ଜାଣନ୍ତୁ ‘ଇଣ୍ଟରନ୍ୟାସନାଲ୍ ୱମେନସ୍ ଡେ’ରେ କ’ଣ କହିଲେ ପ୍ରଭାତୀ?

ଅନ୍ତର୍ଜାତୀୟ ମହିଳା ଦିବସ ଅବସରରେ ଓ ଅଖ୍ୟାତ ପୁରପଲ୍ଲୀରେ ବାସ କରୁଥିବା ସମସ୍ତ ମହିଳାଙ୍କୁ ଅଭିନନ୍ଦନ ଓ ଶୁଭେଚ୍ଛା ଜଣାଉଛି। ସତରେ ଚଳିତ ବର୍ଷର ବିଷୟବସ୍ତୁ ସହିତ ପୂରା ଖାପଖାଉଛି ଆମ ସୁଭଦ୍ରା। Accelerated Action ବା ତ୍ୱରିତ କାର୍ଯ୍ୟାନୁଷ୍ଠାନ ବିଷୟବସ୍ତୁକୁ ନେଇ ବିଶ୍ୱ ଚର୍ଚ୍ଚା କରୁଥିବା ବେଳେ ଆମ ସରକାରଙ୍କ ସୁଭଦ୍ରା ଯୋଜନା ତାହାର ଏକ ଅବିକଳ ଉଦାହରଣ। ରାଜ୍ୟ ସରକାରଙ୍କ ମାତ୍ର ୯ ମାସ ମଧ୍ୟରେ ସୁଭଦ୍ରା କୋଟିଏ ମହିଳାଙ୍କ ପାଖରେ ଯେଉଁଭଳି ଢଙ୍ଗରେ ସର୍ବଗ୍ରହଣୀୟ, ତାହାର ଠିକ୍‌ କାର୍ଯ୍ୟାନ୍ବୟନ ପାଇଁ ନୀତି ପ୍ରଣୟନକାରୀମାନେ ମଧ୍ୟ ସେତିକି ପ୍ରଶଂସାର ପାତ୍ର ଏବଂ ହିତାଧିକାରୀଙ୍କ ସରକାରଙ୍କ ଉପରେ ବିଶ୍ୱାସ ଓ ଭରସା ଏହାକୁ ଦିଗୁଣିତ କରିଛି।
ମହିଳାମାନେ ସର୍ବଦା ରାଜ୍ୟର ସାମାଜିକ ଓ ଆର୍ଥିକ ବିକାଶରେ ପ୍ରମୁଖ ଭୂମିକା ଗ୍ରହଣ କରିଆସିଛନ୍ତି। ଉଭୟ ସରକାରୀ ଓ ବେସରକାରୀ କ୍ଷେତ୍ରରେ ବିଶେଷକରି କୃଷି, ବିଜ୍ଞାନ, କମ୍ପ୍ୟୁଟର ଓ କ୍ଷୁଦ୍ର ଉଦ୍ୟୋଗରେ ସେମାନଙ୍କ ଅବଦାନ ସବୁଠାରୁ ଅଧିକ। ସମାଜର ପ୍ରତିବନ୍ଧକର ବେଡ଼ିକୁ ସଫଳତାର ସହ ଗ୍ରହଣ କରି ନିଜ ସମୃଦ୍ଧିରେ ଆଗେଇ ଚାଲିଥିବା ନାରୀ ଶକ୍ତି ଇଟା ସିମେଣ୍ଟର ତିଆରି ଘରକୁ ଜୀବନ୍ତ ମନ୍ଦିର ଭାବେ ଗଢ଼ିତୋଳିବା କଥାକୁ କେହି ଅଣଦେଖା କରିପାରିବେ ନାହିଁ।
ଯେକୌଣସି ଦାୟିତ୍ୱବାନ୍‌ ସରକାର ଏହାକୁ ହୃଦୟଙ୍ଗମ କରିବା ଆବଶ୍ୟକ ଯେ ମହିଳାମାନେ ଆମ ସମାଜର ଅଧା ଅଂଶ ଏବଂ ସେମାନଙ୍କ ଅବଦାନ ବିନା ବିକଶିତ ସମାଜର ପରିକଳ୍ପନା କରିବା ଅସମ୍ଭବ। ଆମ ସରକାର କ୍ଷମତାକୁ ଆସିବା ପରେ କେବଳ ଏହି ସତ୍ୟକୁ ସ୍ବୀକାର କରିଛନ୍ତି ତା’ ନୁହେଁ ବରଂ ଆମ ବିକଶିତ ଓ ଭିଜନର ଏହାକୁ ଏକ ପ୍ରମୁଖ ଉପାଦାନ ଭାବେ ବିକାଶର ମୂଳପିଣ୍ଡ ଭାବେ ଗ୍ରହଣ କରିଛନ୍ତି। ଆମେ ଏହାକୁ ନିର୍ବାଚନର ଇସ୍ତାହାରର ଏକ ପ୍ରମୁଖ ଅଂଶ କରିଥିଲୁ ଏବଂ ଏହା କହିବା ଏବେ ଠିକ୍‌ ହେବ ଯେ, ରାଜ୍ୟବାସୀ ଆମ ପରିକଳ୍ପନା ଓ ଆମ ସ୍ବପ୍ନକୁ ଖୁସିରେ ଆପଣେଇ ନେଇଛନ୍ତି। ମହିଳାଙ୍କ ହାତରେ କ୍ଷମତା, ଅର୍ଥନୈତିକ ବ୍ୟବସ୍ଥା ଟେକି ଦେବାରେ ବିଶାସ ରଖନ୍ତି ଆମ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ।
ମୋଦୀ ଗ୍ୟାରେଣ୍ଟି ପୂରଣ କରିବାର ଲକ୍ଷ୍ୟ ନେଇ ନୂଆ ସରକାର ଗଠନର ପରେ ପରେ ହିଁ ୨୦୨୪ ମସିହା ଜୁନ୍‌ ୧୨ ତାରିଖରେ ଅନୁଷ୍ଠିତ ପ୍ରଥମ କ୍ୟାବିନେଟରେ ମାନ୍ୟବର ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଓ ମାର୍ଗଦର୍ଶନରେ ଇତିହାସର ସର୍ବବୃହତ ମହିଳା ସଶକ୍ତୀକରଣ କାର୍ଯ୍ୟକ୍ରମ ସୁଭଦ୍ରା ଆରମ୍ଭ କରିବାକୁ ନିଷ୍ପତ୍ତି ନିଆଯାଇଥିଲା।
ମହିଳା ଓ ଶିଶୁ ବିକାଶ ବିଭାଗ ଦାୟିତ୍ୱରେ ଥିବା ମନ୍ତ୍ରୀ ହିସାବରେ ମୋତେ ଏହି ଯୋଜନା ଯଥାଶୀଘ୍ର କାର୍ଯ୍ୟକାରୀ କରିବା ପାଇଁ ନିର୍ଦ୍ଦେଶ ଦିଆଯାଇଥିଲା। ମାତ୍ର ୩ ମାସରେ ଯୋଜନାର ସମସ୍ତ ବିବରଣୀ ଯେପରିକି ବିସ୍ତୃତ ମାର୍ଗଦର୍ଶିକା, ମାନକ କାର୍ଯ୍ୟ ପ୍ରଣାଳୀ (sop), ଆର୍ଥିକ ବଜେଟ, କାର୍ଯ୍ୟାନ୍ବୟନ ନିର୍ଦ୍ଦେଶାବଳୀ ଇତ୍ୟାଦି ପ୍ରସ୍ତୁତ କରିବା ପାଇଁ ବିଭାଗର ଅଧିକାରୀଙ୍କ ଉପରେ ଦାୟିତ୍ୱ ନ୍ୟସ୍ତ କରାଗଲା।
ଏହି ସମୟସୀମା ମଧ୍ୟରେ ମାର୍ଗଦର୍ଶିକା ପ୍ରଣୟନ କଲାବେଳେ ଭାରତ ତଥା ବିଶ୍ୱର ବିଭିନ୍ନ ଦେଶର ଅନେକ ମହିଳା ସଶକ୍ତୀକରଣ ଯୋଜନା ଉପରେ ବିଶଦ୍‌ ଅଧ୍ୟୟନ କରାଯାଇଥିଲା। ଯୋଜନାର ମୌଳିକ ରୂପରେଖକୁ ନିରୂପଣ କରିବା ନିମନ୍ତେ ଆମେ ପ୍ରଥମରୁ ହିଁ ବିସ୍ତୃତ ଆଲୋଚନା କରିଥିଲୁ ଏବଂ ସ୍ପଷ୍ଟ ହୋଇଥିଲୁ ଯେ ଧାର୍ଯ୍ୟଲକ୍ଷିତ ସମୂହଙ୍କ ଆବଶ୍ୟକତାକୁ ଗୁରୁତ୍ୱ ନ ଦେଲେ ଏହି ଯୋଜନା ମଧ୍ୟ ତୃଣମୂଳ ସ୍ତର ସହିତ ସମ୍ପର୍କ ନ ଥିବା କେବଳ ଆଉ ଏକ ସରକାରୀ ଯୋଜନା ହୋଇ ରହିଯିବ।
