ପାନୀୟ ଜଳ ସମସ୍ୟା ,ରାସ୍ତାରୋକ କଲେ ସାହି ବାସିନ୍ଦା
Rasmita Behera
ପାପଡାହାଣ୍ଡି : ନବରଙ୍ଗପୁର ଜିଲ୍ଲାର ଅନେକ ସମୟରେ ପାନୀୟଜଳ ର ସମସ୍ୟା ଉପଜିଥିଲେ ମଧ୍ୟ ପ୍ରଶାସନର ଏଥିପ୍ରତି ନିଘା ନାହିଁ । ଶୁକ୍ରବାର ପାପଡାହାଣ୍ଡି ସଦର ସତନାମୀ ସାହିରେ ପାନୀୟ ଜଳ ସମସ୍ୟା ନେଇ ସାହି ବାସିନ୍ଦା ରାସ୍ତା ରୋକ କରିଥିଲେ । ସାହିରେ ଆବଶ୍ୟକ ନଳକୂପ ନ ଥିବା ବେଳେ ୨ ଟି ନଳକୂପ ଅଚଳ ହୋଇ ପଡିଛି । ପାଇପ ଯୋଗେ ଜଳ ଯୋଗାଣ ଠିକ୍ରେ ହୋଇ ପାରୁନାହିଁ । ପ୍ରବଳ ଗ୍ରୀଷ୍ମ ପ୍ରବାହ ଯୋଗୁଁ ଲୋକଙ୍କ ଲାଗି ପାନୀୟ ଜଳ ଉକ୍ରଟ ହୋଇଥିବାରୁ ପାପଡାହାଣ୍ଡିରୁ କୋଷାଗୁମୁଡା ରାସ୍ତା ଅବରୋଧ କରିଥିଲେ ଲୋକେ । ଖବର ପାଇ ବିଡ଼ିଓ କପିଳଦେବ ସାହୁ, ଏସିଡ଼ପିଓ ମିନାକ୍ଷୀ ଠାକୁର ଓ ଆଇଆଇସି ଦୀପକ କୁମାର ଜେନା ପ୍ରମୁଖ ପ୍ରତିଶୃତି ଦେବା ପରେ ରାସ୍ତା ରୋକ ହଟିଥିଲା । ମିତ୍ର ଭାନୁ ସତାନାମୀ, କନକ ସତାନାମୀ, ଗୁଗଲି ସତନାମୀ, ମଇନା ସତାନମୀ, ମମତା ସତନାମୀ, କୌଶଲ୍ୟା ସତନାମୀ, ସୁନିତା ସତାନାମୀ, ମଇନା ସତନାମୀ, ସବିତା, ସତାନାମୀ, ରବି ସତନାମୀ , ଶଙ୍କର ସତାନାମୀ, ଲମ୍ଭୁ ସତାନାମୀ ପ୍ରମୁଖ ପ୍ରତିବାଦ ବେଳେ ଉପସ୍ଥିତ ଥିଲେ ।
