ଖଣ୍ଡୁରାଇଙ୍କ ମନ୍ଦିର ପ୍ରତିଷ୍ଠା ଉତ୍ସବ
Rasmita Behera
ଦାନଗଦୀ: ଧୂଳିଗଡ଼ ପଞ୍ଚାୟତ ମାନଗୋବିନ୍ଦପୁର ଗାଁରେ ତିନିଦିନ ବ୍ୟାପୀ ଗ୍ରାମଦେବତୀ ମା’ଖଣ୍ଡୁରାଇଙ୍କର ନୂତନ ମନ୍ଦିର ପ୍ରତିଷ୍ଠା ଓ ବିଗ୍ରହଙ୍କ ପ୍ରତିଷ୍ଠା ଉତ୍ସବ ଯଥାବିଧି ଅନୁଷ୍ଠିତ ହୋଇଯାଇଛି । ଯଜ୍ଞକର୍ତ୍ତା ଭାବେ ଗ୍ରାମର ମୋହନ ସାହୁ ଓ କର୍ତ୍ତୀ ଭାବେ ଧର୍ମପନôୀ ସନ୍ଧ୍ୟାରାଣୀ ସାହୁ ପୂଜା ଓ ଯଜ୍ଞ କର୍ମ ସମ୍ପନ୍ନ କରିଥିଲେ । ପ୍ରଥମ ଦିବସରେ ଯଜ୍ଞ ଅଧିବାସ, ଅଙ୍କୁରାପଣ, ଶ୍ରୀ ମାଙ୍କ ବିଗ୍ରହଙ୍କ ଧ୍ୟାନଧୀବାସ ହୋଇଥିବା ବେଳେ ଦ୍ୱିତୀୟ ଦିବସରେ ଗାଁର ମହିଳା ମାନଙ୍କ ସହ ୨୭ଟି କଳସ ଯାତ୍ରା ଗ୍ରାମ ପରିକ୍ରମା କରି ଦେବୀଙ୍କ ପୀଠରେ ପହଁଚିବା ପରେ ମାଙ୍କର ମହାସ୍ନାନ ନୀତି ଓ ଶୟନ ହୋଇଥିଲା । ଶେଷ ଦିବସରେ ଶ୍ରୀବିଗ୍ରହଙ୍କର ପ୍ରାଣ ପ୍ରତିଷ୍ଠା ସହ ଏକ ସୁସଜ୍ଜିତ ରଥରେ ଗ୍ରାମବାସୀ ଓ ସଂକ୍ରିତନ ସହ ନଗର ପରିକ୍ରମା, ପୂର୍ଣ୍ଣାହୂତି ଓ ସହସ୍ରାହୃତ ହୋଇଥିଲା । ପ୍ରତିଦିନ ମାଙ୍କ ପୀଠରେ ସୂର୍ଯ୍ୟପୂଜା, ଗୋ-ପୂଜା ଓ ଯଜ୍ଞ ହୋଇଥିବା ବେଳେ ସଂନ୍ଧ୍ୟାରେ ନାମ ସଂକ୍ରିତନ ହୋଇଥିଲା । ଗ୍ରାମର ସମାଜସେବୀ ମଦନ ମୋହନ ସାହୁଙ୍କ ଦ୍ୱାରା ମା’ଖଣ୍ଡୁରାଇଙ୍କର ମନ୍ଦିର ପ୍ରତିଷ୍ଠା ହୋଇ ପାରିଥିବାରୁ ଗ୍ରାମବାସୀ ତାଙ୍କର ଏପରି ମହାନ ମହତ କାର୍ଯ୍ୟକୁ ପ୍ରଶଂସା କରିବା ସହ କାର୍ଯ୍ୟ ସମାପନ କରିଥିଲେ ।