ଏହି ପରିପ୍ରେକ୍ଷୀରେ ରାଜ୍ୟର ୧୦ଟି ଜିଲାରେ ମହିଳାମାନଙ୍କ ଆବଶ୍ୟକତା ଏବଂ ସରକାରଙ୍କଠାରୁ ଆଶା ସମ୍ପର୍କରେ ମତାମତ ସଂଗ୍ରହ କରି ହିତାଧିକାରୀମାନଙ୍କ ନିମନ୍ତେ ପରାମର୍ଶ କାର୍ଯ୍ୟକ୍ରମ ଆୟୋଜନ କରାଯାଇଥିଲା। ଯେଉଁ ବୁଦ୍ଧିଜୀବୀ ମହିଳାମାନଙ୍କ ଦିଗଦର୍ଶନ କ୍ରମେ ଯୋଜନାର ମୂଳ ସ୍ତମ୍ଭ ଯଥା ଧାର୍ଯ୍ୟ ବୟସସୀମା ଓ ଯୋଜନାର ସହାୟତା ରାଶିକୁ ସିଧାସଳଖ ବ୍ୟାଙ୍କ ଆକାଉଣ୍ଟକୁ ପଠାଯିବା ଆଦି ଧାରଣାକୁ ରୂପରେଖ ଦିଆଯାଇପାରିଛି। ଆଜି ଏହି ଲେଖା ମାଧ୍ୟମରେ ମୁଁ ସେମାନଙ୍କୁ ଧନ୍ୟବାଦ ଜଣାଉଛି। ଏହି ପ୍ରମୁଖ ଦୁଇଟି ସ୍ତମ୍ଭ ଉପରେ ହିଁ ସମ୍ପୂର୍ଣ୍ଣ ଯୋଜନାର ରୂପରେଖ ପ୍ରସ୍ତୁତ କରାଯାଇଛି।
ଯେହେତୁ ଆର୍ଥିକ ଦୃଷ୍ଟିକୋଣରୁ ୨୧ରୁ ୬୦ ବୟସସୀମା ଅଧିକ କାର୍ଯ୍ୟକ୍ଷମ ଓ ଅଧିକାଂଶ କର୍ମଜୀବୀ ମହିଳା ଏହି ବୟସସୀମା ଅନ୍ତର୍ଗତ, ଆମେ ଏହାକୁ ଆମର ପ୍ରସ୍ତାବିତ ବୟସସୀମା ଭାବେ ପ୍ରଣୟନ କରିଥିଲୁ। ଏହାର ଗୁରୁତ୍ୱକୁ ହୃଦୟଙ୍ଗମ କରି ଆମେ ଯୋଜନାର ପ୍ରଥମ ସ୍ତମ୍ଭ ଭାବେ ଏହାକୁ ଗ୍ରହଣ କରିଥିଲୁ। ଦ୍ୱିତୀୟ ପ୍ରମୁଖ ପରାମର୍ଶ ଅନୁସାରେ ଯୋଜନାର ସହାୟତା ରାଶିକୁ ସିଧାସଳଖ ହିତାଧିକାରୀଙ୍କ ଏକକଧାରକ ବ୍ୟାଙ୍କ ଆକାଉଣ୍ଟରେ ପଠାଇବା ନିମନ୍ତେ (ଡାଇରେକ୍ଟ ବେନିଫିଟ୍‌ ଟ୍ରାନ୍ସଫର) କୁ କାର୍ଯ୍ୟକାରୀ କରିବା ହିଁ ଆମ ପାଇଁ ସ୍ପଷ୍ଟ ବିକଳ୍ପ ଥିଲା। ଏହି ଦୁଇଟି ସ୍ତମ୍ଭକୁ ଗୁରୁତ୍ୱ ଦେଇ ସ୍ବଚ୍ଛଳ ହିତାଧିକାରୀଙ୍କୁ ବାଦ ଦେଇ ଯୋଗ୍ୟ ହିତାଧିକାରୀଙ୍କ ଅନ୍ତର୍ଭୁକ୍ତିକୁ ସର୍ବାଧିକ କରିବା ଉଦ୍ଦେଶ୍ୟରେ ଯୋଜନାର ମାର୍ଗଦର୍ଶିକା ପ୍ରସ୍ତୁତ କରାଯାଇଥିଲା। ରାଜ୍ୟ କ୍ୟାବିନେଟଠାରୁ ଆରମ୍ଭକରି ବିଭାଗୀୟ ଆଲୋଚନା ପର୍ଯ୍ୟନ୍ତ ବୈଠକର ଏକ ଶୃଙ୍ଖଳା ମାଧ୍ୟମରେ ଯୋଜନାର ମୂଳଦୁଆକୁ ଆହୁରି ସଶକ୍ତ କରାଯାଇଥିଲା। ଶେଷ ହିତାଧିକାରୀଙ୍କ ପାଖରେ ସୁଭଦ୍ରା ପହଞ୍ଚାଇବାର ସଫଳ ଯୋଜନା ପ୍ରସ୍ତୁତ କରାଯାଇଥିଲା।
