ଭଜନ ଗାୟିକା ଶାନ୍ତିଲତାଙ୍କ ପରଲୋକ
Ramachandi Prasad
4122
ଭୁବନେଶ୍ୱର : ଜୀବନ ସାରା ଜଗନ୍ନାଥ ଭଜନ ଗାଇ ଆସୁଥିବା ଶାନ୍ତିଲତା ବାରିକଛୋଟରାୟଙ୍କ ସ୍ୱର ସବୁଦିନ ପାଇଁ ନିରବୀ ଯାଇଛି । ଦୀର୍ଘଦିନ ଧରି ଅସୁସ୍ଥ ଥିବା ଶାନ୍ତିଲତା ଆଜି ଶେଷନିଶ୍ୱାସ ତ୍ୟାଗ କରିଛନ୍ତି । ଥକା ମନ ଚାଲ ଯିବା... ଭଜନ ପାଇଁ ସେ ଘରେ ଘରେ ପ୍ରସିଦ୍ଧି ଲାଭ କରିଥିଲେ । ତାଙ୍କର ଭଜନ ଶ୍ରୋତାମାନଙ୍କ ମଧ୍ୟରେ ଭକ୍ତି ଓ ସମର୍ପଣ ଭାବ ସୃଷ୍ଟି କରିଥାଏ । ଜଗନ୍ନାଥଙ୍କ ସଂସ୍କୃତି ଓ ପରମ୍ପରାକୁ ଦେଶ ଏବଂ ବିଦେଶରେ ପହଞ୍ଚାଇବା ପାଇଁ ତାଙ୍କର ଅବଦାନକୁ ଭୁଲି ହେବ ନାହିଁ । ତାଙ୍କର ଅନ୍ୟ ଲୋକପ୍ରିୟ ଭଜନ ମଧ୍ୟରେ ରହିଛି ଭଜୁ ଭଜୁ ତୋ ନାମ ଚକା ନୟନ, ଜଗନ୍ନାଥ ତୁମେ ବଡ ଛଳିଆ...ା ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ତାଙ୍କର ପରଲୋକ ଘଟିଥିବା ତାଙ୍କ ସ୍ୱାମୀ ବସନ୍ତ କୁମାର ଛୋଟରାୟ ସୂଚନା ଦେଇଛନ୍ତି । ଅନେକ ଲୋକପ୍ରିୟ ଭଜନ ଗାଇଥିବା ଶାନ୍ତିଲତା ଓଡ଼ିଶାର ଘରେ ଘରେ ଖୁବ୍ ପରିଚିତ । ଶାନ୍ତିଲତା ଓଡ଼ିଆ ଭକ୍ତି ସଂଗୀତର ଜଣେ ଅତି ପରିଚିତ ନାଁ ।
