ୍ତ୍ରୀ ମୋଦି ଡକ୍ଟର ହେଡ୍ଗେୱାର ଏବଂ ଏମ୍ଏସ୍ ଗୋଲୱାଲକରଙ୍କ ସମାଧିରେ ପୁଷ୍ପ ଅର୍ପଣ କରିବେ। ସେ କିଛି ସମୟ ପାଇଁ ସଂଘର କର୍ମୀମାନଙ୍କ ସହିତ ମଧ୍ୟ ଆଲୋଚନା କରିବେ। ଏହି ସମୟରେ ଆରଏସଏସ ମୁଖ୍ୟ ମୋହନ ଭାଗବତ ମଧ୍ୟ ଉପସ୍ଥିତ ରହିବେ ବୋଲି ଜଣାପଡ଼ିଛି। ଆରଏସ୍ଏସ୍ ଏହାର ଶତବାର୍ଷିକୀ ବର୍ଷ ପାଳନ କରୁଛି। ଏହି ସମୟରେ ପ୍ରଧାନମନ୍ତ୍ରୀ ମୋଦିଙ୍କ ସଂଘର ରେଶିମବାଗରେ ଥିବା ଡାକ୍ତର ହେଡ୍ଗେୱାର ସ୍ମୃତି ମନ୍ଦିରରେ ପହଞ୍ଚିବା ସମଗ୍ର ଦେଶରେ ଆଲୋଚନାର ବିଷୟ ପାଲଟିଛି।
