ଡ଼ଃ ଅଶୋକ ମହାପାତ୍ର ଥିଲେ ତ୍ୟାଗ, ନିଷ୍ଠା ଓ ସ୍ୱାଭିମାନର ପ୍ରତୀକ
Rasmita Behera
ାା ପ୍ରଭାନୁ୍ୟଜ ।ା ଭଣ୍ଡାରିପୋଖରୀ: ଓଡ଼ିଶା ଉଚ୍ଚ ନ୍ୟାୟାଳୟ ବାର ଆସୋସିଏସନର ପୂର୍ବତନ ସଭାପତି ତଥା ସାରୋସ୍ଥିତ ଉଚ୍ଚ ବିଦ୍ୟାଳୟ, ଚିକିସôାଳୟ, ଦେବାଳୟ ଆଦିର ପ୍ରତିଷ୍ଠାତା ଡ଼ଃ ଅଶୋକ କୁମାର ମହାପାତ୍ର ଥିଲେ ତ୍ୟାଗ, ନିଷ୍ଠା ଓ ସ୍ୱାଭିମାନର ପ୍ରତୀକ । ତାଙ୍କ ଭିତରେ ଥିବା ଉଦ୍ଦାମତା ଓ ମାନବବାଦର ଚିନ୍ତାଧାରା ତାଙ୍କୁ କେବଳ ଜଣେ ସଫଳ ଆଇନଜୀବି ବ୍ୟତୀତ ସମାଜ କଲ୍ୟାଣକାରୀ ବ୍ୟକ୍ତିତ୍ୱ ଭାବେ ପ୍ରତିଷ୍ଠା ଦେଇଛି ବୋଲି ତାଙ୍କ ତୃତୀୟ ବାର୍ଷିକ ସ୍ମୃତିଚାରଣ ସଭାରେ ଯୋଗ ଦେଇ ଅତିଥିମାନେ ମତବ୍ୟକ୍ତ କରିଛନ୍ତି । ଗୁରୁବାର ତାଙ୍କ ଦ୍ୱାରା ପ୍ରତିଷ୍ଠିତ ଶ୍ୟାମସୁନ୍ଦର ମହାପାତ୍ର ବିଦ୍ୟାନିକେତନ ଠାରେ ପ୍ରଧାନଶିକ୍ଷକ ମନୋରଞ୍ଜନ ପଣ୍ଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ ସ୍ମୃତିସଭାରେ ମୁଖ୍ୟ ଅତିଥି ଭାବେ ଡ଼ଃ ସନ୍ତୋଷ କୁମାର ମହାପାତ୍ର, ମୁଖ୍ୟବକ୍ତା ଭାବେ ଧାମନଗର ମହାବିଦ୍ୟାଳୟର ପୂର୍ବତନ ଅଧ୍ୟକ୍ଷ ସୁରଞ୍ଜନ ପଣ୍ଡା, ସମ୍ମାନିତ ଅତିଥି ଓ ବକ୍ତା ଭାବେ ‘ଅଞ୍ଜଳି'ର ସମ୍ପାଦକ ପ୍ରକାଶ ମହାପାତ୍ର, ନାରାୟଣ ଚନ୍ଦ୍ର ଭାରତୀ, ପୁରିପଡ଼ା ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଅକ୍ଷୟ ମହାପାତ୍ର, ଶାରଦା ବିଦ୍ୟାମନ୍ଦିରର ପ୍ରଧାନଶିକ୍ଷକ ଶରତ ଚନ୍ଦ୍ର ମହାପାତ୍ର, କୃଷ୍ଣଚନ୍ଦ୍ର ପଣ୍ଡା, ଅକ୍ଷୟ ଜେନା, ଜଗବନ୍ଧୁ ସେଠୀ, ନାରାୟଣ ସାମଲ ପ୍ରମୁଖ ଡ଼ଃ ମହାପାତ୍ରଙ୍କ ବହୁମୁଖୀ ପ୍ରତିଭାର ସ୍ମୃତିଚାରଣ କରିଥିଲେ । ବିଦ୍ୟାଳୟର ଶିକ୍ଷକମାନଙ୍କ ସମେତ ଛାତ୍ରଛାତ୍ରୀମାନେ ମଧ୍ୟ ସ୍ମୃତିଚାରଣ କରିଥିଲେ । ଶିକ୍ଷକ ସନ୍ତୋଷ ପାତ୍ର ଅତିଥି ପରିଚୟ ଓ ସୁଜିତ ସାହୁ ଧନ୍ୟବାଦ ପ୍ରଦାନ କରିଥିଲେ । ଶିକ୍ଷକ ପ୍ରଶାନ୍ତ କୁମାର ନାୟକ, ସୁନିଲ ସାହୁ, ମାନସ ଶତପଥୀ, ନିରାକାର ତ୍ରିପାଠୀ, ସନ୍ତୋଷ ପଣ୍ଡା, ଜିତେନ୍ଦ୍ର ପଣ୍ଡା, ଦୟାନିଧି ପରିଡ଼ା ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନା କରିଥିଲେ । ପ୍ରାରମ୍ଭରେ ଡ଼ଃ ମହାପାତ୍ରଙ୍କ ଫଟୋଚିତ୍ରରେ ମାଲ୍ୟାର୍ପଣ କରାଯାଇ ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା ।କାର୍ଯ୍ୟକ୍ରମରେ ଗ୍ରାମବାସୀ ଓ ଛାତ୍ରଛାତ୍ରୀମାନେ ଯୋଗ ଦେଇଥିଲେ ।