ମୌଳିକ ଢାଞ୍ଚାକୁ ଦୃଷ୍ଟିରେ ରଖି ଉପଲବ୍ଧ ଜନଗଣନା ତଥ୍ୟ ଏବଂ ନିର୍ବାଚନ ଡାଟାବେସ ଆଧାରରେ ଯୋଜନା ଅନ୍ତର୍ଗତ ବୟସସୀମା ହିତାଧିକାରୀଙ୍କୁ ଚୟନ କରାଯାଇଥିଲା। ଏହି ତାଲିକା ବିଭାଗ ଦ୍ୱାରା କଠୋର ଯାଞ୍ଚ ହେଲା ପରେ ହିତାଧିକାରୀଙ୍କ ସଂଖ୍ୟା ଆନୁମାନିକ ଏକ କୋଟିରୁ ଟିକିଏ ଅଧିକ ଥିଲା ଏବଂ ଏହି ଯୋଜନାର ବଜେଟ ପ୍ରକ୍ରିୟା ପାଇଁ ସମସ୍ତ ଅଂଶୀଦାରଙ୍କୁ ସାମିଲ କରିବାକୁ ନିର୍ଦ୍ଦେଶ ଦିଆଯାଇଥିଲା। ୨୦୨୪-୨୫ ପାଇଁ ୧୧ ହଜାର କୋଟି ସହ ଏହି ଯୋଜନା ପାଇଁ ମୋଟ ୫୫ ହଜାର କୋଟି ଅର୍ଥ ବ୍ୟୟବରାଦ କରାଯାଇଥିଲା, ଯାହାଫଳରେ ସୁଭଦ୍ରା ଓ ଇତିହାସରେ ଏଯାବତ କାର୍ଯ୍ୟକାରୀ ହୋଇଥିବା ସବୁଠାରୁ ବୃହତ ମହିଳା ସଶକ୍ତୀକରଣ ଯୋଜନା ଭାବେ ପରିଗଣିତ ହୋଇପାରିଛି।
ହିତାଧିକାରୀ ଚୟନଠାରୁ ଆରମ୍ଭକରି ସହାୟତା ଅର୍ଥ ବ୍ୟାଙ୍କ ଆକାଉଣ୍ଟରେ ପହଞ୍ଚିବା ପର୍ଯ୍ୟନ୍ତ ତଥା ଆବେଦନକାରୀଙ୍କ ସମସ୍ତ ପ୍ରକ୍ରିୟା ସରଳ କରିବା, ସଚ୍ଛତା ଅବଲମ୍ବନ କରିବା, ଉଭୟ ରାଜ୍ୟ ଓ ଦେଶର ପ୍ରଗତିରେ ସହାୟକ ହେଲାଭଳି ନାଗରିକମାନଙ୍କ ମଧ୍ୟରେ ପ୍ରଗତିଶୀଳ ଗୁଣଗୁଡ଼ିକୁ ବିକଶିତ କରିବା ଓ ସମ୍ପୂର୍ଣ୍ଣ ପ୍ରକ୍ରିୟାକୁ ତ୍ରୁଟିମୁକ୍ତ କରିବା ଆଦି ସମସ୍ତ ପ୍ରକ୍ରିୟାରେ ପ୍ରଯୁକ୍ତିବିଦ୍ୟାକୁ ବ୍ୟବହାର କରିବାରେ ସୁଭଦ୍ରା ଯୋଜନା ହେଉଛି ସମଗ୍ର ଦେଶ ପାଇଁ ଏକ ଉତ୍କୃଷ୍ଟ ଉଦାହରଣ।
ସମୁଦାୟ ଜନସଂଖ୍ୟାର ସବୁଠାରୁ ଦୁର୍ବଳ ବର୍ଗ ସମୂହ ବର୍ଷ ବର୍ଷ ଧରି NFSA ଅଧୀନରେ ଅନ୍ତର୍ଗତ ହେଇଆସୁଛନ୍ତି ଏବଂ ରାଜ୍ୟଗୁଡ଼ିକ ପ୍ରାୟତଃ ନିଜସ୍ବ ପଦକ୍ଷେପ ବଳରେ ସେମାନଙ୍କ ଅଭାବକୁ ପୂରଣ କରିଆସୁଛନ୍ତି। ସେ ପ୍ରକ୍ରିୟାରେ ସୁଭଦ୍ରା ଯୋଜନା ପ୍ରଥମେ ଏହି ସମୂହ ହିତାଧିକାରୀଙ୍କୁ ଚିହ୍ନଟ କରିବାରେ ପ୍ରାଥମିକତା ଦେଇଥିଲା। ପୂର୍ବାନୁମାନ ଅନୁଯାୟୀ ଏହି ଯୋଜନାର ଅଧିକାଂଶ ହିତାଧିକାରୀ ଏହି ସମୂହରୁ ହିଁ ଚିହ୍ନଟ ହୋଇଥିଲେ। କେବଳ ସେତିକି ନୁହେଁ, NFSA/SFSA ବାହାରେ ଥିବା ଲୋକଙ୍କୁ ସତନ୍ତ୍ର ବ୍ୟବସ୍ଥା ମାଧ୍ୟମରେ ସୁଭଦ୍ରା ଯୋଜନାରେ ଅନ୍ତର୍ଭୁକ୍ତ କରାଯାଇଛି। ରାଜ୍ୟର ସମସ୍ତ ଯୋଗ୍ୟ ହିତାଧିକାରୀଙ୍କ ଅନ୍ତର୍ଭୁକ୍ତିକୁ ସୁନିଶ୍ଚିତ କରିବା ପାଇଁ ସୁଭଦ୍ରା ଯୋଜନାର ମାର୍ଗଦର୍ଶିକା ପ୍ରସ୍ତୁତ କରାଯାଇଛି।
ରାଜ୍ୟର ସମସ୍ତ ନାଗରିକଙ୍କ କଥାକୁ ଗୁରୁତ୍ୱ ଦେବା ସହ ଆବେଦନକାରୀଙ୍କ ଅନ୍ତର୍ଭୁକ୍ତି ନିଷ୍ପତ୍ତିରେ ଏହାକୁ ପ୍ରତିଫଳିତ କରିବା ପାଇଁ ମହିଳା ସଶକ୍ତୀକରଣ କ୍ଷେତ୍ରରେ କାର୍ଯ୍ୟ କରୁଥିବା ବିଭିନ୍ନ ସମାଜ କଲ୍ୟାଣ ସଂସ୍ଥାର ସଦସ୍ୟମାନଙ୍କୁ ମଧ୍ୟ ସୁଭଦ୍ରା ନିର୍ଦ୍ଦେଶାବଳୀ ଗଠନ କମିଟିର ସଦସ୍ୟ ଭାବେ ସାମିଲ କରାଯାଇଥିଲା।
ଇଲେକ୍ଟ୍ରୋନିକ ଏବଂ ସୂଚନା ପ୍ରଯୁକ୍ତିବିଦ୍ୟା ବିଭାଗ ଅଧୀନରେ ଥିବା ଓ କମ୍ପ୍ୟୁଟର ଆପ୍ଲିକେଶନ ସେଣ୍ଟର (OCAC) ସୁଭଦ୍ରାର ଆଇଟି କାର୍ଯ୍ୟାନ୍ବୟନରେ ଆମର ସହଭାଗିତା ହୋଇଛି। ୧ କୋଟିରୁ ଅଧିକ ଆନୁମାନିକ ମହିଳା ହିତାଧିକାରୀଙ୍କ ଡାଟା ପରିଚାଳନା କରିବା ପାଇଁ ଏକ ସକ୍ଷମ ପୋର୍ଟାଲ ପ୍ରସ୍ତୁତ କରିବାରେ OCAC ଏକ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିବା ସହ ସୁଭଦ୍ରା ଯୋଜନାର କାର୍ଯ୍ୟାନ୍ବୟନ ପ୍ରକ୍ରିୟାକୁ ମଧ୍ୟ ସହଜ ଓ ସରଳ କରିପାରିଛି। ଯୋଜନା ଆରମ୍ଭର ମାତ୍ର କିଛି ଦିନ ମଧ୍ୟରେ ରାଜ୍ୟର ମୋ ସେବା କେନ୍ଦ୍ର ଓ ଜନସେବା କେନ୍ଦ୍ର ମାଧ୍ୟମରେ ୬୦ ଲକ୍ଷରୁ ଅଧିକ ପଞ୍ଜୀକରଣ ହେବା ଏକ ଉଲ୍ଲେଖନୀୟ ବିଷୟ।
