ନିଲାମ ହେଲା ଅର୍ପଣ ଚାଉଳ, ଜାଣନ୍ତୁ କେତେ ଦରରେ ?
shreemandir aprana rice
Ramachandi Prasad
ଭୁବନେଶ୍ୱର : ପୁରୀ ଶ୍ରୀମନ୍ଦିର ପ୍ରଶାସନ ପକ୍ଷରୁ ଅର୍ପଣ ଚାଉଳ ନିଲାମ ହୋଇଛି । ୨ କୋଟି ୮୬ ଲକ୍ଷ ଟଙ୍କାରେ ଏହି ଚାଉଳ ନିଲାମ କରାଯାଇଛି । କୁଇଣ୍ଟାଲ ପିଛା ୨୭୮୦ ଟଙ୍କାରେ ଚାଉଳ ନିଲାମ ହୋଇଥିବା ନେଇ ପୁରୀ ଜିଲ୍ଲାପାଳ ସୂଚନା ଦେଇଛନ୍ତି । ୧୦ ହଜାର ୩୨୨ କୁଇଣ୍ଟାଲ ଚାଉଳ ନିଲାମ ହୋଇଥିବା ଜଣାପଡ଼ିଛି ।
ସୂଚନାଯୋଗ୍ୟଯେ, ଶ୍ରୀମନ୍ଦିର ପରିକ୍ରମା ପ୍ରକଳ୍ପ ବେଳେ ରାଜ୍ୟର ବିଭିନ୍ନ ଅଞ୍ଚଳରୁ ଚାଉଳ ସଂଗ୍ରହ କରାଯାଇଥିଲା । ଭକ୍ତମାନେ ସ୍ୱଇଚ୍ଛାରେ ଗୁଆ, ଚାଉଳ ଓ ନଡ଼ିଆ ଆଦି ମହାପ୍ରଭୁଙ୍କ ଉଦ୍ଦେଶ୍ୟରେ ଦେଇଥିଲେ । ତେବେ ଅରୁଆ ଓ ଉଷୁନା ଚାଉଳ ମିଶିକି ରହିଥିବାରୁ ତାହାକୁ ମହାପ୍ରସାଦରେ ବ୍ୟବହାର କରାଯାଇପାରିନଥିଲା । ପରେ କିଛିଦିନ ଖେଚେଡ଼ି କରାଯାଇ ମାଗଣାରେ ବିତରଣ କରାଯାଇଥିଲା । କିନ୍ତୁ ପରେ ତାହା ବି ବନ୍ଦ ହୋଇଯାଇଥିଲା । ଚାଉଳ ଦୀର୍ଘଦିନ ରହିଯିବାରୁ ସେଥିରେ ପୋକ ବି ଲାଗି ଯାଇଥିଲା । ଏହାକୁ ନେଇ ଲୋକଙ୍କ ମନରେ ତୀବ୍ର ଅସନ୍ତୋଷ ପରିଲକ୍ଷିତ ହୋଇଥିଲା । ତେଣୁ ଶ୍ରୀମନ୍ଦିର ପ୍ରଶାସନ ଏହାକୁ ନିଲାମ କରିବାକୁ ନିଷ୍ପତ୍ତି ନେଇଥିଲେ ।
