ଅନ୍ତର୍ଜାତୀୟ ଗୁଣବତ୍ତା ସମ୍ମେଳନରେ ଭିସା ଷ୍ଟିଲକୁ ସ୍ୱର୍ଣ୍ଣ
Rasmita Behera
କଳିଙ୍ଗନଗର: ଭିସାଷ୍ଟିଲ କଳିଙ୍ଗନଗରକୁ ଅନ୍ତର୍ଜାତୀୟ ଗୁଣବତା ସମ୍ମେଳନରେ ସ୍ୱର୍ଣ୍ଣ ପଦକ ପ୍ରାପ୍ତ ହୋଇଛି । ଗୁଣବତା ଓ ଉତ୍ପାଦକତା ଉନ୍ନତିକରଣ ସଂଗଠନ ପକ୍ଷରୁ ଚଳିତ ମାସ ଦ୍ୱିତୀୟ ସପ୍ତାହରେ ଶ୍ରୀଲଙ୍କା କଲୋମ୍ବ ସ୍ଥିତ ହୋଟେଲ ମାଉଣ୍ଟ ଲେଭିନିଆରେ ଆୟୋଜିତ ଆନ୍ତର୍ଜାତୀୟ ଗୁଣବତା ସମ୍ମେଳନରେ ଏହି ସମ୍ମାନ ମିଳିଛି । ଆୟୋଜିତ ଅନ୍ତର୍ଜାତୀୟ ସମ୍ମେଳନରେ ୧୪ଟି ଦେଶରୁ ପ୍ରାୟ ୧୧୦୦ ଦଳ ଯୋଗ ଦେଇଥିଲେ । ବିଭିନ୍ନ ସଂସ୍ଥାରୁ ଆସିଥିବା ଦଳ ଗୁଡିକ ଗୁଣବତା ଓ ଉତ୍ପାଦକତା ବୃଦ୍ଧିପାଇ ପରିକଳ୍ପନା କରିଥିବା ଓ କାର୍ଯ୍ୟରେ ପରିଣତ କରିଥିବା ବିଭିନ୍ନ ପ୍ରକଳ୍ପ ପ୍ରଦର୍ଶନ କରିଥିଲେ । କଳିଙ୍ଗନଗର ସ୍ଥିତ ଭିସା ଷ୍ଟିଲ କାରଖାନାର ଅଧିକାରୀଙ୍କୁ ନେଇ ଗଠିତ ଗୋଟିଏ ଦଳ କାର୍ଯ୍ୟକ୍ରମରେ ଭାଗନେଇ ସ୍ୱର୍ଣ୍ଣ ପୁରସ୍କାର ଜିତିବାର ଗୌରବ ଅର୍ଜନ କରିଛନ୍ତି । କାରଖାନାର ଏହି ସଫଳତା ପାଇଁ କାରଖାନାରେ ଏକ ସମ୍ବର୍ଦ୍ଧନା ସଭାର ଆୟୋଜନ କରାଯାଇଥିଲା । କାରଖାନାର ନିଦେ୍ର୍ଦଶକ ମନୋଜ କୁମାର ସଭାରେ ଯୋଗ ଦେଇ କର୍ମଚାରୀଙ୍କୁ କୃତଜ୍ଞତା ଜଣାଇଥିଲେ ।