ସୁଭଦ୍ରା ସଚେତନତା ରଥ, ସୁଭଦ୍ରା ସ୍ବାଗତ ପଦଯାତ୍ରା ଏବଂ ଅନ୍ୟାନ୍ୟ ଜନସଚେତନତା କାର୍ଯ୍ୟକ୍ରମ ମାଧ୍ୟମରେ ଯୋଜନାର ନିର୍ଦ୍ଦେଶାବଳୀ କୋଣ ଅନୁକୋଣେ ପହଞ୍ଚେଇବା ଓ ସେମାନଙ୍କୁ ସଚେତନ କରିବାରେ ମନ୍ତ୍ରିମଣ୍ଡଳଠୁ ଆରମ୍ଭକରି ବିଭାଗୀୟ ଅଧିକାରୀ, ଜିଲା ପ୍ରଶାସନ ଏବଂ ଅନ୍ୟାନ୍ୟ ବିଭାଗଗୁଡ଼ିକର ସାମୂହିକ ଅଂଶଗ୍ରହଣ ଅତ୍ୟନ୍ତ ପ୍ରଶଂସନୀୟ। ଏହି ଯୋଜନାର କାର୍ଯ୍ୟକାରିତା ଆମ ସରକାରଙ୍କ team work ଗୁଣକୁ ପ୍ରତିଫଳିତ କରୁଛି।
ପ୍ରଯୁକ୍ତିବିଦ୍ୟାକୁ ଠିକ୍‌ ଭାବରେ ଉପଯୋଗ କରିପାରିଲେ, ଗଁାର ଅପାଠୁଆ ଜନସଂଖ୍ୟା ମଧ୍ୟ ଏହାର ବ୍ୟବହାର କରିପାରିବେ, ସୁଭଦ୍ରାର ୧ କୋଟି ୮ ହଜାରରୁ ଅଧିକ ପଞ୍ଜୀକରଣ ଏହାକୁ ପ୍ରମାଣିତ କରୁଛି।
ସୁଭଦ୍ରା ଯୋଜନାରେ ବହୁବିଧ ଅଂଶୀଦାରଙ୍କ ସମ୍ପୃକ୍ତି ସତ୍ତ୍ବେ ନ୍ୟାଶନାଲ ପେମେଣ୍ଟ କର୍ପୋରେଶନ ଅଫ୍‌ ଇଣ୍ଡିଆ(NPCI) ଓ ଡିବିଟି ପ୍ରକ୍ରିୟା ପାଇଁ ଆଧାର ପେମେଣ୍ଟ ବ୍ରିଜ ସିଷ୍ଟମ(ABPS)ଯୋଜନାର ଆର୍ଥିକ ନେଣଦେଣ ସହଜ ଓ ସୁଗମ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିଛନ୍ତି।
ଯେକୌଣସି ବଡ଼ ପଦକ୍ଷେପର କାର୍ଯ୍ୟାନ୍ବୟନ ପରି ସୁଭଦ୍ରା ଯୋଜନାର କାର୍ଯ୍ୟାନ୍ବୟନ ପାଇଁ ମଧ୍ୟ ବହୁ ଆହ୍ବାନର ସମ୍ମୁଖୀନ ହୋଇଥିଲୁ, କିନ୍ତୁ ଆମ ସମସ୍ତଙ୍କ team work ଏବଂ ଆମର ସ୍ପଷ୍ଟ ଉଦ୍ଦେଶ୍ୟ ସବୁ ଆହ୍ବାନକୁ ସମ୍ମୁଖୀନ କରିବା ପାଇଁ ଆମକୁ ସାହସ ଯୋଗାଇଥିଲା।
ବିଭିନ୍ନ ଅସୁବିଧାର ସମ୍ମୁଖୀନ ହୋଇ ମଧ୍ୟ ପ୍ରତ୍ୟେକ ଆବେଦନକାରୀଙ୍କ ପାଖରେ ପହଞ୍ଚିବା ଏବଂ ସେମାନଙ୍କୁ ଆବଶ୍ୟକ ସାହାଯ୍ୟ ଯୋଗାଇଦେବାରେ ରାଜ୍ୟରେ କାର୍ଯ୍ୟରତ ସମସ୍ତ ଅଙ୍ଗନଓ୍ବାଡି କର୍ମୀ, ସହାୟିକା, ଆଶା କର୍ମୀ, ମହିଳା ସୟଂ ସହାୟକ ଗୋଷ୍ଠୀ ସଦସ୍ୟ, କମ୍ୟୁନିଟି ସାପୋର୍ଟ ଷ୍ଟାଫ, ମୋ ସେବା କେନ୍ଦ୍ର ଓ ଜନସେବା କେନ୍ଦ୍ର ଗୁଡ଼ିକର ଅବଦାନ ଅତୁଳନୀୟ।
ଆମ ସରକାର ଗଠନ ହେବାର ମାତ୍ର ୬ ମାସ ମଧ୍ୟରେ ଏକ ଯୋଜନା ମାଧ୍ୟମରେ ୯୮ ଲକ୍ଷ ୩୦ ହଜାର ହିତାଧିକାରୀଙ୍କୁ ଆର୍ଥିକ ଅନ୍ତର୍ଭୁକ୍ତୀକରଣରେ ସାମିଲ କରିପାରିବା ଆମ ପାଇଁ ଏକ ବହୁତ ବଡ଼ ସଫଳତା ଭାବେ ପରିପ୍ରକାଶ ହୋଇପାରିଛି। ଅନ୍ତର୍ଜାତୀୟ ମହିଳା ଦିବସ ଅବ୍ୟାହତି ପୂର୍ବରୁ ୨ ଲକ୍ଷ ୩୪ ହଜାରରୁ ଊର୍ଦ୍ଧ୍ୱ ହିତାଧିକାରୀଙ୍କୁ ଯୋଡ଼ି ସୁଭଦ୍ରା ୧ କୋଟି ୬୪ ହଜାର ମହିଳାଙ୍କ ପାଖରେ ପହଞ୍ଚିଛି।
ଡିଜିଟାଲ ୱାଲେଟରେ ସିଧାସଳଖ ଅର୍ଥ ରାଶି ପ୍ରଦାନ କରିବା ଓ ଡିଜିଟାଲ ଆର୍ଥିକ କାରବାରକୁ ପ୍ରୋତ୍ସାହିତ କରି କେନ୍ଦ୍ରୀୟ ବ୍ୟାଙ୍କ ଡିଜିଟାଲ ମୁଦ୍ରା (CBDC)କୁ ଗ୍ରହଣ କରିବାରେ ଭାରତରେ ପ୍ରଥମ ଯୋଜନା ଭାବେ ସୁଭଦ୍ରା ମାନ୍ୟବର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଜୀଙ୍କର ଡିଜିଟାଲ ଇଣ୍ଡିଆ ସ୍ବପ୍ନକୁ ସାକାର କରିବା ନିମନ୍ତେ ସମଗ୍ର ଦେଶ ପାଇଁ ଏକ ଉଦାହରଣ ସୃଷ୍ଟି କରିଛି।
ଗୌରବର ବିଷୟ ଯେ ଚଳିତ ବର୍ଷ ମାର୍ଚ୍ଚ ୮, ଅନ୍ତର୍ଜାତୀୟ ମହିଳା ଦିବସ ୨୦୨୫ ଉପଲକ୍ଷେ ଯୋଜନାର ଦ୍ୱିତୀୟ କିସ୍ତି ପ୍ରଦାନ କରିବା ପାଇଁ ଆମେ ପ୍ରସ୍ତୁତ ଅଛୁ। ରାଖୀ ପୂର୍ଣ୍ଣିମା ଓ ଅନ୍ତର୍ଜାତୀୟ ମହିଳା ଦିବସରେ ସୁଭଦ୍ରା ହିତାଧିକାରୀଙ୍କୁ ସହାୟତା ରାଶି ପ୍ରଦାନ କରିବା ଆମ ସରକାରଙ୍କ ମହିଳାମାନଙ୍କ ବିକାଶ ଓ ମହିଳାମାନଙ୍କ ଦ୍ୱାରା ବିକାଶର ପ୍ରତିବଦ୍ଧତାକୁ ପ୍ରତିଫଳିତ କରୁଛି।
ବିଭିନ୍ନ ରିପୋର୍ଟ ଦ୍ୱାରା ଏହା ସ୍ପଷ୍ଟ କରାଯାଇଛି ଯେ, ମହିଳାମାନଙ୍କୁ ଆର୍ଥିକ ସହାୟତା ରାଜ୍ୟ ତଥା ଦେଶର ଅର୍ଥନୀତି ଉପରେ ଏକ ସକାରାତ୍ମକ ଓ ଗୁଣାତ୍ମକ ପ୍ରଭାବ ସୁନିଶ୍ଚିତ କରେ। ଅର୍ଥନୈତିକ ସର୍ଭେ ୨୦୨୪-୨୫ ଅନୁଯାୟୀ, ସରକାରଙ୍କ ପ୍ରମୁଖ ଯୋଜନା କାର୍ଯ୍ୟାନ୍ବୟନର ପାଞ୍ଚ ବର୍ଷ ଅବଧିରେ ୧ ଲକ୍ଷ କୋଟି ଟଙ୍କାରୁ ୧.୫ ଲକ୍ଷ କୋଟି ଟଙ୍କା ମଧ୍ୟରେ ଅର୍ଥନୀତି ସମ୍ଭବ ହୋଇପାରିବ।
ସମକାଳୀନ ମୂଲ୍ୟାଙ୍କନ ସହିତ ଯୋଜନାର ପ୍ରଭାବ ବିଷୟରେ ବିସ୍ତୃତ ବିବରଣୀ ପାଇବା ପାଇଁ ମହିଳା ଓ ଶିଶୁ ବିକାଶ ବିଭାଗ ଆଇଆଇଏମ୍‌ ସମ୍ବଲପୁର ସହିତ ଏକ ବୁଝାମୁଣାପତ୍ର ସ୍ବାକ୍ଷର କରିଛି।
ମହିଳାମାନଙ୍କର ଅପୂରଣ ଆବଶ୍ୟକତାକୁ ପୂରଣ କରିବା ପାଇଁ ଏକ ନିଃସର୍ତ୍ତ ସହାୟତା ପ୍ରଦାନ କରିବା ଲକ୍ଷ୍ୟରେ ସୁଭଦ୍ରା ରାଜ୍ୟର ପ୍ରତ୍ୟେକ ମହିଳାଙ୍କ ପାଖରେ ପହଞ୍ଚିବା ପାଇଁ ପ୍ରସ୍ତୁତ କରାଯାଇଛି। ଏହା ମହିଳାଙ୍କୁ କ୍ଷୁଦ୍ର ଉଦ୍ୟୋଗୀ କରିବାରେ ସକ୍ଷମ କରି ଉଦ୍ୟୋଗୀ ସମନ୍ବିତ ଲକ୍ଷପତି ହେବାର ସ୍ବପ୍ନକୁ ସାକାର କରିବା ପାଇଁ ପ୍ରୋତ୍ସାହିତ କରିବ।
ଯୋଜନା ସମ୍ବନ୍ଧୀୟ ସମସ୍ତ ସୂଚନା ଶୁଣିବା ପାଇଁ ଓ ମହିଳାମାନଙ୍କ ସନ୍ଦେହ ଦୂର କରିବା ଲାଗି କୁହ ସୁଭଦ୍ରା ଓ ଶୁଣ ସୁଭଦ୍ରା ଆଦି ଦୁଇଟି ଉତ୍ସର୍ଗୀକୃତ ପ୍ରତିକ୍ରିୟା କେନ୍ଦ୍ର ପ୍ରତିଷ୍ଠା କରାଯାଇଛି।
ଉଦ୍ୟୋଗିତାର ଯାତ୍ରା ଆରମ୍ଭ କରିବାକୁ ନିଷ୍ପତ୍ତି ନେଉଥିବା ମହିଳାମାନଙ୍କ ଦକ୍ଷତା ବୃଦ୍ଧି ପାଇଁ ବିଶ୍ୱ ଦକ୍ଷତା କେନ୍ଦ୍ର ସହିତ ମଧ୍ୟ ବୁଝାମଣା ପତ୍ର ସ୍ବାକ୍ଷରିତ କରାଯାଇଛି। ଏହି ଲକ୍ଷ୍ୟକୁ ପୂରଣ କରିବା ପାଇଁ ଅନେକ ପଦକ୍ଷେପ ଗ୍ରହଣ କରାଯାଇଛି। ମୁଁ ଦୃଢ଼ନିଶ୍ଚିତ ଅଛି ଯେ ସୁଭଦ୍ରା ଯୋଜନାର ସଫଳ ରୂପାୟନ ମା’ ଭଉଣୀମାନଙ୍କର ଉଦ୍ୟୋଗୀ ହେବାର ସ୍ବପ୍ନକୁ ମଧ୍ୟ ପୂରଣ କରିବ। ବିକଶିତ ଓ ମୂଳପିଣ୍ଡ ହେବ ସୁଭଦ୍ରା ଯୋଜନା।
ମା’ ଭଉଣୀମାନଙ୍କ ପାଇଁ ନାରୀଶକ୍ତିର ଅଭ୍ୟୁଦୟ ଏହି ମାତ୍ର ଆରମ୍ଭ ହେଲା। ଆଗକୁ ଆହୁରି ଅନେକ ରାସ୍ତା ଅତିକ୍ରମ କରିବା ପାଇଁ ଅଛି। ଆସୁଥିବା ନୂଆ ପିଢ଼ି ପାଇଁ ଉତ୍କର୍ଷ ଓ ଗଢ଼ିବାର ସ୍ବପ୍ନକୁ ପୂରଣ କରିବାର ଅଛି। ସୁଭଦ୍ରାକୁ ଘରେ ଘରେ ପହଞ୍ଚାଇଥିବା ଓ ମହିଳାଙ୍କ ବିକାଶରେ ସହଭାଗିତା ସାଜିଥିବା ସମସ୍ତ ବନ୍ଧୁଙ୍କୁ ସହୃଦୟତାର ସହିତ ଧନ୍ୟବାଦ ଜଣାଉଛି।

ପ୍ରଭାତୀ ପରିଡ଼ା
ଉପ ମୁଖ୍ୟମନ୍ତ୍ରୀ, ଓଡ଼ିଶା